James Kennedy
| James Kennedy | |
| |
James Kennedy in 2009
| |
| Geboortenaam | James Carleton Kennedy |
|---|---|
| Gebore | 2 September 1963 Orange City, Iowa |
| Blyplek | Amersfoort, Nederland |
| Nasionaliteit |  Verenigde State
|
| Vakgebied | Moderne geskiedenis van Nederland |
| Instelling(s) | Universiteit Utrecht |
James Carleton Kennedy (gebore op 2 September 1963 in Orange City, Iowa) is 'n Amerikaanse geskiedkundige.
Lewensloop[wysig | wysig bron]
Sy vader was 'n Amerikaner en sy moeder 'n Nederlander. Hy het opgegroei in sy geboortestad. Baie inwoners van Orange City is van Nederlandse herkoms.
Kennedy het buitelandse betrekkinge gestudeer aan die Georgetown University (Bachelor of Arts) en teologie aan die Calvin Theological Seminary (Master of Arts). Sy PhD in geskiedenis het hy aan die University of Iowa behaal.
Kennedy het onder meer gewerk as geskiedenisprofessor en -navorser aan die A. C. Van Raalte-instituut van die Hope College (1997-2003) en as geskiedenisprofessor aan die Vrye Universiteit Amsterdam (2003-2007). Van 2007 tot 2009 was hy professor van die 20ste eeuse geskiedenis van Nederland en van 2009 tot 2015 van de Nederlandse geskiedenis sedert die Middeleeue aan die Universiteit van Amsterdam. Van Oktober 2015 tot Desember 2000 was hy dean (dekaan) van die (Engelstalige) University College Utrecht. Sedert November 2022 is hy professor van die moderne Nederlandse geskiedenis aan die Universiteit Utrecht.
Hy is 'n Christen en word daarom ook as 'n Christen-geskiedkundige aangedui. Hy glo dat God die wêreld bestuur maar hy is versigtig om te sê hoe.
James Kennedy is getroud met Simone Kennedy-Doornbos (1970). Sy was die voorsitster van die ChristenUnie in die munisipale raad van Amersfoort en is sedert 2023 'n lid van die Eerste Kamer van die Stategeneraal. Hulle het drie kinders. Die gesin is lid van die Gereformeerde Kerke (Vrygemaak).
Publikasies[wysig | wysig bron]
- Nieuw Babylon in aanbouw: Nederland in de jaren zestig (Amsterdam, Boom, 1995, stelling, vertaling uit die Engels: Building new Babylon: cultural change in the Netherlands during the 1960s, 1995)
- History of the Low Countries (New York, Berghahn Books, 1999, bewerkte vertaling uit die Nederlands: Geschiedenis van de Nederlanden, Hans Blom en Emiel Lamberts, 1993)
- Een weloverwogen dood. De opkomst van de euthanasie in Nederland (Amsterdam, Bakker, 2002)
- Bezielende verbanden. Gedachten over religie, politiek en maatschappij in het moderne Nederland (Amsterdam, Bakker, 2009)
- Stad op een berg. De publieke rol van protestantse kerken (Zoetermeer, Boekencentrum Uitgevers, 2010)
- Een beknopte geschiedenis van Nederland (Amsterdam, Prometheus, 2017, vertaling uit die Engels: A concise history of the Netherlands (Cambridge, Cambridge University Press, 2016)
- Gescheiden partners: een geschiedenis van overheid en religieuze organisaties in Nederland, met Mart Rutjes (Amsterdam, Prometheus, 2022)
Bronne[wysig | wysig bron]
- Die gelyknamige artikel op die Nederlandse Wikipedia.
