Implats

in Wikipedia, die vrye ensiklopedie
Jump to navigation Jump to search
Impala Platinum Holdings Beperk
Tipe Aandelemaatskappy
Gestig 1966
Hoofkantoor Johannesburg, GautengSuid-Afrika
SleutelpersoneNico Muller (hoof- uitvoerende beampte)
Gebied bedienwêreldwyd
IndustrieMynbou
ProduktePlatinum, Palladium, Rodium, Nikkel, Koper en Kobalt
Inkomste35,9 miljard (2018)
Werknemers50 000
Webwerfimplats.co.za

Impala Platinum Holdings Beperk (Implats) is een van die wêreld se toonaangewende produsente van platinum.

Minerale[wysig | wysig bron]

Implats is 'n Suid-Afrikaanse moedermaatskappy (houermaatskappy) van verskeie firma’s wat myne besit en betrokke is by die prosessering, raffinering en bemarking van platina-groep-metale (PGM’s) van hoë kwalitiet. Dit lewer platinum en PGM’s soos palladium en rodium sowel as nikkel, koper en kobalt aan die nywerheid. In 2019 het die firma 1,53 miljoen onse platinum en 0,91 miljoen onse palladium geproduseer.

Myne[wysig | wysig bron]

  • In Suid-Afrika bewerk Implats die Impala-myn op die Merensky-rif se 10 skagte in die Bosveldstollingskompleks sowel as die Marula- en Two Rivers-myne by Burgersfort.
  • Zimplats is 'n myn suidwes van Harare en die Mimosa-myn is 'n 150 km oos van Bulawayo.
  • In Kanada is Implats sedert Desember 2019 betrokke by die Lac des Iles-myn, noordwes van Thunder Bay. Hier in die omgewing van die Ontariomeer word palladium gemyn.
  • Impala Refining Services by Springs raffineer ook metale vir ander maatskappye.
  • Implats is betrokke by eksplorasieprojekte in Botswana, Madagaskar, Mosambiek en Kanada.

Geskiedenis[wysig | wysig bron]

Implats het in 1966 ontstaan as 'n filiaal van Union Corporation. In die 1970’s neem die vraag na platinum geweldig toe weens die gebruik daarvan om uitlaatgasse van binnebrandmasjien te verminder. Vanaf 1973 word dit as Bishopsgate Platinum Bpk. op die JSE genoteer, maar verander in 1978 sy naam na Implats. In die 1990’s het die firma op een na die grootste produsent van platinum in die wêreld geword.

Eienaars[wysig | wysig bron]

Die aandele van die maatskappy word verhandel op die beurse van Johannesburg en Frankfurt am Main. Investec Asset Management besit 15%, PIC 10% en Allan Gray Investment Counsel 6% van die aandele. Nico Muller is sedert April 2017 die voorsitter van die direksie. Die hoofkantoor is in Northlands en die firma het wêreldwyd 'n personeelkorps van 50 000 om hul vyf myne met 20 skagte te bedryf. In die onlangse verlede was daar vakbondoptrede omdat die firma na bewering sy werknemers te swak betaal het.

Lees ook[wysig | wysig bron]

Bibliografie[wysig | wysig bron]

  • sashares.co.za
  • www.implats.co.za
  • www.sharedata.co.za