Gewone tortelduif

in Wikipedia, die vrye ensiklopedie
Spring na: navigasie, soek
Gewone tortelduif
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Aves
Orde: Columbiformes
Familie: Columbidae
Genus: Streptopelia
Spesie: S. capicola
Binomiale naam
Streptopelia capicola
(Sundevall, 1857)

Die Gewone tortelduif (Streptopelia capicola), ook bekend as die Kaapse Tortelduif, is 'n wydverspreide en 'n groot voël in die bosveld, landerye en woude van Suider-en Oos-Afrika. Hulle naam is afkomstig van 'n swart vlek op die rug van hul nekvere. Die res van hul vere is 'n ligte bruin-grys, met donker kleure op hul rug. Hulle het ook wit punte op die einde van hul stertvere.

Voorkoms[wysig]

Mannetjies en wyfies lyk eenders, hoewel die mannetjies effens groter is. Hulle is 25–32 cm lank en weeg 92-188 g [1].[2][3]

Habitat[wysig]

Hierdie duiwe is gewoonlik alleen of in pare, alhoewel hulle groter swerms om bronne van kos en water vorm, soms met honderde voëls. Hulle is nogal baie lawaaierig in hierdie groepe, nie net vir die verskeidenheid van die roepe wat hulle maak die hele dag (en dikwels in die nag) nie, maar ook omdat hulle vlerke hard klap wanneer die voëls op die vlug slaan. Hul gewone roep is 'n eentonige en hoë kroe klank, Koeka-loe wat hulle 10-30 keer herhaal. Hulle het 'n tweede, kekkel roep wat klink soos gelag. As gevolg van die ongewone geluid van die voëls se roep in die bos word daar gesê dat die roep van die duif in die oggend is: "werk haaarder, werk haaarder", en in die aand sê die roep: drink laaager, drink laaager.

Gewone tortelduiwe rus in bome gedurende die nag en soek vir kos op die grond. Hulle drink hoofsaaklik in die oggend. Hulle voed hoofsaaklik op saad, maar hulle vreet ook insekte per geleentheid, veral vlieënde miere. Wanneer hulle op die grond loop, knik hul koppe met elke klein stappie.

Voortplanting[wysig]

Hierdie duiwe broei te alle tye van die jaar, wat swak neste van die takke en worteltjies in die vurke van bome maak. Hulle lê gewoonlik twee roomwit eiers per paar, wat vir 15 dae inkubeer. Die mannetjies sit op die eiers gedurende die dag, en die wyfies in die nag. Die kuikens is gereed om die nes te verlaat na 14 dae, en die volwassenes is 'n week later weer gereed om te teel. Die mannetjie sal voortgaan om die jong voëls te voer na die volgende eiers gelê is.

Sien ook[wysig]

Verwysings[wysig]

  1. CRC Handbook of Avian Body Masses" deur John B. Dunning Jr (Editor). CRC Press (1992), ISBN 978-0849342585
  2. The larger illustrated guide to ... - Ian Sinclair, P. A. R. Hockey, Norman Arlott - Google Books”. Books.google.com. URL besoek op 2011-10-20.
  3. (2001)”. (PDF) URL besoek op 2011-10-20.