Hortensia

in Wikipedia, die vrye ensiklopedie
Spring na: navigasie, soek
Hortensia
Ook: Krismisroos
Wetenskaplike klassifikasie
Koninkryk: Plantae
Divisie: Magnoliophyta
Klas: Magnoliopsida
Orde: Cornales
Familie: Hydrangeaceae
Genus: Hydrangea
Spesie: H. macrophylla
Binomiale naam
Hydrangea macrophylla
(Thunb.) Ser. 1830

Die hortensia of krismisroos is ’n blomplant in die familie Hydrangeaceae en is inheems aan Sjina en Japan. Sy wetenskaplike naam is Hydrangea macrophylla. Die term macrophylla beteken "met groot of lang blare".[1]

Eienskappe[wysig | wysig bron]

’n Nabyskoot van ’n blom wat gekleurde kelkblare om die vyf kroonblare wys.

Dit is ’n bladwisselende struik wat tot 2 meter hoog en 2,5 meter breed word, met groot trosse pienk of blou blomme in die somer en herfs.[2]

Die bloeiwyse van die plant is ’n stingeltros, met al die blomme in ’n vlak of halfsirkel of selfs ’n hele sfeer. Twee soorte blomme word onderskei: sentrale, nie-ornamentele, vrugbare blomme en ornamentele randblomme wat gewoonlik as "steriel" beskryf word. ’n Studie van verskeie kultivars het egter getoon al die blomme is vrugbaar.

Kleure en suurinhoud[wysig | wysig bron]

Die hortensia se blomme kan blou, rooi, pink, ligpers of donkerpers wees. Die kleur word bepaal deur die pH van die grond.[3][4] Suur grond (pH onder 7) sal ’n kleur nader aan blou tot gevolg hê, terwyl alkaliese grond (pH bo 7) sal lei tot pienk blomme. Om blou blomme te kry kan aluin (aluminiumsulfaat) by die water gegooi word.[5]

Sinonieme[wysig | wysig bron]

  • Hortensia opuloides Lam.
  • Hydrangea chungii Rehder
  • Hydrangea hortensia Siebold
  • Hydrangea hortensis Sm.
  • Hydrangea maritima Haw.-Booth
  • Hydrangea opuloides (Lam.) K.Koch
  • Hydrangea otaksa Siebold & Zucc.
  • Viburnum macrophyllum Thunb.

Galery[wysig | wysig bron]

Talle kultivars word aangetref. Van hulle is:

Verwysings[wysig | wysig bron]

  1. Harrison, Lorraine (2012). RHS Latin for gardeners. United Kingdom: Mitchell Beazley. p. 224. ISBN 978-1-84533-731-5. 
  2. (2008) RHS A-Z encyclopedia of garden plants. United Kingdom: Dorling Kindersley. p. 1136. ISBN 1-4053-3296-4. 
  3. Universiteit van Georgia: Growing Bigleaf Hydrangea
  4. USDA: Hydrangea Questions and Answers
  5. Longman, David. Gesonde Huisplante, Stap vir Stap Geïllustreer, J.L. van Schaik, Pretoria. 1992. ISBN 0 627 01827 0

Eksterne skakels[wysig | wysig bron]