Bobby Beausoleil
| Bobby Beausoleil | ||
| ||
| Polisiefoto van Beausoleil op 1 Julie 2016. | ||
| Gebore | 6 November 1947 | |
| Bynaam | Cupid | |
| Ander name | Robert Kenneth Beausoleil (geboortenaam) | |
| Misdaadbesonderhede | ||
| Misdaad | Moord | |
| Beweging | Mansonbende | |
| Vonnisbesonderhede | ||
| Vonnisdatum | 18 April 1970 | |
| Vonnis | Doodstraf, versag tot lewenslank (1972) | |
| Status | In tronk | |
Robert Kenneth Beausoleil (gebore op 6 November 1947) is 'n Amerikaanse moordenaar en voormalige lid van die Mansonbende, wat deur Charles Manson gelei is. Hy is skuldig bevind aan die moord op 27 Julie 1969 op Gary Hinman, wat hom en ander volgelinge van Manson bevriend het. Hy is vir die moord tot dood veroordeel, maar die vonnis is later tot lewenslange gevangenisstraf versag nadat die doodstraf in Kalifornië ongrondwetlik verklaar is.
Tydens sy opsluiting het Beausoleil musiek opgeneem en uitgereik. Hy het ook gewerk aan visuele kuns, instrumentontwerp en mediategnologie.[1] Hoewel 'n paroolraad hom in Januarie 2019 vir parool aanbeveel het ná sy 19de paroolverhoor, het die goewerneur van Kalifornië dit afgekeur.
Lewe[wysig | wysig bron]
Beausoleil is op 6 November 1947 in Santa Barbara, Kalifornië, gebore. Op 15-jarige ouderdom is hy vir verskeie oortredings vir 10 maande na die Los Prietos-inrigting vir seuns gestuur.[2] Hy is daarna na Los Angeles, waar hy op die musiek- en rolprenttoneel rondgeswerf het. Hy het omstreeks 1965 lid van verskeie musiekgroepe geword.[3] In 1967 het hy 'n rol in die regisseur Kenneth Anger se rolprent Lucifer Rising gekry.
In 1968 het Beausoleil saam met Gary Hinman in Topanga Canyon gewoon toe hy Charles Manson ontmoet. Hy het ook met die res van die Mansonbende bevriend geraak.[4] Die staatsaanklaer van Los Angeles Vincent Bugliosi sê in sy boek Helter Skelter Gary Hinman is oor geld vermoor wat Manson geglo het hy besit. Manson het geglo hy skuld die bende geld vir 'n dwelmtransaksie tussen Hinman en Beausoleil wat glo skeefgeloop ht.
Hinman-moord[wysig | wysig bron]
Beausoleil het Hinman een aand besoek. Saam met hom was Susan Atkins en Mary Brunner. Brunner het immuniteit gekry as die sleutelgetuie in Beausoleil se verhoor. Atkins het daarna betrokke geraak in die berugte Tate-LaBianca-moorde en ander misdade deur die Mansonbende.[5]
Hinman het aan Beausoleil gesê hy het nie geld nie. Beausoleil het Manson by Spahn Ranch gebel en dié het gesê hy moet Hinman gevange hou en geld uit hom probeer kry totdat hy (Manson) daar aankom.[6]
Die bendelid Bruce Davis het met Manson na Hinman se huis gery en 'n swaard of bajonet saamgeneem.[7][5] Manson het Hinman met die swaard geslaan en sy gesig en oor beseer. Hy is daar weg nadat hy Beausoleil opdrag gegee het om Hinman so te vermoor dat dit lyk of swart revolusionêre dit gedoen het as deel van die komende rasseoorlog. Hinman het mediese hulp gevra, maar is drie dae lank in sy huis aangehou voordat hy deur Beausoleil doodgesteek is.[8][7] Ná die moord het Beausoleil die woorde "politieke varkie" in Hinman se bloed teen die muur geskryf om die polisie te laat glo die moord is deur 'n groep radikale gepleeg. Beausoleil het met Hinman se Fiat weggery. Hy is op 6 Augustus vasgetrek nadat hy van die snelweg afgetrek en in die motor aan die slaap geraak het.[5]
Beausoleil het die bewering oor die dwelmtransaksie wat skeefgeloop het, eers 12 jaar ná die moord gemaak.[9] Daar was geen verwysing daarna in Beausoleil se twee verhore nie.[9]
Op 18 April 1970 het 'n jurie in Los Angeles die 22-jarige Beausoleil skuldig bevind aan die moord op Hinman en hom die doodstraf opgegelê.[10] Nadat die doodstraf in Kalifornië in 1972 ongrondwetlik verklaar is, is sy vonnis tot lewenslange gevangenisstraf versag.
Sien ook[wysig | wysig bron]
Verwysings[wysig | wysig bron]
- ↑ Anderson, Lessley. "Lucifer, Arisen". SF Weekly. Geargiveer vanaf die oorspronklike op 25 Junie 2020. Besoek op 31 Mei 2019.
- ↑ "Informal Q & A, 2017". Bobby BeauSoleil Reference Archive. Februarie 2017. Besoek op 13 Februarie 2019.
- ↑ Breznikar, Klemen (27 Julie 2014). "Bobby BeauSoleil interview (The Orkustra)". It's Psychedelic Baby! Magazine. Geargiveer vanaf die oorspronklike op 18 Desember 2017. Besoek op 13 Februarie 2019.
- ↑ "Bobby Beausoleil". Biography.com. A&E Television Networks. Geargiveer vanaf die oorspronklike op 1 Mei 2016. Besoek op 3 Mei 2016.
- ↑ 5,0 5,1 5,2 Middlecamp, David (17 November 2017). "Manson Family murders began after Cuesta Grade arrest in SLO". The Tribune. Besoek op 13 Februarie 2019.
- ↑ Krajicek, David J. (14 Julie 2019). "The Manson Family's forgotten victim". New York Daily News. Besoek op 18 Desember 2020.
- ↑ 7,0 7,1 Sederstrom, Jill (18 September 2018). "The Story Behind The Murder That Set Off The Manson Family". Oxygen. Besoek op 4 April 2019.
- ↑ Yuko, Elizabeth (4 Januarie 2019). "Manson Family Associate Bobby Beausoleil Recommended for Parole". Rolling Stone. Besoek op 3 April 2019.
- ↑ 9,0 9,1 A. L. Bardach (November 1981). "Jailhouse Interview: Bobby Beausoleil and the Manson Murders". Oui. Geargiveer vanaf die oorspronklike op 19 November 2018. Besoek op 3 April 2019.
- ↑ Associated Press, “Manson’s Pal Found Guilty Of Murder,” The San Bernardino Sun-Telegram, San Bernardino, California, Sunday 19 April 1970, Volume XXIV, Number 82, page 1.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
