Gonarezhou Nasionale Park

in Wikipedia, die vrye ensiklopedie
Gonarezhou Nasionale Park
Buffalo Bend op die Mwenezirivier, Gonarezhou Nasionale Park, Zimbabwe
Buffalo Bend op die Mwenezirivier, Gonarezhou Nasionale Park, Zimbabwe
Land Zimbabwe
Provinsie Masvingo
Ligging van Gonarezhou Nasionale Park op 'n kaart (Zimbabwe)
Gonarezhou Nasionale Park
Gonarezhou Nasionale Park
Koördinate: 21°40′0″S 31°40′0″O / 21.66667°S 31.66667°O / -21.66667; 31.66667Koördinate: 21°40′0″S 31°40′0″O / 21.66667°S 31.66667°O / -21.66667; 31.66667
Oppervlak 5 053 km²
Openingsjaar 1975

Gonarezhou Nasionale Park is 'n wildreservaat in die suid-ooste van Zimbabwe. Gonarezhou is 'n Sjona-naam wat beteken "plek van die olifante".

Die park is geleë in 'n afgeleë hoek van die Masvingoprovinsie langs die Mosambiekgrens. Die park is in 'n laeveldstreek met kremetarte, struikbosse en sandsteengebergtes. Gonarezhou is die land se tweede grootste wildreservaat naas Hwange Nasionale Park. Dit is ongeveer 5 053 km² groot.

Die park word verdeel in twee streke: die Save/Runde-gebied in die noorde en die Mwenezigebied in die suide. Die park maak deel uit van die Groter Limpopo Oorgrenspark, 'n vredespark wat Gonarezhou verbind met die Nasionale Krugerwildtuin in Suid-Afrika en die Limpopo Nasionale Park in Mosambiek. Wilde diere kan vry beweeg tussen die verskillende parke.

Geskiedenis[wysig | wysig bron]

Die Gonarezhou Nasionale Park is gestig in 1975 deur vorige jag- en tsetsevliegbeheergebiede te verenig. Die park was gesluit vir die publiek gedurende die oorlog in destydse Rhodesië, maar is heropen in 1994.

Verblyf[wysig | wysig bron]

  • Mahenye Safari Lodge - 'n versameling Shangaan-styl hutte in 'n rivierbosgebied op 'n eiland in die Saverivier.
  • Senuko Safari Lodge - wat beteken "die plek waar diere drink" in Shangaan.
  • Chilo Gorge Safari Lodge