Sergei Prokofiëf

in Wikipedia, die vrye ensiklopedie
Spring na: navigasie, soek
Sergei Prokofiëf
Sergei Prokofiev circa 1918 over Chair Bain.jpg
Sergei Prokofiëf in New York, 1918
Geboortenaam Sergei Sergejewitsj Prokofiëf
Geboorte (1891-04-27)27 April 1891
Sontsowka, Donetsk-oblast, Oekraïne, Russiese Ryk
Afsterwe 5 Maart 1953 (op 61)
Moskou, Sowjetunie
Beroep(e) Komponis, pianis en dirigent
Genre(s) Opera, simfonie en ballet
Instrument(e) Piano
Webwerf sprkfv.net
Portal.svg Musiekportaal

Sergei Sergejewitsj Prokofiëf of Sergei Sergeyevich Prokofiev (Russies: Сергей Сергеевич Прокофьев; 27 April 1891 – 5 Maart 1953) was ’n Sowjetse komponis, pianis en dirigent. As die skepper van meesterstukke in verskeie genres, word hy beskou as een van die grootste komponiste van die 20ste eeu. Sy werk sluit in Pieter en die Wolf, die ballet Romeo en Juliet en die klankbaan vir Sergei Eisenstein se rolprent Alexander Nevsky.

Van die talle werke wat hy in verskillende genres voltooi het, is sewe voltooide operas, sewe simfonieë, agt ballette, vyf klavierkonserte, twee vioolkonserte, ’n tjellokonsert, ’n simfoniekonsert vir die tjello en orkes, en nege voltooide klaviersonates.

Loopbaan[wysig | wysig bron]

Prokofiëf het aan die Sint Petersburgse Konservatorium studeer en het aanvanklik naam gemaak as ’n komponis-pianis. Van sy vroeë werke sluit twee klavierkonserte in. Sy balletmusiek vir veral Sergei Diaghilev van die Ballets Russes het ’n sensasie onder sowel resensente as kollegas veroorsaak. Sy groot belangstelling was egter opera en hy het verskeie operas voltooi.

Ná die Russiese Rewolusie van 1917 het Prokofiëf Rusland verlaat en eers in die VSA, toe Duitsland en eindelik in Parys gewoon waar hy ’n komponis, pianis en dirigent was. In dié tyd is hy met die Spaanse sangeres Carolina Codina getroud, by wie hy twee seuns gehad het. In die vroeë 1930's was daar weens die Groot Depressie ’n afname in die aanvraag na sy ballette en operas in Amerika en Wes-Europa. Prokofiëf, wat homself as eerstens ’n komponis beskou het, het nie gehou van die idee om as pianis rond te reis nie en het al hoe meer na die Sowjetunie teruggekeer vir kommissies vir nuwe musiek. In 1936 het hy eindelik finaal saam met sy gesin na Rusland teruggekeer. Dis in dié tyd dat hy Pieter en die Wolf, Romeo en Juliet en Alexander Nevsky gekomponeer het.

Eksterne skakels[wysig | wysig bron]