Groot Moskee van Samarra

in Wikipedia, die vrye ensiklopedie
Groot Moskee van Samarra
Die moskee se minaret.
Die moskee se minaret.
Ligging  Samarra, Irak
Voltooi  851
Status  Verwoes (behalwe minaret)
Spesifikasies 
Minarethoogte  52 m

Die Groot Moskee van Samarra was ’n 9de-eeuse moskee in Samarra, Irak. Dit is in 851 deur die Abbasidiese kalief Al-Moetawakkil voltooi. Dit was ’n tyd lank die grootste moskee in die wêreld; sy minaret, die Malwiya-toring, is ’n spiraal van 52 meter hoog en 33 meter breed by sy basis, met ’n trap om.[1][2]

Die moskee het deel gevorm van ’n uitbreiding van die stad na die ooste.[3] Dit het 17 paadjies gehad en die muurpanele was mosïekwerk van donkerblou glas. Die Moskee van Ibn Tulun in Kaïro, Egipte, is in ’n groot mate op die Samarra-moskee geskoei.[4]

Die moskee self is in 1278 verwoes ná die inval van Hülegü Khan in Irak. Net die buitemuur en sy minaret het bly staan.[5] Dit was aanvanklik met ’n brug aan die moskee verbind.

In 2005 is die bopunt van die Malwiya-minaret deur ’n bom beskadig. Volgens die Irakse polisie het rebelle die bopunt opgeblaas wat voorheen deur Amerikaanse soldate as ’n uitkyktoring gebruik is; die soldate het egter die maand tevore die toneel verlaat.[6][7]

Verwysings[wysig | wysig bron]

  1. Kleiner, Fred S. en Christin J. Mamiya. Gardner's Art Through the Ages, 12de uitg. Thomson Wadsworth, 2005
  2. Kleiner, Fred (2011). "The Islamic World". Gardner’s Art through the Ages, Boek 3. Boston: Cengage Learning. p. 289.
  3. D. Hoag., John. Islamic Architecture. Electra/Rizzoli.
  4. Behrens-Abouseif, Doris. "Islamic architecture in Cairo: an introduction." American University in Cairo Press: 2005. 51-57
  5. "مسجد سامرا ؛ برخوردار از مناره ای 53 متری و حلزونی شکل"[dooie skakel] (in Persies). Mehr-nuusagentskap. URL besoek op 27 Maart 2012.
  6. "Middle East | Ancient minaret damaged in Iraq" (in Engels). BBC News. 1 April 2005. Geargiveer vanaf die oorspronklike op 16 September 2019. Besoek op 3 September 2015.
  7. "argiefkopie". Geargiveer vanaf die oorspronklike op 4 Maart 2016. Besoek op 1 September 2016.

Eksterne skakels[wysig | wysig bron]

Koördinate: 34°12′21″N 43°52′47″O / 34.20583°N 43.87972°O / 34.20583; 43.87972