Georgetown, Guyana

in Wikipedia, die vrye ensiklopedie

Georgetown

Kaart Wapen
Vlag
 Land Vlag van Guyana Guyana
 Provinsie Demerara-Mahaica
 Koördinate 06°48′N 58°10′W / 6.800°N 58.167°W / 6.800; -58.167
 Stigting 1781
 Oppervlakte:  
 - Totaal 50 vk km
 Hoogte bo seevlak 0 m
 Bevolking:  
 - Totaal (2012) 118 363
 - Bevolkingsdigtheid
 - Metropolitaanse gebied 354 964
 Tydsone UTC -04:00
 Burgemeester Hamilton Greene

Georgetown is die hoofstad en grootste stad van Guyana en is in die noorde van dié land geleë. Die stad het in 2012 'n bevolking van 118 363 en van 354 964 in die Metropolitaanse gebied gehad. Georgetown is aan die Demerara-rivier se uitmonding in die Atlantiese Oseaan geleë.

Geskiedenis[wysig | wysig bron]

Georgetown is van 1781 tot 1784 tydens die Franse besetting van die Essequibo- en Demerara-kolonie gestig en toe Longchamps genoem. Nadat die kolonie aan die Nederlanders teruggegee is, is die stad herdoop na Stabroek, na Nicolaas Geelvinck, Lord of Stabroek, wat hoof van die WIC-goewerneur was.

Die kolonie Essequibo en Demerara is van 1796 tot 1802 en later van 1803 tot 1814 deur Britse troepe beset. In 1812 kry die stad sy huidige naam, Georgetown, na die Britse koning George III. In 1814 is die kolonies amptelik na die Verenigde Koninkryk oorgeplaas.

Verwysings na die Vlaamse stadsnaam kan nog steeds in die moderne Georgetown gevind word. Die groot mark by die hawe heet Stabroek Market, en 'n groot dagblad word The Stabroek News genoem.

Tydens beide die Krieketwêreldbeker 2007 en die T20I-wêreldbeker 2010 is Georgetown se Providencestadion vir ses wedstryde ingespan.

Eksterne skakels[wysig | wysig bron]