Idris Elba

in Wikipedia, die vrye ensiklopedie
Spring na: navigasie, soek
Idris Elba
'n Beeld van die betrokke persoonlikheid.
Elba in Oktober 2014.

Geboortenaam Idrissa Akuna Elba
Geboorte 6 September 1972 (1972-09-06) (45 jaar oud)
Londen, Engeland
Nasionaliteit Brits
Beroep(e) Akteur, musikant, DJ
Aktiewe jare 1994–tans
Webwerf www.driis.com
Toekennings Offisier van die Orde van die Britse Ryk
Internet-rolprentdatabasis-profiel

Idrissa Akuna "Idris" Elba, OBE, is ’n Britse akteur, musikant en DJ.[1][2] Hy is veral bekend vir sy rolle as die dwelmbaas en sakeman Russell "Stringer" Bell in die reeks The Wire,[3] speurder John Luther in die reeks Luther en Nelson Mandela in die 2013-biografieprent Mandela: Long Walk to Freedom.

Hy is al vyf keer vir ’n Golden Globe benoem vir beste akteur in ’n minireeks of TV-prent, en het een keer gewen. Hy is ook al vier keer vir ’n Emmy benoem.[4][5]

Elba was in rolprente soos American Gangster (2007), Takers (2010), Thor (2011), Prometheus (2012) en Beasts of No Nation (2015).[6][7] Benewens akteur is hy ook ’n platejoggie (DJ) onder die naam Big Driis en ’n hip-hop-soulmusikant.[8]

Vroeë lewe[wysig | wysig bron]

Elba is in Newham, Londen, gebore.[9] Sy pa, Winston, was van Sierra Leone en het by die Ford-motormaatskappy gewerk. Sy ma, Eve, was van Ghana en ’n klerk.[10] Sy ouers is in Sierra Leone getroud en het daarna na Londen verhuis.[11] Elba het in East Ham grootgeword[12] en sy naam op skool verkort van Idrissa tot Idris. Hy het daar begin toneelspeel. In 1986 het hy sy oom gehelp in sy werk as platejoggie vir troues, en binne ’n jaar het hy sy eie DJ-maatskappy saam met vriende gestig.[13]

Sy eerste rolle was in Crimewatch-moordrekonstruksies.[14] Op 19 het hy in nagklubs gewerk onder die naam DJ Big Driis, maar in sy vroeë 20's het hy oudisies begin aflê vir TV-rolle.[13]

Toneelloopbaan[wysig | wysig bron]

Televisie[wysig | wysig bron]

Elba het in 1995 sy eerste groot rol gekry in die reeks Bramwell, ’n mediese drama wat in die Engeland van die 1890's afspeel. In een episode het hy die hoofrol gespeel. Sy eerste rol waarvoor hy erkenning gekry het, het in 1995 gevolg: ’n byspelerrol as ’n gigolo in die episode "Sex" van Absolutely Fabulous. Baie byspelerrolle op Britse TV het gevolg. Hy het by die sepie Family Affairs aangesluit,[13] en in die TV-reeks Ultraviolet en later in Dangerfield verskyn.[15] Hy het kort daarna na New York-stad in die VSA verhuis en het nou en dan na Brittanje teruggekeer vir ’n rol.

In 2002 het Elba ’n hoofrol in die drama The Wire gekry. Van dié jaar tot in 2004 was hy Russell "Stringer" Bell in die reeks – moontlik sy bekendste rol in Amerika. In 2005 was hy in die rolprent Sometimes in April, oor die volksmoord in Rwanda. Hy het in 2007 in die spesiale program Black Men: The Truth verskyn.[16]

In September 2009 het Elba ’n ooreenkoms geteken om in die BBC-televisiereeks Luther te speel; dit het in Mei 2010 begin wys.[5] Op die 69ste Golden Globe-toekenningsaand in Januarie 2012 het Elba die prys gewen vir beste akteur in ’n reeks, minireeks of TV-rolprent vir sy toneelspel in dié reeks.[5]

Rolprente[wysig | wysig bron]

Elba (middel in die agterste ry) saam met die ander spelers van RocknRolla op die Toronto-rolprentfees van 2008.

In 2007 het Elba die hoofrol gekry in die rolprent Tyler Perry's Daddy's Little Girls. Hy was ook in 28 Weeks Later en This Christmas (albei 2007), waarvan laasgenoemde geldelik uitstekend gevaar het.[17][18] In 2008 het hy in die rilprent Prom Night en in RocknRolla gespeel.[17] In 2009 was hy in nog twee rilprente, The Unborn en Obsessed.[19]

Hierna het Legacy, The Losers en Takers in 2010 gevolg. In 2011 was hy Heimdall in Kenneth Branagh se prent Thor (gebaseer op die Marvel Comics-superheld met dieselfde naam).[20]

In Februarie 2012 het Elba bevestig dat hy Nelson Mandela sou uitbeeld in die prent Mandela: Long Walk to Freedom, wat gebaseer is op Mandela se boek, Long Walk to Freedom.[21] As deel van sy voorbereiding vir sy rol het hy ’n nag alleen in ’n sel op Robbeneiland deurgebring.[22] Vir sy spel is hy benoem vir ’n Golden Globe vir beste akteur in ’n dramaprent.

In 2015 was Elba weer Heimdall, dié keer in die prent Avengers: Age of Ultron. Vir sy rol in Beasts of No Nation is hy in dieselfde jaar benoem vir ’n Golden Globe en Bafta vir beste manlike byspeler. Sy volgende projekte is die stemwerk vir die tier Shere Khan in The Jungle Book, waaraan ook Bill Murray, Scarlett Johansson, Ben Kingsley, Christopher Walken en Lupita Nyong'o sal werk, en ’n opvolg van Finding Nemo.

Musiekloopbaan[wysig | wysig bron]

Elba as DJ.

Elba het in musiekvideo's verskyn van Fat Joe (2002),[23] Angie Stone (2004)[24] en die rapper Giggs (2010).[25] In 2006 het hy die EP Big Man met vier liedjies uitgereik. Hy was medevervaardiger van Jay-Z se 2007-album American Gangster en het in die inleiding opgetree.[26] Hy het ook al op belangrike geleenthede as DJ opgetree.[27][28]

Hy het in 2009 die uitreiking van sy eerste enkelspeler, "Please Be True", aangekondig[29] en in die uitgawe van Augustus 2009 van die tydskrif Essence het hy aangekondig die naam van sy daaropvolgende EP met ses liedjies is Kings Among Kings.[30] Hy het sy EP High Class Problems Vol. 1 in Februarie 2010 in Brittanje uitgereik en baie pryse daarvoor ingepalm.[31]

Sedertdien het hy verskeie video's vervaardig, soos vir Mumford and Sons (2012)[32] en K. Michelle (2014).[33] Hy het ook opgetree in Mr Hudson se enkelspeler "Step Into the Shadows". Mr Hudson het weer sy album Idris Elba Presents mi Mandela vervaardig; dit is in November 2014 uitgereik.[34][35]

In November 2015 het Elba in Berlyn, Duitsland, die voorvertoning gedoen vir Madonna se Rebel Heart-toer.

Persoonlike lewe[wysig | wysig bron]

Elba en sy eksvrou, Kim, het ’n dogter, Isan, wat in 2002 gebore is.[36] In 2014 het sy vriendin, Naiyana Garth, die lewe geskenk aan hul seun, Winston.[37]

Pryse[wysig | wysig bron]

Elba is in Mei 2007 aangewys as een van die tydskrif People se 100 aantreklikste mense in die wêreld.[38] In 2013 is hy gekies as die tydskrif Essence se sexyste man van die jaar.[39] Op People se lys van aantreklikste mans in die wêreld vir 2013 was hy nommer twee.[40]

In Oktober 2014 het hy ’n Mobo-inspirasieprys gewen[41] en in 2015 is hy aangewys as een van die tydskrif GQ se 50 bes geklede Britse mans.[42]

Elba is in 2016 aangewys as Offisier van die Orde van die Britse Ryk (OBE) vir sy bydrae tot drama.[43]

Filmografie[wysig | wysig bron]

Rolprente[wysig | wysig bron]

Jaar Titel Rol Notas
1999 Belle maman Grégoire
2000 Sorted Jam
2001 Buffalo Soldiers Kimborough
2003 One Love Aaron
2005 The Gospel Charles Frank
2005 Sometimes in April Augustin
2007 Daddy's Little Girls Monty James
2007 The Reaping Ben
2007 28 Weeks Later Generaal Stone
2007 American Gangster Tango
2007 This Christmas Quentin Whitfield
2008 Prom Night Speuder Winn
2008 RocknRolla Mumbles
2008 The Human Contract Larry
2009 The Unborn Arthur Wyndham
2009 Obsessed Derek Charles
2010 Takers Gordon Cozier
2010 Legacy Malcolm Gray Uitvoerende vervaardiger
2010 The Losers Roque
2011 Thor Heimdall
2012 Ghost Rider: Spirit of Vengeance Moreau
2012 Prometheus Kaptein Janek
2013 Pacific Rim Stacker Pentecost
2013 Thor: The Dark World Heimdall
2013 Mandela: Long Walk to Freedom Nelson Mandela
2014 No Good Deed Colin Evans Uitvoerende vervaardiger
2015 The Gunman DuPont
2015 Second Coming Mark
2015 Avengers: Age of Ultron Heimdall
2015 Beasts of No Nation Kommandant
2016 The Jungle Book Shere Khan (stem) Besig met verfilming
2016 Bastille Day TBA Naproduksie
2016 Finding Dory TBA (stem) Besig met verfilming
2016 Star Trek Beyond Krall Besig met verfilming
2016 Zootopia Chief Bogo (stem) Besig met verfilming

Televisie[wysig | wysig bron]

Jaar Titel Rol Notas
1994 2point4 Children Valskerminstrukteur Episode: "Fortuosity"
1994 Space Precinct Pizza-afleweringsman Episode: "Double Duty"
1995 Absolutely Fabulous Hilton Episode: "Sex"
1996 Crocodile Shoes II Jo-Jo Episode: "Troubled Man"
1997 Family Affairs Tim Webster
1997 Silent Witness Charlie Episode: "Blood, Sweat & Tears"
1998 Ultraviolet Vaughan Rice 6 episodes
1999 Dangerfield Matt Gregory 12 episodes
2000 In Defence Paul Fraser 1 episode
2001 Law & Order Lonnie Liston Episode: "3 Dawg Night"
2002 The Inspector Lynley Mysteries Robert Gabriel Episode: "Payment in Blood"
2003 CSI: Miami Angelo Sedaris Episode: "The Best Defense"
2002–2004 The Wire Russell "Stringer" Bell 37 episodes
2005 Girlfriends Paul Episode: "All in a Panic"
2005 Sometimes in April Augustin Muganza
2008 The No. 1 Ladies' Detective Agency Charles Gotso Episode: "The No. 1 Ladies' Detective Agency"
2009 The Office Charles Miner 7 episodes
2010 The Big C Lenny 4 episodes
2010 Walk Like a Panther Uitvoerende vervaardiger
2011 Aqua Teen Hunger Force Polisie-offisier Stem
Episode: "Intervention"
2010–2015 Luther John Luther Vervaardiger
16 episodes
2011 How Hip Hop Changed the World Uitvoerende vervaardiger
2011 Demons Never Die Uitvoerende vervaardiger
2012 Idris Elba's How Clubbing Changed the World Homself Gasheer
2013 Idris Elba: King of Speed Homself Gasheer
2015 Idris Elba: No Limits Homself Gasheer

Pryse en benoemings[wysig | wysig bron]

Gewen
  • 2010
    • The Losers
      • BET-prys vir beste akteur
  • 2011
    • Takers en Luther
      • BET-prys vir beste akteur
    • Luther
      • NAACP Image Award vir uitmuntende akteur in ’n TV-fliek, minireeks of dramaprogram
      • Golden Globe vir beste akteur in ’n minireeks of TV-prent
  • 2012
    • Luther
      • Black Reel Award vir beste akteur: TV-fliek/kabel
  • 2014
    • Luther
      • NAACP Image Award vir uitmuntende akteur in ’n TV-fliek, minireeks of dramaprogram
  • 2015
    • Beasts of No Nation
      • Washington D.C. Area Film Critics Association Award vir beste manlike byspeler
Benoem, uitslag uitstaande
  • 2015
    • Beasts of No Nation
      • Bafta vir beste manlike byspeler
      • Independent Spirit Award vir beste manlike byspeler
      • Screen Actors Guild Award vir uitmuntende spel deur ’n manlike byspeler
      • Screen Actors Guild Award vir uitmuntende spel deur ’n groep in ’n rolprent
    • Luther
      • Critics' Choice Television Award vir beste akteur in ’n rolprent/minireeks
      • Screen Actors Guild Award vir uitmuntende spel deur ’n akteur in ’n minireeks of TV-prent

Verwysings[wysig | wysig bron]

  1. "Why black British directors and actors leave the UK for Hollywood". The Guardian. 29 Augustus 2013. Verkry op 14 Oktober 2013. 
  2. Lisa Respers France, "Idris Elba 'too street' to play James Bond, writer says", CNN, 2 September 2015.
  3. "The Wire Cast and Crew: Idris Elba, Russell "Stringer" Bell". HBO.com. Verkry op 11 April 2009. 
  4. Lowry, Brian (10 Julie 2014). “Emmy Nominations 2014 — Full List: 66th Primetime Emmys Nominees”. Variety. Besoek op 28 Januarie 2015.
  5. 5,0 5,1 5,2 "Wire actor Elba joins BBC drama". BBC News. 4 September 2009. Verkry op 7 September 2009. 
  6. French, Philip (13 Julie 2013). "Pacific Rim – review". The Observer. London. Verkry op 17 Julie 2013. 
  7. Hornaday, Ann (11 Julie 2013). "'Pacific Rim' review: A rock 'em, sock 'em sci-fi spectacle with heart". The Washington Post. Verkry op 17 Julie 2013. 
  8. Canada, Danielle (13 September 2011). "Idris Elba (Driis) Releases New Music Video "Secret Garden"". hiphopwired.com. 
  9. "Idrissa Akuna Elba" by Family Search.
  10. Fitzherbert, Henry (24 Mei 2012). "Idris Elba: Obama loves him and now he's playing Mandela". Daily Express. Verkry op 28 Januarie 2015. 
  11. Sawyer, Miranda (24 Januarie 2010). "Idris Elba: life after 'Stringer' Bell". The Observer. Verkry op 28 Januarie 2015. 
  12. Jeffries, Stuart (9 May 2009). "The Midas Touch". The Guardian. Londen. Verkry op 29 Julie 2009. 
  13. 13,0 13,1 13,2 Addley, Esther (20 Maart 2008). "He often has fewer lines than anyone else but you still feel as though he has the bigger part, because he is luminous". The Guardian. Verkry op 23 Augustus 2013. 
  14. Wilde, Jon (24 April 2010). "'I've been called the black George Clooney - they don't call Daniel Craig the blond will Smith': Idris Elba speaks out". Mail Online. Verkry op 4 Desember 2015. 
  15. "Idris Elba - Biography". Yahoo! Movies. Verkry op 17 Julie 2013. 
  16. "Idris Elba". askmen.com. Verkry op 17 Julie 2013. 
  17. 17,0 17,1 "Idris Elba and Columbus Short Interview, This Christmas". Moviesonline.ca. Verkry op 11 April 2009. 
  18. "This Christmas". Thenumbers.com. Verkry op 11 April 2009. 
  19. "Idris Elba And Beyonce To Play Married Couple In 'Obsessed'". Blackvoices.com. Verkry op 11 April 2009. 
  20. "Idris Elba joins Marvel Studios' 'Thor'". The Hollywood Reporter. 20 November 2009. Verkry op 20 November 2009. 
  21. Jefferson, Lucette (22 Februarie 2012). "Confirmed! Idris Elba set to play Nelson Mandela in Biopic". Huffington Post. Verkry op 23 Februarie 2012. 
  22. (7 Desember 2013) “Idris Elba Describes Chilling Night In Nelson Mandela's Prison (VIDEO)”. Huffington Post. Besoek op 28 Januarie 2015.
  23. Fat Joe – All I Need op YouTube
  24. Angie Stone – I Wanna Thank Ya op YouTube
  25. Giggs – Hustle on official video op YouTube
  26. "He often has fewer lines than anyone else but you still feel as though he has the bigger part, because he is luminous". Movietome.com. Verkry op 11 April 2009. 
  27. McMurtrie, John (11 February 2007). "Ties to 'Wire' cut – but new work calls". San Francisco Chronicle. Verkry op 11 April 2009. 
  28. "Keri Hilson, The Dream and Idris Elba party with BET". S2Smagazine.com. 29 Julie 2009. Verkry op 29 Julie 2009. 
  29. Morris, Davina (5 Julie 2009). "Man of many talents – Actor Idris Elba returns to his first love, music, with the release of his new single". Jamaica Gleaner. Verkry op 29 Julie 2009. 
  30. Amber, Jeannine (13 Julie 2009). "ESSENCE August Issue: Sexy Talk With Idris Elba". Essence. Verkry op 14 Augustus 2009. 
  31. "High Class Problems - Available Today!!!". driis. 8 Februarie 2010. Verkry op 28 Desember 2011. 
  32. MTV
  33. "K. Michelle To Star In Idris Elba Directed Musical". The Urban Daily. 3 Februarie 2014. Verkry op 28 Januarie 2015. 
  34. "Idris Elba Presents Mi Mandela"
  35. Andy Gill, "Idris Elba Presents mi Mandela, album review: A marvellous alliance of ancient and modern styles", The Independent, 21 November 2014.
  36. Jeffries, Stuart (5 Mei 2009). "The Midas Touch". The Guardian. Verkry op 13 Junie 2011. 
  37. Webber, Stephanie (18 April 2014). "Idris Elba Welcomes Baby Boy Winston With Naiyana Garth: First Picture". Us Weekly. Verkry op 28 Januarie 2015. 
  38. "People Magazine's 'Most Beautiful People' issue" (PDF). CBS News. Verkry op 11 April 2009. 
  39. Penn, Charli (2013). "ESSENCE's 2013 Sexiest Man of the Year: 50 Reasons to Love Idris Elba". Essence.com. Verkry op 28 Januarie 2015. 
  40. "Sexiest Man Alive 2013: Adam Levine, David Beckham, Brad Pitt, Idris Elba". People.com. 2013. Verkry op 28 Januarie 2015. 
  41. "Mobo Awards 2014: Idris Elba receives inspiration award". The Daily Telegraph. 23 September 2014. Verkry op 22 Februarie 2015. 
  42. Robert Johnston (5 Januarie 2015). "50 Best Dressed Men in Britain 2015". GQ. 
  43. Mendick, Robert; Swinford, Steven (31 Desember 2015). "New Year's Honours: Idris Elba, Barbara Windsor, Damon Albarn and Ronnie O'Sullivan named in 2016 lis". The Daily Telegraph. Verkry op 31 Desember 2015. 

Eksterne skakels[wysig | wysig bron]