Geelbeksterretjie
| Geelbeksterretjie | |
|---|---|
| |
| Die nominaatsubspesie Thalasseus bergii bergii in Gansbaai, Wes-Kaap | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | T. bergii
|
| Binomiale naam | |
| Thalasseus bergii (Lichtenstein, 1823)
| |
| |
| verspreiding broeigebiede | |
Die geelbeksterretjie (Sterna bergii) is 'n voël wat aan die hele kuslyn van Suid-Afrika, van Walvisbaai tot in Mosambiek,[2] voorkom. Naas die reusesterretjie is dit die grootste sterretjie in Suider-Afrikaanse waters.[3] Dit versamel dikwels saam met ander kleiner sterretjies,[2] waar hulle maklik aan hul grootte en geel snawels onderskei word.
Voorkoms
[wysig | wysig bron]Die geelbeksterretjie is 'n groot grys voël met 'n wit onderkant en 'n swart mus. Die snawel is geel en die pote is swart. In vlug is die vlerkslae vinnig en die vlerkpunte omskryf 'n wye boog.[2]
Habitat en gewoontes
[wysig | wysig bron]Dit is 'n groepsvoël wat in groot swerms aangetref word. Hul visprooi word aflandig naby die wateroppervlak gejag. Hulle rus en oornag op strande. Die voëls broei op aflandige eilande, soos veral Dyer-eiland,[3] of nader aan die kus. Hulle broei oor die wintermaande, Maart tot Oktober. Die neste word dig teen mekaar op oop gelyktes ingerig.[2] Dié is slegs 'n holte met 'n effens voering, waarin een of twee eiers gelê word.[2]
Ander name
[wysig | wysig bron]Ander name sluit in geelbekseeswael en vlugge seeswael.[2][3] In Engels staan dit as die swift tern bekend.
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Bronne
[wysig | wysig bron]- Gids tot die Kusgebiede van Suid-Afrika. Jacana Media. 2007. ISBN 978-1-77009-215-0
- Newman se Voëls volgens kleur. Kenneth Newman. 2000. ISBN 1-86872-449-2
Verwysings
[wysig | wysig bron]- ↑ BirdLife International (2009). "Sterna bergii". IUBN-rooilys van Bedreigde Spesies. Weergawe 2009.1. Internasionale Unie vir die Bewaring van die Natuur. Besoek op 6 Oktober 2010.
{{cite web}}: Ongeldige|ref=harv(hulp) - ↑ 2,0 2,1 2,2 2,3 2,4 2,5 2,6 Nichol, Willie; Nichol, Phyllis (1972). Suid-Afrikaanse Voëls: Fotobeelde in kleur, met beskrywings (1 uitg.). Kaapstad, Johannesburg: Tafelberg-Uitgewers Beperk. p. 78. ISBN 0-624-00033-8.
- ↑ 3,0 3,1 3,2 Gill, E. Leonard; Winterbottom, J.M. (hersien) (1975). A first guide to South African birds (7de uitg.). Kaapstad: Maskew Miller. p. 185. ISBN 0623005964.
