Indiër (sterrebeeld)
| Indiër | ||||
| ||||
| Latynse naam | Indus | |||
| Genitief | Indi | |||
| Afkorting | Ind | |||
| Waarnemingsdata (Epog J2000) | ||||
| Regte klimming | 21h | |||
| Deklinasie | 55º | |||
| Grootte | 294 vk. grade (49ste) | |||
| Kwadrant | SQ4 | |||
| Besonderhede | ||||
| Hoofsterre | 3 | |||
| Helderste ster | Die Persiër (Alpha Indi, α Ind) | |||
| Naaste ster | Epsilon Indi | |||
| Sterre helderder as 3 m | 0 | |||
| Sterre met planete | 2 | |||
| Messier-voorwerpe | 0 | |||
| Bayer-/Flamsteed-sterre | 16 | |||
| Aangrensende sterrebeelde | ||||
| Mikroskoop, Boogskutter, Teleskoop, Pou, Oktant, Toekan, Kraanvoël | ||||
| ||||
Die Indiër (Latyn: Indus) is ’n sterrebeeld in die suidelike hemelruim. Dit was een van die 12 sterrebeelde wat in die 16de eeu deur Petrus Plancius geskep is na aanleiding van waarnemings deur Pieter Dirkszoon Keyser en Frederick de Houtman. Dit is nie bekend of die naam verwys na ’n inboorling van Noord-Amerika of van Nederlands-Indië nie.
Ruimtevoorwerpe
[wysig | wysig bron]Die Indiër bevat nie enige helder sterre nie. Alpha Indi is die helderste ster; dit is ’n oranje reus met ’n magnitude van 3,1 en is sowat 101 ligjare van die Aarde af. Epsilon Indi is een van die naaste sterre aan die Aarde, sowat 11,8 ligjare weg. Dit is ’n oranje dwerg van 4,7 mag, effens kleiner en kouer as die son.[1]
Daar is een helder dubbelster in die Indiër, Theta Indi. Dit bestaan uit twee wit sterre van 4,5 en 7 mag en is 97 ligjare van hier.[1] Die enigste helder veranderlike ster is T Indi, ’n rooi reus 1 900 ligjare van die Aarde af met ’n periode van 11 maande. Sy minimum magnitude is 7 mag en sy maksimum 5 mag.[1]
Verwysings
[wysig | wysig bron]- ↑ 1,0 1,1 1,2 Ian Ridpath and Wil Tirion (2007). Stars and Planets Guide, Collins, Londen. ISBN 978-0-00-725120-9. Princeton University Press, Princeton. ISBN 978-0-691-13556-4
Eksterne skakels
[wysig | wysig bron]
Wikimedia Commons het meer media in die kategorie Indiër (sterrebeeld).- Starry Night Photography: Indus Constellation
- The clickable Indus
- Star Tales–Indus
Hierdie artikel is vertaal uit die Engelse Wikipedia
