T20I-wêreldbeker 2010

T20I-wêreldbeker 2010

Kenteken van die T20I-wêreldbeker 2010
Datums	30 April – 16 Mei
Bestuurder	Internasionale Krieketraad (IKR)
Krieketformaat	Twintig20 (T20I)
Toernooiformaat	Eerste rondte, Super Agt en uitklopfase
Gashere	Wes-Indië
Kampioen	Engeland (1ste titel)
Naaswenner	Australië
Deelnemers	12
Wedstryde gespeel	27
Speler van die reeks	Kevin Pietersen
Meeste lopies	Mahela Jayawardene (302)
Meeste paaltjies	Dirk Nannes (14)
← 2009 2012 →

Die T20I-wêreldbeker 2010 (Engels: 2010 ICC World Twenty20) het van 30 April tot en met 16 Mei 2010 in Wes-Indië plaasgevind. Dit was die derde T20I-wêreldbeker in T20I-krieket wat deur die Internasionale Krieketraad (IKR) aangebied is. Destyds is na dié toernooi as Wêreldtwintig20 2010 verwys, maar sedert die 2021-toernooi staan dit as T20I-wêreldbeker bekend. Die manstoernooi is gelyktydig met die vrouetoernooi gehou en beide die halfeindrondte en die eindstryde van albei toernooie is op dieselfde dag op dieselfde stadions gespeel. Dit was ná die Krieketwêreldbeker 2007 die tweede groot kriekettoernooi in Wes-Indië.

Hoewel die T20I-wêreldbeker sedert die eerste toernooi in 2007 al om die twee jaar gehou is, is die in 2010 beplande EDI-toernooi Kampioentrofee in Wes-Indië in ’n T20I-formaat omgeskep nadat die Kampioentrofee 2008 in Pakistan weens veiligheidskwessies uitgestel en die internationale kriekettoernooikalender aangepas moes word. Vervolgens het die T20I-wêreldbeker 2010 net tien maande ná die vorige T20I-wêreldbeker 2009 plaasgevind.

Twaalf nasionale krieketspanne het aan die T20I-wêreldbeker 2010 deelgeneem: Die destydse tien toetskrieketlande (Australië, Bangladesj, Engeland, Indië, Nieu-Seeland, Pakistan, Sri Lanka, Suid-Afrika, Wes-Indië en Zimbabwe), saam met die wenners van die kwalifisering Afghanistan en Ierland. Die spanne is in vier groepe van drie spanne elk verdeel, waarvan elke span een keer teen al die ander spanne in die groep gespeel het. Die twee beste spanne van elke groep het hierna vir die Super Agt gekwalifiseer. In die Super Agt is die spanne in twee groepe van vier spanne elk verdeel, waarvan die twee beste spanne tot die halfeindrondte gevorder en die wenners van hierdie wedstryde in die eindstryd ontmoet het.

Australië, Engeland, Pakistan en Sri Lanka het vir die halfeindrondte gekwalifiseer. Australië het die verdedigende kampioen Pakistan en Engeland het Sri Lanka geklop, waardeur vir die eerste keer in dié toernooi se geskiedenis nie ’n Suid-Asiatiese span die eindstryd gehaal het nie. Engeland het Australië in die eindstryd op Kensington-ovaal, in Bridgetown, Barbados, met sewe paaltjies verslaan en sodoende sy eerste internasionale kriekettitel ingepalm. Beide die gasheer Wes-Indië en Suid-Afrika is in die Super Agt uitgeskakel.

Toewysing

Die Internasionale Krieketraad het Wes-Indië as gasheer vir die T20I-wêreldbeker 2010 aangewys. Wes-Indië sou oorspronklik die Kampioentrofee 2010 aanbied, maar nadat die vorige Kampioentrofee 2008 in Pakistan weens veiligheidskwessies uitgestel moes word, is die 2010-toernooi in ’n T20I-wêreldbeker verander en Wes-Indië het as gasheer aangebly.

Deelnemers

Die volgende twaalf spanne het vir die T20I-wêreldbeker 2010 gekwalifiseer: Australië, Bangladesj, Engeland, Indië, Nieu-Seeland, Pakistan, Sri Lanka, Suid-Afrika, Wes-Indië (gasheer) en Zimbabwe het as volle lede van die Internasionale Krieketraad met toetskrieketstatus regstreeks vir die T20I-wêreldbeker 2010 gekwalifiseer. Afghanistan en Ierland het as wenners van die kwalifisering vir dié toernooi gekwalifiseer. Afghanistan het vir die eerste keer vir ’n belangrike internasionale kriekettoernooi gekwalifiseer, terwyl die leidende assosiaatlede Nederland en Skotland dié toernooi misgeloop het. Aangesien Zimbabwe aan die vorige 2009-toernooi onttrek het, het hulle nie ’n plasing in die 2010-toernooi verkry nie.

Span	Kwalifiseringmetode	Verskynings by eindstryde	Laaste verskyning	Vorige beste prestasie
Wes-Indië	Gasheer	Derde	2009	Halfeindrondte (2009)
Australië	Volle lede	Derde	2009	Halfeindrondte (2007)
Bangladesj		Derde	2009	Super Agt (2007)
Engeland		Derde	2009	Super Agt (2007, 2009)
Indië		Derde	2009	Kampioen (2007)
Nieu-Seeland		Derde	2009	Halfeindrondte (2007)
Pakistan		Derde	2009	Kampioen (2009)
Sri Lanka		Derde	2009	Naaswenner (2009)
Suid-Afrika		Derde	2009	Halfeindrondte (2009)
Zimbabwe		Tweede	2007	Eerste rondte (2007)
Afghanistan	T20I-wêreldbekerkwalifisering in 2010	Eerste	–	Debuut
Ierland		Tweede	2009	Super Agt (2009)

Stadions

Tydens die toernooi is drie Wes-Indiese stadions ingespan. Altesaam 27 wedstryde is tydens die T20I-wêreldbeker 2010 gespeel, waaronder twee halfeindstryde en die eindstryd.

Gros Islet,  St. Lucia	Bridgetown,  Barbados	Georgetown,  Guyana
Beausejourstadion	Kensington-ovaal	Providencestadion
14°04′14.00″N 60°55′53.95″W	13°6′18.18″N 59°37′21.29″W	6°45′27.96″N 58°10′40.77″W
Kapasiteit: 20 000	Kapasiteit: 28 000	Kapasiteit: 15 000
Beausejourstadion Kensington-ovaal Providencestadion T20I-wêreldbeker 2010 (Caribbean)

Formaat

Die T20I-wêreldbeker 2010 is oor 17 dae tussen twaalf verskillende nasies oor 27 wedstryde uitgespeel. Dit het op 30 April 2010 op Providencestadion in Georgetown met ’n wedstryd tussen Sri Lanka en Nieu-Seeland begin. Die toernooi het geëindig op Kensington-ovaal in Bridgetown op 21 Junie met die eindstryd tussen Australië en Engeland, waartydens Engeland die T20I-wêreldbekertrofee ingepalm het. Dieselfde formaat is voorheen tydens die T20I-wêreldbekertoernooie in 2007 en 2009 ingespan.

Kalender

Die volgende tabel dui die T20I-wêreldbeker 2010 se daaglikse program aan. ’n Pers blokkie dui op wedstryde tydens die eerste rondte, ’n siaan blokkie op die Super Agt, ’n groen blokkie op wedstryde tydens die uitklopfase en ’n geel blokkie op die eindstryd.

Aantal daaglikse wedstryde tydens die toernooi Eerste rondte April/Mei Vr 30 Sa 1 So 2 Ma 3 Di 4 Wo 5 Groep A 1 1 1 Groep B 1 1 1 Groep C 1 1 1 Groep D 1 1 1 Super Agt Mei Do 6 Vr 7 Sa 8 So 9 Ma 10 Di 11 Groep E 2 2 2 Groep F 2 2 2 Uitklopfase Mei Wo 12 Do 13 Vr 14 Sa 15 So 16 Uitklopfase 1 1 1

Legende    Eerste rondte    Super Agt    Uitklopfase    Eindstryd

Groepe

Groep A	Groep B	Groep C	Groep D
Pakistan Bangladesj Australië	Sri Lanka Nieu-Seeland Zimbabwe	Suid-Afrika Indië Afghanistan	Wes-Indië Engeland Ierland

Die eerste rondte is op die volgende stede verdeel:

• Groep A: Gros Islet en Bridgetown
• Groep B: Georgetown
• Groep C: Gros Islet en Bridgetown
• Groep D: Georgetown

Eerste rondte en Super Agt

Die T20I-wêreldbeker 2010 is deur twaalf nasionale krieketspanne uitgespeel. Vir die eerste rondte is die twaalf deelnemende spanne in vier groepe van drie spanne elk verdeel; elke span het een wedstryd teen elk van die ander spanne in dieselfde groep gespeel, dus het elke span twee wedstryde in die eerste rondte gespeel. Twee punte is vir ’n oorwinning toegeken, een vir ’n onbesliste wedstryd en geen punte vir ’n nederlaag: spanne wat met dieselfde aantal punte geëindig het, is volgens lopietempo, dan boultempo en dan die uitslag van die direkte ontmoeting gerangskik.

Klassifisering binne elke groep was gegrond op die volgende puntestelsel:

• Twee wedstrydpunte vir ’n oorwinning;
• Een vir ’n onbesliste wedstryd;
• geen vir ’n nederlaag.

Aan die einde van die groepfase is die spanne gerangskik van die eerste na die derde posisie, gegrond op versamelde wedstrydpunte, met die twee top spanne wat na die Super Agt deurgedring het. As twee spanne gelyk op punte was, is die rangorde deur hul lopietempo, dan boultempo en dan die uitslag van die direkte ontmoeting bepaal.

In die geval van ’n gelykop (d.w.s. as albei spanne die gelyke aantal lopies aan die einde van hul onderskeidelike kolfbeurt aangeteken het), is die wedstryd deur ’n Superboulbeurt beslis. Dit was van toepassing in alle fases van die toernooi.

Binne elke groep (beide eerste rondte en Super Agt), is die spanne geranglys volgens die volgende kriterias:

1. ’n hoër aantal punte
2. die aantal oorwinnings
3. ’n beter lopietempo
4. ’n minder boultempo
5. uitslag van die direkte ontmoeting.

Die Super Agt is deur agt spanne in twee groepe van vier spanne elk uitgespeel, waartydens elke span een wedstryd teen elk van die ander spanne in dieselfde groep gespeel het, dus het elke span drie wedstryde in die Super Agt gespeel. Die kwalifisering was gegrond op dieselfde kriterias as in die eerste rondte.

Uitklopfase

Van die begin van dié fase af het die toernooi ’n uitklopformaat aangeneem wat uit drie wedstryde bestaan het: twee halfeindstryde en die eindstryd.

Die wenner en naaswenner van elk van die Super Agt-groepe het na die uitklopfase deurgedring. Die groepwenner van albei groepe het teen die naaswenner van die ander groep in die halfeindstryde gespeel.

Elke wedstryd in die uitklopstadium moes met ’n oorwinning vir een van die spanne eindig. As daar ná albei kolfbeurte ’n gelykopuitslag was, is die wenner deur ’n Superboulbeurt bepaal.

Skeidsregters en wedstrydbeamptes

’n Paneel van 13 skeidsregters en drie wedstrydbeamptes is vir die toernooi ingespan.

Skeidsregters

Steve Davis (Australië) Simon Taufel (Australië) Rod Tucker (Australië) Ian Gould (Engeland) Shavir Tarapore (Indië) Billy Bowden (Nieu-Seeland) Tony Hill (Nieu-Seeland)

Aleem Dar (Pakistan) Asad Rauf (Pakistan) Asoka de Silva (Sri Lanka) Marais Erasmus (Suid-Afrika) Rudi Koertzen (Suid-Afrika) Billy Doctrove (Wes-Indië)

Wedstrydbeamptes

Alan Hurst (Australië) Andy Pycroft (Zimbabwe)

Ranjan Madugalle (Sri Lanka)

Wedstryde

Kwalifiseer vir die Super Agt.

Uit die toernooi geskakel.

Die wedstryde is in drie fases opgedeel, naamlik die eerste rondte, die Super Agt en die uitklopfase. Die groepe is op 4 Julie 2009 bekend gemaak.

Eerste rondte

Twaalf spanne het aan die eerste rondte deelgeneem. Die boonste twee spanne in elke groep het na die Super Agt deurgedring.

Groep A

Span	Wed	Wen	Ver	Onb	LT	Pte
Australië	2	2	0	0	+1.525	4
Pakistan	2	1	1	0	−0.325	2
Bangladesj	2	0	2	0	−1.200	0

1 Mei 2010 13:30 (AST) Telkaart

Pakistan 172/3 (20 boulbeurte)	t	Bangladesj 151/7 (20 boulbeurte)
Salman Butt 73 (46) Shakib Al Hasan 2/27 (4 boulbeurte)		Mohammad Ashraful 65 (49) Mohammad Sami 3/29 (4 boulbeurte)

Pakistan wen met 21 lopies Beausejourstadion, Gros Islet, St. Lucia Skeidsregters: Asoka de Silva (SL) en Rod Tucker (Aus) Speler van die wedstryd: Salman Butt (Pak)

• Pakistan het die loot gewen en gekies om eerste te kolf.
• Imrul Kayes en Sohrawordi Shuvo (albei Ban) het hul T20I-debuut gemaak.

2 Mei 2010 13:30 (AST) Telkaart

Australië 191 (20 boulbeurte)	t	Pakistan 157 (20 boulbeurte)
Shane Watson 81 (49) Mohammad Aamer 3/23 (4 boulbeurte)		Misbah-ul-Haq 41 (31) Shaun Tait 3/20 (4 boulbeurte)

Australië wen met 34 lopies Beausejourstadion, Gros Islet, St. Lucia Skeidsregters: Asoka de Silva (SL) en Shavir Tarapore Ind) Speler van die wedstryd: Shane Watson (Aus)

• Australië het die loot gewen en gekies om eerste te kolf.
• Vyf paaltjies kantel in die laaste Australiese kolfbeurt. Mohammad Amir (Pak) neem sy eerste drie-paaltjie-oes en daar was twee uithardlope.
• Australië vorder hiermee tot die Super Agt.

5 Mei 2010 13:00 (AST) Telkaart

Australië 141/7 (20 boulbeurte)	t	Bangladesj 114 (18.4 boulbeurte)
Michael Hussey 47* (29) Shakib Al Hasan 2/24 (4 boulbeurte)		Shakib Al Hasan 28 (28) Dirk Nannes 4/18 (4 boulbeurte)

Australië wen met 27 lopies Kensington-ovaal, Bridgetown, Barbados Skeidsregters: Aleem Dar (Pak) en Billy Doctrove (WI) Speler van die wedstryd: Michael Hussey (Aus)

• Australië het die loot gewen en gekies om eerste te kolf.
• Jahurul Islam (Ban) het sy T20I-debuut gemaak.
• Pakistan vorder hiermee tot die Super Agt.
• Bangladesj is hiermee uit die toernooi geskakel.

Groep B

Span	Wed	Wen	Ver	Onb	LT	Pte
Nieu-Seeland	2	2	0	0	+0.428	4
Sri Lanka	2	1	1	0	+0.355	2
Zimbabwe	2	0	2	0	−1.595	0

30 April 2010 13:00 (AST) Telkaart

Sri Lanka 135/6 (20 boulbeurte)	t	Nieu-Seeland 139/8 (19.5 boulbeurte)
Mahela Jayawardene 81 (51) Shane Bond 2/35 (4 boulbeurte)		Jesse Ryder 42 (27) Muttiah Muralitharan 2/25 (4 boulbeurte)

Nieu-Seeland wen met twee paaltjies Providencestadion, Georgetown, Guyana Skeidsregters: Steve Davis (Aus) en Rudi Koertzen (RSA) Speler van die wedstryd: Nathan McCullum (NZ)

• Sri Lanka het die loot gewen en gekies om eerste te kolf.
• Dinesh Chandimal en Chanaka Welegedara (albei SL) het hul T20I-debuut gemaak.

3 Mei 2010 09:30 (AST) Telkaart

Sri Lanka 173/7 (20 boulbeurte)	t	Zimbabwe 29/1 (5 boulbeurte)
Mahela Jayawardene 100 (64) Ray Price 2/31 (4 boulbeurte)		Tatenda Taibu 12* (13) Malinga, Randiv 0/6 (1 boulbeurt)

Sri Lanka wen met 14 lopies (D/L-metode) Providencestadion, Georgetown, Guyana Skeidsregters: Billy Doctrove (WI) en Ian Gould (Eng) Speler van die wedstryd: Mahela Jayawardene (SL)

• Sri Lanka het die loot gewen en gekies om eerste te kolf.
• Duckworth-Lewis-metode hersien teiken om te wen: 44 lopies in vyf boulbeurte vir Zimbabwe.
• Thisara Perera en Suraj Randiv (albei SL), asook Charles Coventry en Craig Ervine (albei Zim) het hul T20I-debuut gemaak.
• Mahela Jayawardene word die vierde krieketspeler algeheel, die derde in ’n T20I-wêreldbekerwedstryd en die eerste Sri Lankaan wat ’n T20I-honderdtal slaan.
• Sri Lanka vorder hiermee tot die Super Agt.

4 Mei 2010 09:30 (AST) Telkaart

Zimbabwe 84 (15.1 boulbeurte)	t	Nieu-Seeland 36/1 (8.1 boulbeurte)
Tatenda Taibu 21 (14) Scott Styris 3/5 (2 boulbeurte)		Brendon McCullum 22* (26) Prosper Utseya 1/21 (4 boulbeurte)

Nieu-Seeland wen met sewe lopies (D/L-metode) Providencestadion, Georgetown, Guyana Skeidsregters: Asad Rauf (Pak) en Steve Davis (Aus) Speler van die wedstryd: Nathan McCullum (NZ)

• Nieu-Seeland het die loot gewen en gekies om eerste veldwerk te doen.
• Duckworth-Lewis-metode hersien teiken om te wen: 30 lopies in 8.1 boulbeurte vir Nieu-Seeland.
• Andy Blignaut (Zim) het sy T20I-debuut gemaak.
• Nieu-Seeland vorder hiermee tot die Super Agt.
• Zimbabwe is hiermee uit die toernooi geskakel.

Groep C

Span	Wed	Wen	Ver	Onb	LT	Pte
Indië	2	2	0	0	+1.495	4
Suid-Afrika	2	1	1	0	+1.125	2
Afghanistan	2	0	2	0	−2.446	0

1 Mei 2010 09:30 (AST) Telkaart

Afghanistan 115/8 (20 boulbeurte)	t	Indië 116/3 (14.5 boulbeurte)
Noor Ali 50 (48) Ashish Nehra 3/19 (4 boulbeurte)		Murali Vijay 48 (46) Hamid Hassan 1/8 (3 boulbeurte)

Indië wen met sewe paaltjies Beausejourstadion, Gros Islet, St. Lucia Skeidsregters: Aleem Dar (Pak) en Marais Erasmus (RSA) Speler van die wedstryd: Ashish Nehra (Ind)

• Indië het die loot gewen en gekies om eerste veldwerk te doen.
• Murali Vijay (Ind) het sy T20I-debuut gemaak.

2 Mei 2010 09:30 (AST) Telkaart

Indië 186/5 (20 boulbeurte)	t	Suid-Afrika 172/5 (20 boulbeurte)
Suresh Raina 101 (60) Rory Kleinveldt 2/48 (4 boulbeurte)		Jacques Kallis 73 (54) Yusuf Pathan 2/42 (4 boulbeurte)

Indië wen met 14 lopies Beausejourstadion, Gros Islet, St. Lucia Skeidsregters: Aleem Dar (Pak) en Simon Taufel (Aus) Speler van die wedstryd: Suresh Raina (Ind)

• Suid-Afrika het die loot gewen en gekies om eerste veldwerk te doen.
• Piyush Chawla (Ind) het sy T20I-debuut gemaak.
• Suresh Raina word die derde krieketspeler algeheel, die tweede in ’n T20I-wêreldbekerwedstryd en die eerste Indiër wat ’n T20I-honderdtal slaan.
• Indië vorder hiermee tot die Super Agt.

5 Mei 2010 17:00 (AST) (D/N) Telkaart

Suid-Afrika 139/7 (20 boulbeurte)	t	Afghanistan 80 (16 boulbeurte)
Jacques Kallis 34 (33) Hamid Hassan 3/21 (4 boulbeurte)		Mirwais Ashraf 23 (25) Morné Morkel 4/20 (3 boulbeurte)

Suid-Afrika wen met 59 lopies Kensington-ovaal, Bridgetown, Barbados Skeidsregters: Ian Gould (Eng) en Simon Taufel (Aus) Speler van die wedstryd: Morné Morkel (RSA)

• Afghanistan het die loot gewen en gekies om eerste veldwerk te doen.
• Suid-Afrika vorder hiermee tot die Super Agt.
• Afghanistan is hiermee uit die toernooi geskakel.

Groep D

Span	Wed	Wen	Ver	Onb	LT	Pte
Wes-Indië	2	2	0	0	+2.780	4
Engeland	2	0	1	1	−0.452	1
Ierland	2	0	1	1	−3.500	1

30 April 2010 17:00 (AST) (D/N) Telkaart

Wes-Indië 138/9 (20 boulbeurte)	t	Ierland 68 (16.4 boulbeurte)
Daren Sammy 30 (17) George Dockrell 3/16 (4 boulbeurte)		Gary Wilson 17 (34) Daren Sammy 3/8 (3.4 boulbeurt)

Wes-Indië wen met 70 lopies Providencestadion, Georgetown, Guyana Skeidsregters: Asad Rauf (Pak) en Billy Bowden (NZ) Speler van die wedstryd: Daren Sammy (WI)

• Wes-Indië het die loot gewen en gekies om eerste te kolf.

3 Mei 2010 13:30 (AST) Telkaart

Engeland 191/5 (20 boulbeurte)	t	Wes-Indië 60/2 (5.5 boulbeurte)
Eoin Morgan 55 (35) Daren Sammy 2/22 (4 boulbeurte)		Chris Gayle 25 (12) Graeme Swann 2/24 (2 boulbeurte)

Wes-Indië wen met agt paaltjies (D/L-metode) Providencestadion, Georgetown, Guyana Skeidsregters: Tony Hill (NZ) en Rudi Koertzen (RSA) Speler van die wedstryd: Daren Sammy (WI)

• Wes-Indië het die loot gewen en gekies om eerste veldwerk te doen.
• Duckworth-Lewis-metode hersien teiken om te wen: 60 lopies in ses boulbeurte vir Wes-Indië.
• Craig Kieswetter en Michael Lumb (albei Eng) het hul T20I-debuut gemaak.
• Wes-Indië vorder hiermee tot die Super Agt.

4 Mei 2010 13:30 (AST) Telkaart

Engeland 120/8 (20 boulbeurte)	t	Ierland 14/1 (3.3 boulbeurte)
Eoin Morgan 45 (37) Kevin O’Brien 2/22 (3 boulbeurte)		Niall O’Brien 9* (5) Ryan Sidebottom 1/9 (1.3 boulbeurte)

Onbeslis Providencestadion, Georgetown, Guyana Skeidsregters: Billy Bowden (NZ) en Tony Hill (NZ)

• Ierland het die loot gewen en gekies om eerste veldwerk te doen.
• Reën het Ierland se kolfbeurt tot 3.3 boulbeurte verkort, waarvolgens dié wedstryd afgelas is.
• Engeland vorder hiermee tot die Super Agt.
• Ierland is hiermee uit die toernooi geskakel.

Super Agt

Kwalifiseer vir die uitklopfase.

Uit die toernooi geskakel.

Agt spanne het aan die Super Agt deelgeneem. Die boonste twee spanne in elke groep het na die uitklopfase deurgedring.

Groep E

Span	Wed	Wen	Ver	Onb	LT	Pte
Engeland	3	3	0	0	+0.962	6
Pakistan	3	1	2	0	+0.041	2
Nieu-Seeland	3	1	2	0	−0.373	2
Suid-Afrika	3	1	2	0	−0.617	0

6 Mei 2010 09:30 (AST) Telkaart

Pakistan 147/9 (20 boulbeurte)	t	Engeland 151/4 (19.3 boulbeurte)
Salman Butt 34 (26) Michael Yardy 2/19 (4 boulbeurte)		Kevin Pietersen 73* (52) Saeed Ajmal 2/18 (3.3 boulbeurte)

Engeland wen met ses paaltjies Kensington-ovaal, Bridgetown, Barbados Skeidsregters: Billy Bowden (NZ) en Rudi Koertzen (RSA) Speler van die wedstryd: Kevin Pietersen (Eng)

• Engeland het die loot gewen en gekies om eerste veldwerk te doen.

6 Mei 2010 13:30 (AST) Telkaart

Suid-Afrika 170/4 (20 boulbeurte)	t	Nieu-Seeland 157/7 (20 boulbeurte)
AB de Villiers 47* (39) Jacob Oram 1/22 (3 boulbeurte)		Jesse Ryder 33 (28) Johan Botha 2/23 (3 boulbeurte)

Suid-Afrika wen met 13 lopies Kensington-ovaal, Bridgetown, Barbados Skeidsregters: Aleem Dar (Pak) en Steve Davis (Aus) Speler van die wedstryd: Albie Morkel (RSA)

• Suid-Afrika het die loot gewen en gekies om eerste te kolf.

8 Mei 2010 09:30 (AST) Telkaart

Nieu-Seeland 133/7 (20 boulbeurte)	t	Pakistan 132/7 (20 boulbeurte)
Daniel Vettori 38 (34) Abdur Rehman 2/19 (3 boulbeurte)		Salman Butt 67* (54) Ian Butler 3/19 (4 boulbeurte)

Nieu-Seeland wen met een lopie Kensington-ovaal, Bridgetown, Barbados Skeidsregters: Billy Doctrove (WI) en Ian Gould (Eng) Speler van die wedstryd: Ian Butler (NZ)

• Pakistan het die loot gewen en gekies om eerste veldwerk te doen.

8 Mei 2010 13:30 (AST) Telkaart

Engeland 168/7 (20 boulbeurte)	t	Suid-Afrika 129 (19 boulbeurte)
Kevin Pietersen 53 (33) Johan Botha 2/15 (4 boulbeurte)		JP Duminy 39 (25) Ryan Sidebottom 3/23 (4 boulbeurte)

Engeland wen met 39 lopies Kensington-ovaal, Bridgetown, Barbados Skeidsregters: Aleem Dar (Pak) en Steve Davis (Aus) Speler van die wedstryd: Kevin Pietersen (Eng)

• Engeland het die loot gewen en gekies om eerste te kolf.

10 Mei 2010 09:30 (AST) Telkaart

Pakistan 148/7 (20 boulbeurte)	t	Suid-Afrika 137/7 (20 boulbeurte)
Umar Akmal 51 (33) Charl Langeveldt 4/19 (4 boulbeurte)		AB de Villiers 53 (41) Saeed Ajmal 4/26 (4 boulbeurte)

Pakistan wen met elf lopies Beausejourstadion, Gros Islet, St. Lucia Skeidsregters: Billy Doctrove (WI) en Ian Gould (Eng) Speler van die wedstryd: Umar Akmal (Pak)

• Pakistan het die loot gewen en gekies om eerste te kolf.
• Engeland vorder hiermee tot die halfeindrondte.
• Suid-Afrika is hiermee uit die toernooi geskakel.

10 Mei 2010 13:30 (AST) Telkaart

Nieu-Seeland 149/6 (20 boulbeurte)	t	Engeland 153/7 (19.1 boulbeurte)
Ross Taylor 44 (33) Graeme Swann 2/31 (4 boulbeurte)		Eoin Morgan 40 (34) Scott Styris 2/16 (3 boulbeurte)

Engeland wen met drie paaltjies Beausejourstadion, Gros Islet, St. Lucia Skeidsregters: Steve Davis (Aus) en Simon Taufel (Aus) Speler van die wedstryd: Tim Bresnan (Eng)

• Nieu-Seeland het die loot gewen en gekies om eerste te kolf.
• Pakistan vorder hiermee tot die halfeindrondte.
• Nieu-Seeland is hiermee uit die toernooi geskakel.

Groep F

Span	Wed	Wen	Ver	Onb	LT	Pte
Australië	3	3	0	0	+2.733	6
Sri Lanka	3	2	1	0	−0.333	4
Wes-Indië	3	1	2	0	−1.281	2
Indië	3	0	3	0	−1.117	0

7 Mei 2010 09:30 (AST) Telkaart

Australië 184/5 (20 boulbeurte)	t	Indië 135 (17.4 boulbeurte)
David Warner 72 (42) Yuvraj Singh 2/20 (2 boulbeurte)		Rohit Sharma 79* (46) Shaun Tait 3/21 (3.4 boulbeurte)

Australië wen met 49 lopies Kensington-ovaal, Bridgetown, Barbados Skeidsregters: Billy Bowden (NZ) en Billy Doctrove (WI) Speler van die wedstryd: David Warner (Aus)

• Indië het die loot gewen en gekies om eerste veldwerk te doen.

7 Mei 2010 13:30 (AST) Telkaart

Sri Lanka 195/3 (20 boulbeurte)	t	Wes-Indië 138/8 (20 boulbeurte)
Mahela Jayawardene 98* (56) Kemar Roach 2/27 (4 boulbeurte)		Ramnaresh Sarwan 28 (33) Ajantha Mendis 3/24 (4 boulbeurte)

Sri Lanka wen met 57 lopies Kensington-ovaal, Bridgetown, Barbados Skeidsregters: Rudi Koertzen (RSA) en Simon Taufel (Aus) Speler van die wedstryd: Mahela Jayawardene (SL)

• Sri Lanka het die loot gewen en gekies om eerste te kolf.

9 Mei 2010 09:30 (AST) Telkaart

Wes-Indië 169/6 (20 boulbeurte)	t	Indië 155/9 (20 boulbeurte)
Chris Gayle 98 (66) Ashish Nehra 3/35 (4 boulbeurte)		Suresh Raina 32 (25) Kemar Roach 2/38 (4 boulbeurte)

Wes-Indië wen met 14 lopies Kensington-ovaal, Bridgetown, Barbados Skeidsregters: Billy Bowden (NZ) en Simon Taufel (Aus) Speler van die wedstryd: Chris Gayle (WI)

• Indië het die loot gewen en gekies om eerste veldwerk te doen.
• Indië is hiermee uit die toernooi geskakel.

9 Mei 2010 14:00 (AST) Telkaart

Australië 168/5 (20 boulbeurte)	t	Sri Lanka 87 (16.2 boulbeurte)
Cameron White 85* (49) Suraj Randiv 3/20 (4 boulbeurte)		Tillakaratne Dilshan 20 (12) Mitchell Johnson 3/15 (3.2 boulbeurte)

Australië wen met 81 lopies Kensington-ovaal, Bridgetown, Barbados Skeidsregters: Ian Gould (Eng) en Rudi Koertzen (RSA) Speler van die wedstryd: Cameron White (Aus)

• Australië het die loot gewen en gekies om eerste te kolf.

11 Mei 2010 13:00 (AST) Telkaart

Indië 163/5 (20 boulbeurte)	t	Sri Lanka 167/5 (20 boulbeurte)
Suresh Raina 63 (47) Lasith Malinga 2/25 (4 boulbeurte)		Kumar Sangakkara 46 (33) Vinay Kumar 2/30 (4 boulbeurte)

Sri Lanka wen met vyf paaltjies Beausejourstadion, Gros Islet, St. Lucia Skeidsregters: Aleem Dar (Pak) en Steve Davis (Aus) Speler van die wedstryd: Angelo Mathews (SL)

• Indië het die loot gewen en gekies om eerste te kolf.
• Vinay Kumar (Ind) het sy T20I-debuut gemaak.

11 Mei 2010 17:00 (AST) (D/N) Telkaart

Wes-Indië 105 (19 boulbeurte)	t	Australië 109/4 (16.2 boulbeurte)
Ramnaresh Sarwan 26 (31) Steve Smith 3/20 (4 boulbeurte)		Brad Haddin 42 (46) Chris Gayle 1/5 (0.2 boulbeurte)

Australië wen met ses paaltjies Beausejourstadion, Gros Islet, St. Lucia Skeidsregters: Billy Bowden (NZ) en Rudi Koertzen (RSA) Speler van die wedstryd: Steve Smith (Aus)

• Wes-Indië het die loot gewen en gekies om eerste te kolf.
• Sri Lanka en Australië vorder hiermee tot die halfeindrondte.
• Wes-Indië is hiermee uit die toernooi geskakel.

Uitklopfase

	Halfeindrondte				Eindrondte
	13 Mei – Gros Islet, St. Lucia
	Engeland	132/3
	Sri Lanka	128/6			16 Mei – Bridgetown, Barbados
					Engeland	148/3
	14 Mei – Gros Islet, St. Lucia			Australië	147/6
	Australië	197/7
	Pakistan	191/6

Halfeindrondte

13 Mei 2010 11:30 (AST) Telkaart

Sri Lanka 128/6 (20 boulbeurte)	t	Engeland 132/3 (16 boulbeurte)
Angelo Mathews 58 (45) Stuart Broad 2/21 (4 boulbeurte)		Kevin Pietersen 42* (26) Thissara Perera 2/19 (2 boulbeurte)

Engeland wen met sewe paaltjies Beausejourstadion, Gros Islet, St. Lucia Skeidsregters: Aleem Dar (Pak) en Simon Taufel (Aus) Speler van die wedstryd: Stuart Broad (Eng)

• Sri Lanka het die loot gewen en gekies om eerste te kolf.

14 Mei 2010 11:30 (AST) Telkaart

Pakistan 191/6 (20 boulbeurte)	t	Australië 197/7 (19.5 boulbeurte)
Umar Akmal 56* (35) Steve Smith 1/23 (2 boulbeurte)		Michael Hussey 60* (24) Mohammad Amir 3/35 (4 boulbeurte)

Australië wen met drie paaltjies Beausejourstadion, Gros Islet, St. Lucia Skeidsregters: Billy Doctrove (WI) en Ian Gould (Eng) Speler van die wedstryd: Michael Hussey (Aus)

• Australië het die loot gewen en gekies om eerste veldwerk te doen.

Eindstryd

16 Mei 2010 11:30 (AST) Telkaart

Australië 147/6 (20 boulbeurte)	t	Engeland 148/3 (17 boulbeurte)
David Hussey 59 (54) Ryan Sidebottom 2/26 (4 boulbeurte)		Craig Kieswetter 63 (49) Steve Smith 1/21 (3 boulbeurte)

Engeland wen met sewe paaltjies Kensington-ovaal, Bridgetown, Barbados Skeidsregters: Aleem Dar (Pak) en Billy Doctrove (WI) Speler van die wedstryd: Craig Kieswetter (Eng)

• Engeland het die loot gewen en gekies om eerste veldwerk te doen.

T20I-wêreldkampioen 2010
Engeland

Statistiek

Finale puntestand

Uitslag van die T20I-wêreldbeker 2010

Hierdie tabel toon die finale puntestand van al die twaalf deelnemende nasionale krieketspanne in die T20I-wêreldbeker 2010.

Rang	Span	Groep	Wed	Wen	Onb	Ver	LV	LT	+/–	LT	Pte
Finaliste
1	Engeland	D/E	7	5	1	1	1063	774	+289		11
2	Australië	A/F	7	6	0	1	1137	937	+200		12
In die halfeindrondte uitgeskakel
3	Sri Lanka	B/F	6	3	0	3	885	769	+116		6
4	Pakistan	A/E	6	2	0	4	947	960	–13		4
In die Super Agt uitgeskakel
5	Wes-Indië	D/F	5	3	0	2	610	718	–108		6
6	Nieu-Seeland	B/E	5	3	0	2	614	674	–60		6
7	Indië	C/F	5	2	0	3	755	807	–52		4
8	Suid-Afrika	C/E	5	2	0	3	747	739	+8		4
In die eerste rondte uitgeskakel
9	Ierland	D	2	0	1	1	82	258	–176	−3.500	1
10	Bangladesj	A	2	0	0	2	265	313	–48	−1.200	0
11	Zimbabwe	B	2	0	0	2	113	209	–96	−1.595	0
12	Afghanistan	C	2	0	0	2	195	255	–60	−2.446	0

Meeste lopies en paaltjies

Meeste lopies: Naam Lopies 1 Mahela Jayawardene 302 2 Kevin Pietersen 248 3 Salman Butt 223 4 Craig Kieswetter 222 5 Suresh Raina 219

Meeste paaltjies: Naam Paaltjies 1 Dirk Nannes 14 2 Charl Langeveldt 11 Steve Smith Saeed Ajmal 5 Graeme Swann 10

Eksterne skakels

• (en) Amptelike webwerf
• (en) T20I-wêreldbeker 2010 op ESPNcricinfo