Fleet

in Wikipedia, die vrye ensiklopedie
Fleet
Koördinate: 51°17′00″N 0°50′44″W / 51.2834°N 0.8456°W / 51.2834; -0.8456Koördinate: 51°17′00″N 0°50′44″W / 51.2834°N 0.8456°W / 51.2834; -0.8456
LandVlag van Verenigde Koninkryk Verenigde Koninkryk
LandVlag van Engeland Engeland
Graafskap Hampshire
DistrikHart
Oppervlak
 • Totaal12,0 km2 (4,6 vk. myl)
Bevolking
 • Totaal41 233[1]
 • Digtheid3 440/km2 (8 900/vk. myl)
TydsoneUTC+00:00 (MGT)
 • SomertydUTC+01:00 (BST)
Skakelkodes01252

Fleet is 'n dorp in die noorde van die Engelse graafskap Hampshire, sowat 37 myl (60 km) suidwes van Londen geleë. Die nedersetting behels vier administratiewe parogieë of civil parishes: Fleet, Church Crookham, Crookham Village en Elvetham Heath.

Geografie[wysig | wysig bron]

Fleet lê op die hoofspoorlyn tussen Londen en Southampton ongeveer 55 km vanaf Waterloo-stasie. Die snelweg M3 is aangrensend aan die noordelike grense van Fleet se beboude gebied. Fleet Pond, 'n meer van 21 ha en sy gepaardgaande natuurreservaat, grens aan die treinstasie en die oostelike grens van die beboude gebied. Die grootste deel van die land ten ooste en suide van die meer is heide- of berkbos met min landbou. Die weermag, wat 'n kaserne by die nabygeleë Aldershot het, gebruik hierdie land as oefeningsterrein. Grond in die weste en suide, waarvan baie in die Hartrivier- en Whitewaterrivier-valleie is, is beter geskik vir landbou. Farnborough se vliegveld lê ongeveer 3 km na die ooste van Fleet.

Fleet het 'n gematigde maritieme klimaat met 'n gemiddelde maksimum van 23 °C gedurende Julie en 'n gemiddelde minimum van 1 °C gedurende Februarie. Die gemiddelde jaarlikse reënval is ongeveer 700 mm.[3][4]

Geskiedenis[wysig | wysig bron]

In die Angelsaksiese tyd was Fleet deel van die Crondall-honderd. Fleet self is bekend vir sy meer (Fuglemeer genoem). Oorspronklik is die meer gebruik om vis aan die monnike in Winchester te lewer - in 1324 word die koste verbonde aan die herstel van die " Vivarium and Sluce at Fleate " in die Crondall-rekords aangeteken. Destyds is hoofweg deur Fleet die Reading - Farnham-pad. Selfs teen 1759 toon Isaac Taylor se kaart min ontwikkeling van die stad. Die kanaal het min na Fleet gebring behalwe 'n paar herberge om die kanaalbootvoerders te voorsien.[5]

Tussen 1787 en 1794 is die 60 km Basingstokekanaal tussen die Weyrivier en Basingstoke gebou. Deesdae loop die kanaal dwarsdeur die Fleet/Church Crookham gebied.[6] Die kanaal het nooit 'n wins gemaak nie maar dit was vir die bou van die spoorlyn tussen Woking en Basingstoke nuttig, maar nadat die spoorlyn voltooi is, neem die spoorlyn die meeste van die kanaalsbesigheid geneem. Die spoorlyn deur Fleet is in 1838 voltooi, maar die stasie by Fleet, langaan FleetPond is in 1847 geopen. Oorsponklik kry die stasie die naam Fleet Pond.[5]

In die Victoriaanse tydperk was Fleet nog 'n betreklik klein dorpie voordat in die jare voor die Tweede Wêreldoorlog grootskaalse eiendomsontwikkelinge in die gebied plaasgevind het wat tot in die 1960's en 1970's voortgeduur het. Die nabyheid van Londen, wat maklik per trein bereik kan word, het Fleet aantreklik gemaak vir pendelaars wat hulle hier in groter getalle kom vestig het. Toe nuwe behuising in Elvetham Heath ontstaan het, is Fleet met die M3-snelweg verbind.[7]

Besienswaardighede in Fleet
All Saints-kerk (voltooi in 1861) voodat dit uitgebrand is
All Saints-kerk (voltooi in 1861) voodat dit uitgebrand is
All Saints-kerk (voltooi in 1861) voodat dit uitgebrand is  
Fleet Pond
Fleet Pond
Fleet Pond  
Basingstoke-kanaal tydens die winter
Basingstoke-kanaal tydens die winter
Basingstoke-kanaal tydens die winter  
Winkelsentrum, Fleet
Winkelsentrum, Fleet
Winkelsentrum, Fleet  

Verwysings[wysig | wysig bron]

  1. (en) "Civil Parish population 2011". Neighbourhood Statistics. Office for National Statistics. Geargiveer vanaf die oorspronklike op 23 Desember 2016. Besoek op 17 Desember 2016.
  2. "Civil Parish population 2011". Neighbourhood Statistics. Office for National Statistics. Geargiveer vanaf die oorspronklike op 23 Desember 2016. Besoek op 17 Desember 2016.
  3. "Farnborough Climate 1981–2010" (in Engels). Junie 2011. Geargiveer vanaf die oorspronklike op 13 November 2017. Besoek op 22 Januarie 2020.
  4. (en) William Page, red. (1911). A History of the County of Hampshire: Volume 4. London: Victoria County History. Parishes: Crondall. Besoek op 26 Januarie 2020.
  5. 5,0 5,1 (en) Roe, Ted (1972). Mainly about Old Fleet and Crookham. Ted Roe.
  6. (en) Jebens, Dieter (2015). A Guide to the Basingstoke Canal. The Basingstoke Canal Society.
  7. Local History Videos: Fleet. Besoek op 21 Januarie 2020

Eksterne skakels[wysig | wysig bron]