Hoessein, kroonprins van Jordanië

in Wikipedia, die vrye ensiklopedie
Jump to navigation Jump to search
Hoessein
Kroonprins van Jordanië
Hoessein in 2015.
Hoessein in 2015.
Gebore 28 Junie 1994 (1994-06-28) (25 jaar oud)
Amman, Jordanië
Volle naam Hoessein bin Abdoellah bin Hoessein bin Talal
Huis Hasjim
Vader Abdoellah II van Jordanië
Moeder Rania al-Jassim
Godsdiens Soenni-Islam
Militêre loopbaan 1ste luitenant in die Jordaniese weermag

Hoessein bin Abdoellah (Arabies: حسين بن عبد الله, Ḥusayn ibn ʿAbdullāh; gebore op 28 Junie 1994) is die regmatige troonopvolger van koning Abdoellah II van Jordanië. Hy behoort tot die Hasjemitiese familie, wat sedert 1921 oor die land regeer.

Lewe[wysig | wysig bron]

Hy is op 28 Junie 1994 in Amman gebore as die oudste kind van die destydse prins Abdoellah en sy vrou, prinses Rania.[1] Hy beskou homself as ’n afstammeling van die profeet Mohammed, deur Mohammed se dogter Fatimah, en van Ali, die vierde kalief.[2] Die Hasjemiete het 700 jaar lank oor Mekka regeer totdat dit deur die Huis van Saoed verower is, en regeer sedert 1921 oor Jordanië.[3]

Hoessein, wat tans ’n 1ste luitenant in die Jordaniese weermag is, het sy opvoeding in Jordanië begin en in 2016 ’n graad in internasionale geskiedenis aan die Georgetown-universiteit in Washington, D.C., behaal. Sedert hy in 2012 meerderjarig geword het, het hy op verskeie geleenthede as regent opgetree en het hy sy pa op ’n paar plaaslike en internasionale besoeke vergesel. Hoessein is in beheer van die Kroonprinsstigting, wat verantwoordelik is vir ’n tegniese universiteit en ’n paar wetenskaplike en humanitêre inisiatiewe.

In 2015, op 20-jarige ouderdom, was Hoessein die jongste persoon wat voorsitter van ’n sessie van die VN se Veiligheidsraad was. Nadat hy in 2017 aan Sandhurst in Brittanje gegradueer het, het hy ’n wêreldwye debuut gemaak toe hy die VN se Algemene Vergadering in September toegespreek het. Waarnemers vermoed hy sal eersdaags begin om ’n prominenter rol in Jordanië en oorsee te speel.

Verwysings[wysig | wysig bron]

  1. "Abdullah II". Encyclopædia Britannica (15de) I: A-ak Bayes. (2010). Chicago, Illinois: Encyclopædia Britannica Inc.. 23. ISBN 978-1-59339-837-8. 
  2. "Hashemite Ancestry". alhussein.jo (in Arabies). 1 Januarie 2014. Besoek op 10 Augustus 2017.
  3. "King Hussein is dead". CNN. 7 February 1999. Besoek op 23 September 2017.

Eksterne skakels[wysig | wysig bron]