George Pomeroy Colley

in Wikipedia, die vrye ensiklopedie
George Pomeroy Colley
George Pomeroy Colley

Geboortedatum 1 November 1835
Sterfdatum 27 Februarie 1881 (45 jaar oud)
Sterfplek Majuba Hill, Suid-Afrika
Lojaliteit Vlag van Verenigde Koninkryk Verenigde Koninkryk
Diens/Tak Britse leër
Rang Generaal-majoor
Veldslae/oorloë Derde Anglo-Ashanti-oorlog
Anglo-Zoeloe-oorlog
Eerste Vryheidsoorlog
Toekennings Knights Commander of the Order of the Star of India
Ander werk Goewerneur van Natal

Sir George Pomeroy Colley (1 November 183527 Februarie 1881) was 'n Britse soldaat en Goewerneur van Natal. Hy het tydens die Eerste Anglo-Boereoorlog teen ’n Boeremag onder kmdt.genl. Piet Joubert in die Slag van Amajuba gesneuwel.[1] Die dorp Pomeroy in KwaZulu-Natal is na hom vernoem.

Lewensloop[wysig | wysig bron]

George Pomeroy Colley is op 1 November 1835 van Ierse ouers gebore. Hy sluit in 1852 as 'n vaandrig by die leër aan en word later na die Kaap gestuur. Hier word hy as 'n landdros aan die grens gestasioneer. Hy doen ook karterings- en opmetingswerk vir die leër. Hy besoek Natal en die Transvaal vir die tweede keer in 1875. Hy word stafhoof onder lord Chelmsford in 1979 met die uitbreek van die Anglo-Zoeloe-oorlog en generaal-majoor in 1880. In dieselfde jaar word hy Goewerneur van Natal en moet hy die Boere-inval uit Transvaal na die uitbreek van die Eerste Vryheidsoorlog trotseer. Hy ondervind 'n reeks terugslae en word tydens die Slag van Laingsnek in Januarie 1881 verslaan. Om te vergoed vir die terugslag beset hy die kruin van die koppie Amajuba. Die koppie word op 26 Februarie 1881 deur die Boere aangeval tydens die Slag van Majuba, waartydens Colley sneuwel.[2]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Ensiklopedie van Suidelike Afrika, Eric Rosenthal, 1967.