Isao Hosoe

in Wikipedia, die vrye ensiklopedie
Jump to navigation Jump to search

Isao Hosoe (* 8 Maart 1942 in Tokio, † 3 Oktober 2015 in Milaan, Italië[1]) was 'n Japannese ruimtevaartingenieur wat hom in 1967 in Italië gevestig en daar 'n loopbaan as ontwerper en dosent gevolg het.

Loopbaan[wysig | wysig bron]

Ontwerpkuns uit die 1990's: Isao Hosoe se espressomaker Mach (regs onder)
Zani, Italië

Isao Hosoe het sy akademiese opleiding as lug- en ruimtevaart-ingenieur aan Tokio se Nihon-universiteit gevolg. As deel van die vereistes vir sy eerste graad het hy in 1965 sy eerste pedaalvliegtuig ontwerp en later sy meestersgraad verwerf. In 1967 het hy 'n loopbaan as ontwerper in die Italiaanse argitek Alberto Rosselli se ateljee Studio Ponti-Fornaroli-Rosselli begin waar hy tot 1974 werksaam was.

In 1985 het hy sy eie ateljee Isao Hosoe Design gevestig. Die ontwerpproses was vir hom soos 'n werwelstorm - vol van onstuimige energie, maar nogtans tot 'n bepaalde graad voorspel- en berekenbaar sodat alle energie in 'n enkele punt saamvloei. Hierdie punt, aldus Hosoe, is die optimale resultaat.

So was daar nooit 'n bepaalde Hosoe-styl nie. Die ontwerper was geesdriftig oor spanwerk en het altyd saam met sy medewerkers, studente en klante 'n oplossing probeer vind wat die beste by 'n spesifieke behoefte gepas het. Sy ontwerpe in 'n verskeidenheid velde soos vervoer, kantoormeubilering, telekommunikasie, elektroniese en huishoudelike toestelle het daarnaas steeds 'n onverwagte eienskap getoon en sodoende bykomende funksies vervul. Hulle is met internasionale pryse en die Italiaanse Compasso d'oro bekroon.

Doseerwerk[wysig | wysig bron]

Isao Hosoe was as professor en dosent aan verskeie tersiêre instellings verbonde, waaronder die Politegniese Universiteit in Milaan, die Domus-akademie, die Universiteit La Sapienzia in Rome en die Universiteit van Siena.

Verwysings[wysig | wysig bron]

Eksterne skakels[wysig | wysig bron]

Isao Hosoe Design

Tonelli Design

Bisazza

Interna