11 Augustus

11 Augustus is die 223ste dag van die jaar in die Gregoriaanse kalender (224ste in skrikkeljare). Daar volg nog 142 dae in die res van die jaar.

Gebeure

• 3114 v.C. – Begin van die huidige era in die Maja Langtellingkalender.
• 480 v.C. – Perse onder Xerxes verslaan die Spartaane onder Koning Leonidas I in die Slag van Thermopylae.
• 1492 – Pous Alexander VI volg Pous Innocentius VIII op as pous van die Rooms-Katolieke Kerk.
• 1264 – Pous Urbanus IV stel die fees van Corpus Christi in.
• 1697 – Pous Innocentius XII verklaar Maria de la Cabeza salig.
• 1800 – Pous Pius VII stel Diego Innico Caracciolo, apostoliese protonotarius en Ercole Consalvi, ouditeur van die Heilige Roomse Rota aan as kardinale.
• 1904 – Die Slag by Waterberg lei tot die volksslagting van die Herero's in die Opstand van die Herero's en Namas.
• 1960 – Tsjad word van Frankryk onafhanklik.
• 1919 – Die grondwet van die Weimar Republiek word aangeneem.
• 1965 – Watts Onluste begin ses dae van oproer in Los Angeles, Kalifornië.
• 1999 – Die laaste algehele sonsverduistering van die eeu word deur meer as 350 miljoen mense in verskeie lande in Europa en Asië waargeneem.
• 2003 – NAVO neem beheer van die vredesmag in Afghanistan oor – die eerste noemenswaardige krygsverrigting deur NAVO buite Europa sedert die organisasie se totstandkoming 54 jaar tevore.

Geboortes

• 1759 – Sir John Cradock, die derde Britse goewerneur van die Kaap die Goeie Hoop († 1839)
• 1882 – Rodolfo Graziani, Italiaanse maarskalk tydens die Tweede Wêreldoorlog († 1955)
• 1897 – Enid Blyton, Britse outeur van Noddy, Famous Five en Secret Seven († 1968)
• 1904 – P. de V. Pienaar, Afrikaanse taalkundige en skrywer († 1978)
• 1909 – Marthinus Versfeld, Suid-Afrikaanse filosoof († 1995)
• 1926 – Aaron Klug, Britse skeikundige en biochemikus († 2018)
• 1935 – Lofty Nel, Suid-Afrikaanse Springbokrugbyspeler († 2016)
• 1939 – Engela van Rooyen, Afrikaanse skryfster.
• 1953 – Hulk Hogan, Amerikaanse professionele stoeier.

Sterftes

• 1614 – Lavinia Fontana, Italiaanse skilderes (* 1552).
• 1771 – Ryk Tulbagh, 'n goewerneur van die Kaap de Goede Hoop (* 1699).
• 1919 – Andrew Carnegie, Amerikaanse staalbaron (* 1835).
• 2008 – Fred Sinowatz, Oostenrykse politikus en staatsman, Kanselier van Oostenryk (* 1929).
• 2014 – Robin Williams, Amerikaanse akteur en komediant (* 1951).
• 2018 – George Stevens, Suid-Afrikaanse bariton.

Vakansies, vierings, en waarnemingsdae

• Feesdag van Pous Gajus in die Ortodokse Kerk.
• Onafhanklikheidsdag in Tsjad (1960)