Bulawayo

in Wikipedia, die vrye ensiklopedie
Spring na: navigasie, soek

Bulawayo
Bulawayo CBD.jpg

Kaart Wapen
Zimbabwekaart.png
Bulawayo Zimbabwe COA.svg
Vlag
Flag of Bulawayo.svg
 Land Vlag van Zimbabwe Zimbabwe
 Provinsie Bulawayo
 Koördinate 20°10′S 28°35′O / 20.167°S 28.583°O / -20.167; 28.583
 Stigting 1840
 Oppervlakte:  
 - Totaal 1 706,8 vk km
 Hoogte bo seevlak 1 358 m
 Bevolking:  
 - Totaal (2012) 653 337
 - Bevolkingsdigtheid 380/vk km
 Tydsone UTC +2
 Burgemeester Martin Moyo
 Amptelike webwerf citybyo.co.zw

Bulawayo is met 'n geraamde bevolking in 2012 van 653 337 Zimbabwe se tweede grootste stad naas Harare en die hoofstad van die gelyknamige provinsie, hoewel dit vir alle praktiese doeleindes eintlik die hoofstad van Matabeleland is. Dit is die vernaamste nywerheidstad in die land.

Die standbeeld van Cecil John Rhodes in ongeveer 1925 afgeneem
Bulawayo se stadsaal

Die stad is op sy huidige perseel in 1894 aangelê, maar sy geskiedenis kan teruggevoer word tot 1868 toe daar 'n hewige stryd gevoer is oor wie die opvolger van koning Silkaats moes wees. Sy seun Lobengoela het uiteindelik die nuwe koning van die Ndebele geword en in 1872 het hy sy nuwe hoofstad, kwaBulawayo ("plek van die vervolgde man"), gestig.

Bulawayo is op die sentrale hoogland in Zimbabwe aangelê, 1 359 meter bo seespieël in 'n gebied wat sonnig en warm in die somer is en koel in die winter. Die reënval is hoofsaaklik tot die somer beperk en geweldadige donderstorms kom gereeld voor.

Op 1 November 1893 is die Ndebele deur die aankomende leër van die British South Africa Company verslaan. Lobengoela het gevlug na die noorde en sy hoofstad is aan die brand gesteek en het so byna geheel en al uitgebrand, sien Shangani-patrollie. Die blanke stigters van die stad het gehoop dit sou eendag vir Johannesburg in grootte kon ewenaar, omdat daar gerugte was van ontsaglike goudvelde in die nabyheid. So het fortuinsoekers hierheen gestroom.

Ná opstande deur die Masjona en Ndebele onderdruk is, het die dorp vooruitgang begin maak. Die spoorlyn vanaf Suid-Afrika het die dorp op 19 Oktober 1897 bereik en het van daar noordwaarts aangehou tot by die Victoria-waterval en Harare, toe Salisbury. Stadstatus is in 1943 aan Bulawayo verleen.

Bulawayo se Afrikaanse skool, die Excelsiorskool, het finaal gesluit in November 1982. As finale projek het die agt leerlinge 'n week lange uitstappie na die Victoria-waterval onderneem.

Sien ook[wysig | wysig bron]

Bronne[wysig | wysig bron]

  • (en) Mayhew, Vic (red.), Reader’s Digest Illustrated Guide to Southern Africa, The Reader’s Digest Association South Africa (Pty.) Limited, Kaapstad, 1980.
  • (en) Olivier, ds. P.L. (samesteller), Ons gemeentelike feesalbum. Kaapstad en Pretoria: N.G. Kerk-uitgewers, 1952.

Ekterne skakels[wysig | wysig bron]


Provinsies van Zimbabwe Vlag van Zimbabwe
Bulawayo · Harare · Manicaland · Masjonaland-Oos · Masjonaland-Sentraal · Masjonaland-Wes · Masvingo · Matabeleland-Noord · Matabeleland-Suid · Midlands