Klein Leeu

in Wikipedia, die vrye ensiklopedie
Klein Leeu
Latynse naam Leo Minor
Genitief Leonis Minoris
Afkorting LMi
Waarnemingsdata (Epog J2000)
Regte klimming 10h
Deklinasie 35º
Grootte 232 vk. grade (64ste)
Kwadrant NQ2
Besonderhede
Hoofsterre 2
Helderste ster 46 Leonis Minoris (Praecipua)
Naaste ster 11 Leonis Minoris
Sterre helderder as 3 m 0
Sterre met planete 2
Messier-voorwerpe 0
Bayer-/Flamsteed-sterre 34
Meteoorreëns Leonis Minorids
Aangrensende sterrebeelde
Groot Beer, Rooikat, Kreef, Leeu
Portaal  Portaalicoon   Sterrekunde

Die Klein Leeu (Latyn: Leo Minor) is ’n klein, dowwe sterrebeeld in die noordelike hemelruim wat aan die sterrebeeld Leeu grens. Die helderste sterre in die Klein Leeu vorm ’n rowwe driehoek. Dit is nie in die Antieke tyd as ’n sterrebeeld beskou nie, maar is eers in 1687 deur Johannes Hevelius geskep.

Ruimtevoorwerpe[wysig | wysig bron]

Die Klein Leeu bokant die kop van die sterrebeeld Leeu, soos uitgebeeld in Urania's Mirror, ’n stel sterrebeeld-kaarte wat omstreeks 1825 in Londen gepubliseer is.

Die Klein Leeu het nie veel om te sien met klein teleskope nie. Daar is net een ster helderder as 4 mag.

46 Leonis Minoris (Praecipua) is amper (maar nie heeltemal nie) ’n reusester van spektraaltipe K0 wat sowat 98 ligjare van die Aarde af lê. Dit het ’n helderheid van 3,83 mag. R Leonis Minoris is ’n veranderlike ster wat wissel tussen 6,3 en 13,2 mag in ’n tydperk van 372,19 dae.

Een van die helderste verafgeleë voorwerpe in die Klein Leeu is NGC 3003, ’n sterrestelsel met ’n oënskynlike helderheid van 11,7 mag.

Die geheimsinnige voorwerp wat algemeen bekend is onder die Nederlandse naam Hanny's Voorwerp, is in 2007 ontdek deur die Nederlandse onderwyseres Hanny van Arkel terwyl sy as vrywilliger aan ’n Galaxy Zoo-projek deelgeneem het.

Verwysings[wysig | wysig bron]

Eksterne skakels[wysig | wysig bron]