Henry Watson

in Wikipedia, die vrye ensiklopedie
Jump to navigation Jump to search
Henry Watson.

Henry Arthur Ingress Watson (Wynberg, Kaapkolonie, 10 Mei 1904Plettenbergbaai [moontlik], Suid-Afrika, September 1982) was ’n argitek.

Watson is in die Kaapse Skiereiland gebore, maar nadat sy ouers na Pretoria verhuis het, het hy sy skoolopleiding aan die Pretoria Boys' High School ontvang. In 1921 het hy aangesluit by die Suid-Afrikaanse Ingenieurskorps en lid daarvan gebly tot 1925. Luidens sy inskrywing in Wie is wie in Pretoria (1952) het Watson argitektuur in Suid-Afrika en Londen studeer, maar geen datums word vir dié studie aangegee nie. Moontlik het hy tekenaatkursusse voltooi terwyl hy in die Ingenieurskorps was.

Teen 1926, nadat hy die korps verlaat het, was hy werksaam in die kantoor van die argitek Gerard Moerdyk. Sowat 12 jaar lank het Watson heelwat werk vir Moerdyk verrig en was hy dikwels die enigste assistent in sy kantoor. Hy was betrokke by die ontwerp en teken van die planne vir Libertas, die eerste minister se ampswoning in Pretoria, nadat Moerdyk in 1935 ’n kompetisie vir die ontwerp daarvan gewen het.

In 1938 het Watson ’n vennootskap met Moerdyk aangegaan en die Voortrekkermonument in Pretoria help ontwerp.

Saam was hulle onder meer ook verantwoordelik vir die ontwerp van:

Teen 1952 as hy ’n direkteur van Saambou Nasionale Bouvereniging. In 1969 het hy afgetree en op Plettenbergbaai gaan woon. In 1979 is hy verkies tot lid van die Suid-Afrikaanse Akademie vir Wetenskap en Kuns nadat dié instansies in 1963 sy erepenning vir argitektuur en beeldhoukuns aan hom toegeken het.

Galery geboue[wysig | wysig bron]

Bronne[wysig | wysig bron]