Gourdon (Alpes-Maritimes)

in Wikipedia, die vrye ensiklopedie
Jump to navigation Jump to search
Gourdon
Gourdon
Gourdon
Gourdon is in Frankryk
Gourdon
Gourdon
Koördinate: 43°43′16″N 6°58′45″O / 43.72111°N 6.97917°O / 43.72111; 6.97917Koördinate: 43°43′16″N 6°58′45″O / 43.72111°N 6.97917°O / 43.72111; 6.97917
LandVlag van Frankryk Frankryk
GewesFlag of Provence-Alpes-Côte d'Azur.svg Provence-Alpes-Côte d'Azur
DépartementArms of Nice.svg Alpes-Maritimes
ArrondissementGrasse
KantonLe Bar-sur-Loup
Regering
 • BurgemeesterÉric Mele
Oppervlak
 • Totaal22,53 km2 (8,70 vk. myl)
Hoogte
157–1 335 m (515–4 380 ft)
Bevolking
 • Totaal453
 • Digtheid20/km2 (50/vk. m.)
Poskode
06620
Skakelkodes06068
Webwerfgourdon.fr

Gourdon is 'n dorp in die Suid-Franse département Alpes-Maritimes (région Provence-Alpes-Côte d'Azur) met 453 inwoners (2008). Gourdon lê in die hinterland van Nice, en danksy sy ligging 800 meter bo seevlak bied dit 'n pragtige uitsig oor die Mediterreense kus van Nice, Antibes, Cap d'Antibes, Cannes en die Îles des Lérins tot by die Massif de l'Esterel.

Geografie[wysig | wysig bron]

'n Uitsig oor Gourdon

Die dorp Gourdon lê teen 'n asemrowende hoogte op 'n bergspits, wat bo-oor die vallei van die Louprivier verrys. Danksy die buitengewone ligging het Gourdon die bynaam Nid d'Aigle ("Arendnes") gekry.

Vandag behoort dit volgens die otganisasie Les Plus Beaux Villages de France tot die 148 mooiste dorpe van Frankryk en is met twee "blomme" by die Concours des villes et villages fleuris geklassifiseer - 'n organisasie, wat hom sedert 1959 vir 'n groener Frankryk beywer.

Geskiedenis[wysig | wysig bron]

Die sentrum van Gourdon

Gourdon was vanweë sy strategiese ligging eeue lank 'n plek wat maklik verdedig kon word. Uit sy militêre verlede het egter behalwe vir die oorblyfsels van 'n Romeinse kamp met 'n dubbele muur en 'n siviele nedersetting, en die indrukwekkende versterking aan die noorderkant van die dorp niks oorgebly nie. Die Romeinse poort, wat die toegang tot die dorp verseker het, is aan die begin van die 20ste eeu verniel.

Besienswaardighede[wysig | wysig bron]

Die plaaslike Château (kasteel) uit die 13de eeu is in die 17de eeu omgebou en vergroot. Die kasteel is sedert 1950 toeganklik vir die publiek en sedert 1971 as 'n historiese monument geklassifiseer. Vandag huisves die Château 'n museum met antieke wapens, 16de en 17de eeuse en naïewe skilderye. Die kasteel beskik oor 'n uitgestrekte park, wat deur die Franse tuinier en landskapargitek André Le Nôtre (1613-1700) ontwerp en terrasvormig aangelê is.