GOOD

in Wikipedia, die vrye ensiklopedie

GOOD is 'n Suid-Afrikaanse politieke party. Die party is op 2 Desember 2018 deur die voormalige burgemeester van Kaapstad, Patricia de Lille, en ander ontevrede oud-Demokratiese Alliansie-lede geloods.[1]

Stigting[wysig | wysig bron]

Patricia de Lille, leier en stigterslid van die party

Patricia de Lille is 'n Suid-Afrikaanse politikus. Sy is in 1994 as 'n Pan Africanist Congress (PAC)-lid tot die Nasionale Vergadering verkies. Sy het vele leierskapsposisies in die party gehad. Gedurende die vloerkruistydperk van 2003 het sy van die PAC weggebreek en die Onafhanklike Demokrate (OD) gevorm. Die party was die eerste politieke party in Suid-Afrika wat gelei word deur 'n vrou wat verkiesings betwis en setels gewen het. In 2010, na vergaderings tussen die Demokratiese Alliansie Federale Uitvoerende Komitee en die Onafhanklike Demokrate Uitvoerende Beampte, is aangekondig dat die OD en die DA sal saamsmelt. Lede van die Onafhanklike Demokrate het aanvanklik dubbele partylidmaatskap gehou. Die OD is amptelik ontbind ná die algemene verkiesing in 2014.

In 2011 is De Lille deur die Demokratiese Alliansie gekies om die party se burgemeesterskandidaat in Kaapstad te wees. Sy is in Mei 2011 as burgemeester van Kaapstad verkies. Sy het tot Oktober 2018 gedien. Gedurende die laaste maande van haar burgemeesterskaploopbaan het die Demokratiese Alliansie De Lille daarvan beskuldig dat sy korrupsie in die munisipaliteit se sake weggesteek het. Sy het hierdie bewerings ten sterkste ontken. Toe De Lille as burgemeester bedank het, het sy ook bedank as 'n lid van die Demokratiese Alliansie, met die bewering dat die party mishandelend teenoor haar was. Shaun August en baie ander raadslede, insluitende die burgemeesterskomiteelid vir vervoer Brett Herron, het hul posisies bedank in protes teen die verwydering van De Lille. Hulle was almal lede van die vorige Onafhanklike Demokrate.[2]

Op 18 November 2018 het Patricia de Lille die "For Good" politieke beweging en webwerf bekendgestel.[3]

Op 2 Desember 2018 het De Lille die vorming van die "GOOD" politieke party in Houghton Estate, 'n voorstad van Johannesburg, aangekondig. By die bekendstelling van die politieke party was Shaun August en Brett Herron teenwoordig.[4].

Op 29 Mei 2019 het pres. Cyril Ramaphosa haar by sy kabinet ingesluit as minister van openbare werke en infrastruktuur. Tydens 'n kabinetskommeling in Maart 2023 is sy deur president Cyril Ramaphosa as Minister van Toerisme aangestel.[5]

Verkiesingsveldtogte[wysig | wysig bron]

By die bekendstelling van die politieke party het De Lille gesê dat die manifes van die party en premierkandidate vroeg in 2019 aangekondig sal word. Die party is geregistreer by die Onafhanklike Verkiesingskommissie (OVK) en het ook aan die nasionale en provinsiale verkiesings in al die Suid-Afrikaanse provinsies in 2019 deelneem.

Op 5 Februarie 2019 het die party sy manifes geloods. Die party se manifes fokus op sleutelkwessies, soos die vermindering van die grootte van die nasionale kabinet, die vervolging van korrupte individue en die skrapping van die omstrede e-tolstelsel in Gauteng.[6]

Verkiesingsresultate[wysig | wysig bron]

Parlement[wysig | wysig bron]

Verkiesing Stemme % Setels
2019[7] 70 408 0,4 2

Nasionale Raad van Provinsies[wysig | wysig bron]

Verkiesing Setels
2019[8] 1

Provinsiale verkiesings[wysig | wysig bron]

Election[9] Oos Kaap Vrystaat Gauteng KwaZulu-Natal Limpopo Mpumalanga Noordwes Noord Kaap Wes Kaap
% Setels % Setels % Setels % Setels % Setels % Setels % Setels % Setels % Setels
2019 0.24 0/63 0.08 0/30 0.20 0/73 0.11 0/80 0.03 0/49 0.06 0/30 0.12 0/33 0.83 0/30 3.01 1/42

Verwysings[wysig | wysig bron]

  1. Patricia de Lille names her party 'Good'.Retrieved on 2018-12-03.
  2. DA Cape Town chief whip resigns in support of De Lille Geargiveer 21 April 2019 op Wayback Machine. Retrieved on 2018-12-03.
  3. De Lille announces new party to contest 2019 elections.Retrieved on 2018-12-03.
  4. De Lille: Good party's leadership to be elected after the 2019 polls. Retrieved on 2018-12-03.
  5. Zyl, Corné van (6 Maart 2023). "Cabinet reshuffle: Here's EVERY change made by Ramaphosa". The South African (in Engels). Besoek op 7 Maart 2023.
  6. De Lille launches Good manifesto Geargiveer 17 April 2019 op Wayback Machine. Verkry op 16 Februarie 2019.
  7. "This is how many MPs each party can send to Parliament" (in Engels). News24. Geargiveer vanaf die oorspronklike op 8 November 2019. Besoek op 11 Mei 2019.
  8. https://www.elections.org.za/NPEDashboard/app/dashboard.html
  9. "Results Dashboard". www.elections.org.za (in Engels). Geargiveer vanaf die oorspronklike op 19 Januarie 2020. Besoek op 11 Mei 2019.
Hierdie artikel is in sy geheel of gedeeltelik vanuit die Engelse Wikipedia vertaal.