Janine Jansen

in Wikipedia, die vrye ensiklopedie
Janine Jansen
Agtergrondinligting
Gebore7 Januarie 1978 (1978-01-07) (46 jaar oud)
Soest, Nederland
GenresKlassiek
Beroep(e)Violis
InstrumenteViool
Jare aktief2001–huidig

Janine Jansen (Nederlands:ʒɑnine jɑnsən); (gebore op 7 Januarie 1978 in Soest in Nederland) is 'n violis en altvioolspeler.

Opnames[wysig | wysig bron]

Janine Jansen tydens 'n konsert met die Deutsche Kammerphilharmonie Bremen

Met ingang Januarie 2006 het Jansen twee hoofstroom CDs (een is ook 'n hibriede SACD) opgeneem. Die eerste is 'n versameling van encorestukke wat deur Barry Wordsworth gedirigeer is, die tweede is 'n kamerorkes weergawe van Vivaldi se Vier Seisoene. Haar Vivaldi opname in besonder het groot sukses behaal in terme van verkope gemaak deur die aflaai van die opname vanaf die internet af.[1]

In Oktober 2006 het sy haar derde plaat vrygestel. Hierdie CD bevat die Mendelssohn en Bruch Vioolconcertos saam met Bruch se Romanse vir Altviool met Riccardo Chailly as dirigent saam met die Leipzig Gewandhaus Orkes.

In 2007 het sy haar vierde plaat vrygestel, te wete Bach: Inventions & Partita.[2]

In 2008 het sy 'n lewendige sessie opgeneem vir die iTunes musiekwinkel, bestaande uit Bach se "Trio Sonate in G Majeur" en "Sonate vir Viool en Klawesimbel No. 6 In G Majeur".

In 2009 het Jansen haar opname van die Beethoven en Britten Vioolconcertos vrygestel. Beethoven se musiek was opgeneem saam met die Deutsche Kammerphilharmonie Bremen, en Britten se musiek saam met die London Simfonieorkes. Beide orkeste was deur Paavo Järvi gedirigeer. Jansen het gesê dat die opneem van hierdie concertos 'n groot begeerte was, aangesien sy die twee werke as die beste concertos in die huidige repertoire beskou.[3]

Op 29 Desember 2010 het Jansen saam met Mischa Maisky en Hannes Minnaar Antonín Dvořák se Klaviertrio in e mineur, Op.90 'Dumky' tydens die Internationaal Kamermuziekfestival Utrecht, Vredenburg, gespeel.[4]

Jansen is sedert 1998 'n lid van die kamermusiek reeks Spectrum Concerts Berlin. Verskeie CDs met Spectrum is al op die NAXOS plate-etiket vrygestel, te wete: Ernő Dohnányi - Serenade vir Stryktrio en die Sekstet (Nr. 8.557153) Robert Helps - Klavierkwartet, Postlude en Nokturne (Nr. 8.559199) en John Harbison - Four Songs of Solitude, Variations and Twilight Music (Nr. 8.559173).

In 2010 het sy haar eerste opvoering vir viool en klavier opgeneem met Itamar Golan, wat die volgende jaar deur Decca uitgereik is. Sy het 'n Franse repertoire gekies, wat haar wonderlike en gesofistikeerde klank uitgebring het. Bykomend tot Debussy en Ravel se sonates vir viool en klavier en ander stukke vanuit die Franse 20ste eeuse repertoire het sy ook werke deur Richard Dubugon opgeneem, wat die werke vir Jansen gekomponeer het.

In 2012 het Jansen 'n CD opgeneem wat aan Prokofiëf se musiek gewys is en kamermusiek met konsertmusiek kombineer. Daarin het sy saam met die Londen Filharmoniese Orkes wat deur Vladmir Jurowski gedirigeer is Prokofiëf se concerto vir viool en orkes n. 2; saam met haar kollega Boris Brovtsyn die Sonate vir Twee Viole in C majeur van Prokofiëf en laastens, met Itamar Golan by die klavier, Mendelssohn se vioolsonate in F mineur gespeel.

Jansen het ook 'n CD bestaande uit kamermusiek met die violis Boris Brovtsyn, die altvioolspelers Amihai Grosz en Maxim Rysanov en die tjelliste Torleif Thedéen en Jens Peter Maintz opgeneem. Die CD bevat die komposisie Verklärte Nacht (vir stryksekstet) deur Schoenberg in sy oorspronklike vorm asook die strykkwintet in C majeur deur Schubert. Die CD was op 1 April 2013 deur Decca uitgereik.

In Junie 2013 het Jansen haar tweede album wat geheel en al aan die musiek van Bach gewys is opgeneem. Sy het Bach se concertos vir viool in A mineur en in E majeur met 'n klein ensemble van spelers wat deur haarself gekies is, opgeneem (strykinstrumente: Boris Brovtsyn, Cindy Albracht, Fredrik Paulsson, Julia-Maria Kretz, Tijmen Huisingh, Monika Urbonaite, Nimrod Guez, Pauline Sachse, Maarten Jansen, Rick Stotijn; klavesimbel: Jan Jansen) en die concerto for viool en hobo saam met die solis Ramón Ortega Quero. Sy het twee sonates vir viool en klavesimbel bygevoeg wat saam met haar vader, Jan Jansen opgeneem is.(die 3de in E majeur en die 4de in C mineur)

Verwysings[wysig | wysig bron]

  1. Michael Church (4 April 2006). "Janine Jansen: Queen of the download". The Independent (in Engels). Geargiveer vanaf die oorspronklike op 12 Julie 2019. Besoek op 12 Julie 2019.
  2. "Bach Inventions and Partitas". Gramophone.
  3. "argiefkopie". Geargiveer vanaf die oorspronklike op 20 Oktober 2013. Besoek op 19 Julie 2019.
  4. Antonin Dvorak's Piano Trio in e minor, op.90 'Dumky' op YouTube

Eksterne skakels[wysig | wysig bron]