Guido von List
Guido von List | |
|---|---|
 Guido von List in 1913 | |
| Gebore | 5 Oktober 1848 |
| Sterf | 17 Mei 1919 (op 70) |
| Nasionaliteit | .svg){kind=small} Duitse Keiserryk |
| Beroep | Geskiedkundige, okkultis, digter en joernalis |
Guido von List (Wene, 5 Oktober 1848 – 17 Mei 1919) was 'n skrywer en okkultis van Oostenryk. Hy is gebore in 'n baie vooruitstrewende handelsfamilie. Sy familie het 'n looiery as besigheid gehad maar Von List was nie baie suksesvol as besigheidsman nie. Hy het 'n karige bestaan gemaak deur artikels vir 'n tydskrif te skryf. In 1888 het hy suksesvol, 'n romanse met die naam Carnatum uitgegee. Die historiese romanse het 'n verhaal vertel van hoe Germane geveg het teen die Romeine. Hy het daarna nog twee suksesvolle romanses uitgegee wat voortgebou het op die tema. Sy skryfwerk het hom veral gewild gemaak onder die nasionalistiese Duitsers.
In 1902 het Von List meer betrokke begin raak by die okkult nadat 'n oogoperasie hom omtrent vir 'n jaar lank blind gelaat het. In hierdie tyd het hy vele mistieke ervarings gehad wat geassosieer was met die ou Noorse Rune-alfabet. Hy het die gefragmenteerde inligting oor Germaanse paginisme begin bestudeer. Hy het oortuig geraak dat 'n klas van koninklike priesters, die Armanen, die Germaanse volke geregeer het. Hulle het al hulle geheime probeer bewaar toe die Christendom begin deur die Noorde van Europa begin versprei deur geheime organisasies soos die Kruisvaarders, Vrymesselaars en die Rosekruisers. Von List het ook gesê dat die Armanen geforseer was om hulle geheime toe te vertrou aan Joodse Rabbi's van die Rhneland gedurende die 18de eeu. Hy was oortuig dat dit die oorsprong was van die kabbala.
In 1908 het Von List sy eerste betekenisvolle werk gepubliseer het oor die rune-alfabet: "Des geheimenis der Rumen" (Die geheime van die rune-alfabet).Sy navorsing het ook die begin van paganisme nagespoor in fee- en volksverhale. Op grond van sy openbaringe wat hy in 1902 ervaar het, het hy 'n benadering gevolg tot die rune-alfabet wat 'n sentrale tema geword het in sy stelsel van towerkunste.
Hy het geprofeteer dat "Die sterk Een van bo" sou arriveer in die nabye toekoms om die staat van die Armanen weer tot stand te bring. Sodoende sou die Duitsers weer die wêreld oorheers. 'n Argument kan uitgemaak word dat die profesie vervul is deur Adolf Hitler wat die mag in Duitsland bekom het kort na Von List se afsterwe.
Von List het 'n groot invloed gehad op die 20ste eeu se okkult in Europa. Sy invloed was te danke aan die Guido Von List gemeenskap wat in 1908 gestig is om sy idees te bevorder. Die lede van die gemeenskap het rykes, konserwatiewes, nasionaliste asook okkultiste ingesluit. Die gemeenskap het ook 'n binne sirkel gehad wat bekend gestaan het as die "Hoër Armanse Orde" (HAO). Hierdie orde het pelgrimstogte gereël na paganistiese plekke. Von List was 'n inspirasie vir baie okkultiese bewegings vir talle dekades na Von List se dood. Von List se idees is geabsorbeer in baie Noorse en Germaanse neopaganime.
Bronne
[wysig | wysig bron]- Guido von List – Wikipedia, die vrye ensiklopedie. Beskikbaar by: en:Guido von List [Besoek op 18 April 2010].
- List, Guido von. Beskikbaar by: http://www.themystica.com/mystica/articles/l/list_guido_von.html [Besoek op 18 April 2010].
- Thorsson, E., 1989. Rune might : secret practices of the German rune magicians 1st ed., St. Paul Minn. U.S.A.: Llewellyn Publications.
