Hector Berlioz

in Wikipedia, die vrye ensiklopedie
Hector Berlioz
Berlioz in 1863
Agtergrondinligting
GeboortenaamLouis-Hector Berlioz
Gebore11 Desember 1803
La Côte-St. Andre (Frankryk)
Sterf8 Maart 1869
Parys (Frankryk)

Hector Berlioz (Frans: [ɛktɔʁ bɛʁljoːz]; 11 Desember 18038 Maart 1869) was 'n Franse komponis van die Romantiese tydperk. Sy bekendste werke is Symphonie Fantastique en Grande messe des morts.[1]

Beknopte biografie[wysig | wysig bron]

Louis-Hector Berlioz is op 11 Desember 1803 in La Côte-Saint-André in Frankryk gebore. Hy is die oudste seun van vyf kinders. Sy vader, Louis-Joseph, het hom tuisonderrig gegee, waaronder musiek slegs as 'n stokperdjie gesien is. Hy het begin fluit speel op die ouderdom van 12. Sy vader het gou sy talent besef, en het hom formeel laat onderrig.

In 1821 het hy ingestem om medies te studeer om in sy vader se voetspore te volg. Hy is na Parys waar hy gou opera ontdek het. Hy het begin met intense musiekonderrig en het sy mediese beroep opgegee, ten spyte van die feit dat hy in 1824 gekwalifiseer het as dokter. Sy vader het al sy toelae gestop en hy het begin kitaarlesse gee om homself finansieel te ondersteun.

Hy het vinnig bekend geword in die musiekwêreld en het in 1826 by die Paryse Konservatorium toelating gekry. In 1830 het hy Symphonie Fantastique gekomponeer. Hy is in 1833 getroud met die Ierse aktrise, Harriet Smithson. Hulle enigste seun, Louis, is in 1834 gebore.

Berlioz is veral bekend vir sy operawerke, maar sy nie-opera komposisies het hom een van die leidende Franse komponiste van die 1830's en 1840's gemaak. In 1854 is Harriet oorlede en Berlioz is 'n ruk daarna met Maria Recio getroud. In 1863 is Les Troyens, sy mees oorspronklike opera, vir die eerste keer opgevoer.

Op die ouderdom van 60 het Berlioz begin spysverteringsprobleme ontwikkel. Teen 1868 was hy te siek om Parys te verlaat en is op 8 Maart 1869 oorlede.

Bekendste werke[wysig | wysig bron]

Opera[wysig | wysig bron]

Simfonieë[wysig | wysig bron]

  • Symphonie Fantastique, Opus 14

Orkes[wysig | wysig bron]

  • Révérie et Caprice, Opus 8
  • Harold in Italy, Opus 16

Ouvertures[wysig | wysig bron]

  • Waverley Opus1,
  • Les Franc-Juges Opus 3,
  • King Lear Opus 4

Koormusiek[wysig | wysig bron]

  • La révolution grecque
  • La mort d'Orphée
  • Huit scènes de Faust, Opus 1
  • La mort de Sardanapale
  • Requiem (Grande messe des morts)

Sien ook[wysig | wysig bron]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8