Gustav Klimt

in Wikipedia, die vrye ensiklopedie
Jump to navigation Jump to search
Gustav Klimt
Gustav Klimt.jpg
Gustav Klimt in 1905
Gebore (1862-07-14)14 Julie 1862
Baumgarten naby Wene, Oostenryk-Hongarye
Sterf 6 Februarie 1918 (op 55)
9de distrik van Wene
Nasionaliteit Vlag van Oostenryk-Hongarye Oostenryk-Hongarye
Veld Landskapskilderye, portrette
Beweging Weense Jugendstil
Een van die portrette uit Gustav Klimt se Goue Fase beeld Adele Bloch-Bauer uit, die dogter van 'n Weense bankier
Olieverf, silwer en goud op doek, 1907. Meue Galerie New York
Der Kuss
Olie op doek, 1907. Belvedere, Wene

Gustav Klimt (* 14 Julie 1862 in Baumgarten naby Wene; † 6 Februarie 1918 in die 9de distrik van Wene) was 'n Oostenrykse skilder wat bekendheid verwerf het as een van die beduidendste verteenwoordigers van die Weense Jugendstil en as medestigter en eerste president van die avantgarde-kunsbeweging Wiener Secession. Sy werk toon onder meer invloede van Japannese kuns en kunstegnieke.

Die gunstelingontwerp vir Klimt se skilderye, muurskilderye, sketse en ander kunswerke was die vroulike liggaam. As bekwame portretskilder het hy die salondames van Wene se leidende kringe teen 'n goue of (vanaf 1910) kleurryke agtergrond op doek verewig. Daarnaas het hy belang gestel in landskapskildery waarvoor hy inspirasies langs die oewers van die Oostenrykse Attermeer en sy omgewing gevind het. Hier het Klimt tussen 1900 en 1916 byna elke jaar sy somervakansie deurgebring.

Maar uiteindelik was dit sy meesterlike portrette van femmes fatales - uitbeeldings van aanloklike en verleidende, maar ook onheilspellende en doodbringende vroue - waarmee hy wêreldfaam verwerf het: Pallas Athene, Judith of die Waterslange. 'n Ander sleutelwerk is sy olieskildery Der Kuss ("Die Kus", 1907/08) wat 'n liefdespaar teen 'n goue agtergrond as die romantiese versmelting van man en vrou op 'n eensame, maar idilliese blommeveld uitbeeld. Hierdie werk reflekteer die kunstenaar se waarneming van 'n ander befaamde kunswerk - die Franse beeldhouer Auguste Rodin se interpretasie van 'n kus.

In teenstelling met ander Weense kunstenaars van sy tyd het Klimt 'n teruggetrokke lewe gevoer. Hy was nooit getroud nie en het met sy moeder en twee eweneens ongetroude susters in 'n beskeie woonstel saamgewoon. Nogtans was hy die vader van ses buite-egtelike kinders wat hy nie aangeneem het nie, maar vir wie hy onderhoud betaal het.[1]

Gustav Klimt is ná 'n beroerte op die ouderdom van 55 in Wene oorlede.

Verwysings[wysig | wysig bron]

Eksterne skakels[wysig | wysig bron]

Wiener Moderne