Moskee

in Wikipedia, die vrye ensiklopedie
Spring na: navigasie, soek

’n Moskee (Arabies: مسجد‎ en Persies: مسجد‎ masjid, meervoud مساجد masājid) is ’n aanbiddingsplek vir Moslems, die aanhangers van Islam. Verder dien dit as plek waar politieke, regtelike en lewenspraktiese onderrig binne die Islam plaasvind, asook as ’n sosiale ontmoetingsplek. Die huis van Mohammed in Medina word as die eerste moskee beskou. In Afrikaans is dit ook bekend as 'n masdjied of masiet.

Hoewel daaglikse gebede op enige plek kan plaasvind, word ’n gebed binne die moskee as besonder verdienstelik beskou omdat dit die verbintenis met die Islamitiese gemeenskap bevestig. Volgens verskeie Hadit-versamelings is ’n gebed binne die gemeenskap 25 keer meer werd as ’n gebed tuis. Net die Vrydagsgebed is definitief aan die moskee gekoppel. Sonder die voltrekking daarvan in die moskee is dit nie geldig nie.

Die Islamitiese godsdiens word deur ’n imam gelei, wat die Koran bestudeer het, terwyl die muezzin deur sy roep die gelowiges aan die vyf daaglikse gebede herinner. Die moskee beskik oor ’n mihrab (gebedsnis) wat in die rigting van Mekka wys.

Daar word onderskei tussen eenvoudige moskees, wat deur persone geskenk is, en Vrydagsmoskees, wat deur die staat onderhou word en waar die weeklikse Vrydagsgebed plaasvind.

Galery[wysig | wysig bron]

Eksterne skakels[wysig | wysig bron]