Singapore Airlines

in Wikipedia, die vrye ensiklopedie
Jump to navigation Jump to search
Singapore Airlines
Singapore Airlines Airbus A380 woah!.jpg
IATA
SQ
ICAO
SIA
Roepsein
SINGAPORE
Gestig 1 Mei 1947 (as Malayan Airways)
Eerste vlug 1 Oktober 1972
Hoofspil Singapoer Changi Lughawe
Lojaliteitsprogram
  • KrisFlyer
  • PPS Club
Lughawesitkamer SilverKris Lounge
KrisFlyer Gold Lounge
Alliansie Star Alliance (2000)
Dogtermaatskappye Scoot
SilkAir
Singapore Airlines Cargo
Vlootgrootte 107 vliegtuie[1]
Bestemmings 62
Slagspreuk A Great Way to Fly (Engels)
Cara Hebat untuk Terbang (Maleisies)
பறக்க ஒரு சிறந்த வழி (Tamil)
Houermaatskappy Temasek Holdings (56%)
Hoofkantoor Airline House, 25 Airline Road
Singapore, 819829
Sleutelpersone Goh Choon Phong (HUB)
Omset Green Arrow Up Darker.svg S$19.244 miljard(2013/14)
Bedryfsinkomste Green Arrow Up Darker.svg S$ 359.3 miljoen (2013/14)
Netto inkomste Red Arrow Down.svg S$ 459.5 miljoen (2013/14)
Werknemers 17 240 (2014)
Webtuiste http://www.singaporeair.com/

Die lugredery Singapore Airlines Limited (ICAO: SIA) (SGX:C6L) is die vlagdraer van Singapoer en 'n 5-sterlugredery. Singapore Airlines word bedryf uit 'n middelpunt by Lughawe Singapoer Changi en handhaaf 'n sterk teenwoordigheid in Suidoos-Asië, Oos-Asië, Suid-Asië en die "Kangaroe-roete" markte.

Geskiedenis[wysig | wysig bron]

Singapore Airlines onstaan as "Malayan Airways Limited" in 1946, sy eerste huurvlug word gevlieg op 2 April 1947 en sy eerste lynvlug tussen Singapoer en Kuala Lumpur begin op 1 Mei 1947. Toe die staat Singapoer in 1966 afskei van Maleisië word die lugredery se naam gewysig na "Malaysia-Singapore Airlines". Hierna groei die lugvaartmaatskappy met rasse skrede, onder andere deur die toevoeging van die Boeing 707 en 737 tot sy vloot.

As gevolg van politieke spanning tussen Maleisië en Singapoer word daar in 1972 besluit om "Malaysia-Singapore Airlines" te verdeel in twee firmas; Singapore Airlines en Malaysia Airline System (die huidige Malaysia Airlines). Die Singapoer-deel ontvang al die Boeing's en daarna groei die lugredery vinnig in Asië. Nog Boeing 747s is aangekoop.

In die jare 1980 word vlugte ook na Noord-Amerikaanse en Europese bestemmings onderneem. In 1989 voeg die lugredery ook die heel nuutste Boeing 747-400 tot sy vloot toe. Vanaf die 1990's begin Singapore Airlines ook na Suid-Afrika vlieg.

Sedert 2004 word daar non-stop na Noord-Amerika gevlieg met die Airbus A340-500.

Teen middel-Desember 2012 word bekend gemaak dat Singapore Airlines sy belang van 49% in Virgin Atlantic Airways verkoop het aan die Amerikaanse Delta Air Lines.[2] Delta betaal €277-miljoen vir die aandele, dit is minder as die helfte van wat Singapore Airlines in 1999 betaal het vir sy minderheidsbelang in Virgin Atlantic.

Tans[wysig | wysig bron]

Een van hierdie lugwaardinne sal moontlik na jou omsien op 'n Singapore Airlines-vlug

Singapore Airlines was die bekendstellingskliënt van die Airbus A380, tans die wêreld se grootste passasiersvliegtuig. SIA het gediversifiseerde lugredery-verwante ondernemings, soos vliegtuighantering en ingenieurswese. Sy volfiliaal, SilkAir, bestuur plaaslike vlugte na sekondêre stede wat kleiner kapasiteitvereistes het. Filiaal Singapore Airlines Cargo bedryf SIA se toegewyde vragskipvloot, en die bestuur van die vraghouerkapasiteit in SIA se vliegtuie. Dit is ook betrokke by die laekostepassasiersmark deur sy belang in Tigerair en sy volfiliaal, Scoot. Dit is in die geledere van die top 15 lugdienste wêreldwyd in terme van inkomstekilometers,[3] en 10de in die wêreld vir internasionale passasiers gedra.[4] Op 15 Desember 2010 is Singapore Airlines deur die Internasionale Lugvervoervereniging aangewys as die tweede grootste lugredery in die wêreld in terme van markkapitalisasie met 'n waarde van VS$ 14 miljard.[5] Singapore Airlines is tans 'n amptelike borg van die Singapoer nasionale sokkerspan. Die lugredery gebruik die "Singapore Girl" as sentrale beeld om die lugredery se handelsmerk te bemark. In 2013 het Singapore Airlines die vorming van 'n gesamentlike onderneming "TATA SIA" saam met Tata Sons aangekondig.

Bestemmings[wysig | wysig bron]

Singapore Airlines vlieg na 64 bestemmings in 35 lande in Asië, Oseanië, die Midde-Ooste, Europa, Afrika en Noord-Amerika. Die meeste plaaslike vlugte word deur sy filiaal SilkAir onderneem, daarom het Singapore Airlines ook geen klein vliegtuie in sy vloot nie.

Langste direkte vlugte[wysig | wysig bron]

Singapore Airlines vlug 21 is die langste direkte (non-stop) lynvlug ter wêreld. Dit is 'n lang vlug vanaf Newark Liberty Internasionale Lughawe (in New York) na Singapoer Changi Lughawe van ongeveer 15 330 km oor die Arktiese Oseaan (Noordpool), wat ongeveer agtien-en- 'n-halfuur duur. Die terugvlug, Singapore Airlines vlug 22, is die tweede langste vlug in die wêreld. Hierdie vlug is vyftien minute korter as gevolg van die heersende wind wat die vliegtuig ondervind. Singapore Airlines onderneem hierdie vlug met die Airbus A340-500.

Verwysings[wysig | wysig bron]

  1. "Lys van vliegtuie op Singapore se register". Burgerlugvaartowerheid van Singapoer. 31 Oktober 2014. Besoek op 30 November 2014.
  2. De Telegraaf: Delta koop belang in Virgin Atlantic, 11 Desember 2012. Besoek op 13 Desember 2012
  3. "Data/Airline Economics Channel". Air Transport World. 2007.[dooie skakel]
  4. "WATS Scheduled Passengers Carried". International Air Transport Association. 2005.[dooie skakel]
  5. Mutzabaugh, Ben (14 Desember 2010). "U.S., European airlines no longer world's biggest, IATA says". USA Today. Besoek op 16 Mei 2011.


Hierdie artikel is in sy geheel of gedeeltelik vanuit die Engelse Wikipedia vertaal.
Hierdie artikel is in sy geheel of gedeeltelik vanuit die Nederlandse Wikipedia vertaal.