Noordwes

in Wikipedia, die vrye ensiklopedie
Spring na: navigasie, soek
Noordwes Provinsie
Bokone-Bophirima
Nyakatho-Ntshonalanga
North West Province
Wapen van Noordwes.png
Wapen
North West in South Africa.svg
Oppervlakte 104 882 km²
Bevolking (2011)[1] 3 509 953
Bevolking (2017 skat) 3 850 000
Tale[1] Tswana (63,4%), Afrikaans (9,0%), Suid-Sotho (5,8%), Xhosa (5,5%), Tsonga (3,7%)
Etniese groepe[1] Swartes (89,8%), Blankes (7,3%), Kleurlinge (2,0%), Asiërs (0,6%)
Hoofstad Mahikeng
Premier Supra Mahumapelo (ANC)

Noordwes (Engels: North West, Tswana: Bokone-Bophirima) is een van die nege provinsies van Suid-Afrika. Die hoofstad is Mahikeng (heet tot onlangs Mafikeng en nog algemeen gebruik). Noordwes is in 1994 gevorm deur die samevoeging van die ou Wes-Transvaal en die "tuisland" Bophuthatswana (uitgesluit die deel wat in die Vrystaat geleë was) en 'n noordoostelike deel van die ou Kaapprovinsie.

Die provinsiale hoofstad Mahikeng vorm 'n eenheid met Mmabatho, wat voorheen die hoofstad van Bophuthatswana was.

Ander belangrike plekke in Noordwes is onder meer Potchefstroom, Klerksdorp, Brits, Rustenburg, Lichtenburg en Vryburg.

Demografie[wysig | wysig bron]

Meerderheidstale in Noordwes:

   Afrikaans

   Engels

   Suid-Ndebele

   Xhosa

   Zoeloe

   Noord-Sotho

   Suid-Sotho

   Tswana

   Tsonga

   Geen meerderheidstaal

  • Bevolking (2007-sensus): 3 394 200.
  • Tale: Tswana (63,4%), gevolg deur Afrikaans (9,0%).

Distrikte[wysig | wysig bron]

Distrikte van Noordwes

Daar is 4 distrikte in die provinsie, naamlik:

Geografie[wysig | wysig bron]

  • Oppervlakte: Sowat 104 882 vk. km.

Ligging en topografie[wysig | wysig bron]

Noord en wes van Noordwes lê die land Botswana, terwyl die provinsies Noord-Kaap en Vrystaat aan die suidekant, Limpopo na die noordooste en Gauteng aan die oostekant daarvan lê. Die Magaliesbergreeks is in die noordooste, en die Vaalrivier vorm die provinsie se suidelike grens. Noordwes se suidelike deel is 'n uitgestrekte vlakte, terwyl die noordelike deel grootliks yl begroeide bosveld is.

Ekonomie[wysig | wysig bron]

'n Kunsmatige sandstrand in Sun City

Mynbou sorg vir meer as 'n derde van Noordwes se bruto binnelandse produk. Nagenoeg 94% van Suid-Afrika se platinum kom van die distrikte Rustenburg en Brits, wat meer van hierdie kosbare silwerwit metaal produseer as enige ander gebied ter wêreld. Die provinsie lewer voorts 'n kwart van die land se goud. Graniet, marmer, vloeispaat en diamante word ook ontgin.

Ondanks die mynboubedrywighede het die provinsie nog steeds 'n landelike karakter. Noordwes lewer sowat 'n derde van die land se mielies. Ander belangrike landbouprodukte in die suidelike en oostelike dele van die land is sonneblomolie, vrugte, tabak en katoen. Die westelike en noordelike dele het weer baie skaap- en beesplase.

Toerisme[wysig | wysig bron]

Noordwes se malariavrye wildernisgebiede soos die Madikwe Wildreservaat en die Nasionale Pilanesbergpark is gewilde toeristebestemmings. So ook Sun City, 'n bekende luukse vakansieoord wat met twee gholfbane, kasino's, sportgeriewe en ander vermaaklikheidsaktiwiteite daagliks meer as 25 000 besoekers lok. Ander gewilde bestemmings vir buitelug-aktiwiteite is die Hartbeespoortdam (vir watersport) en die Magaliesberge met sy natuurskoon en voetslaanpaaie.

Opvoeding[wysig | wysig bron]

Die Noordwes-Universiteit, wat die Potchefstroomkampus (die Pukke) insluit, is die provinsie se vernaamste tersiêre onderwysinrigting.

Bronne[wysig | wysig bron]


Verwysings[wysig | wysig bron]

  1. 1,0 1,1 1,2 statssa.gov.za - 2011-sensus

Eksterne skakels[wysig | wysig bron]


Provinsies van Suid-Afrika Vlag van Suid-Afrika
Gauteng | KwaZulu-Natal | Limpopo | Mpumalanga | Noord-Kaap | Noordwes | Oos-Kaap | Vrystaat | Wes-Kaap


Koördinate: 27°S 26°O / 27°S 26°O / -27; 26