Jemrehana Krestos

in Wikipedia, die vrye ensiklopedie
Jump to navigation Jump to search
Jemrehana Krestos
Dinastie Zagwe-dinastie
Bewind 11de eeu
Voorganger Germa Sejoem
Opvolger Kedoes Harbe

Jemrehana Krestos (wat "Abraham" genoem is deur die Portugese sendeling Francisco Álvares) was negus (koning) van Ethiopië en ’n lid van die Zagwe-dinastie.

Bewind[wysig | wysig bron]

Volgens die Ethiopiese historikus Taddesse Tamrat was hy die seun van Germa Sejoem, die broer van Tatadim. Die Italiaanse geleerde Carlo Conti Rossini het egter in 1902 ’n dokument gepubliseer waarvolgens Jemrehana Krestos die opvolger van Na'akueto La'ab was en self deur Jetbarak opgevolg is.[1]

Tamrat beskryf hom as die Ethiopiese koning wat die naaste aan ’n priester was en noem dat hy daarop aangedring het om die land volgens die Apostoliese kanons te regeer.[2] Francisco Alvarez skryf dit was Jemrehana Krestos wat die tradisie begin het om mededingende erfgename van die troon by Amba Geshen te laat opsluit.[3]

Verwysings[wysig | wysig bron]

  1. Aangehaal in E.A. Wallis Budge, A History of Ethiopia: Nubia and Abyssinia, 1928 (Oosterhout, Nederland: Anthropological Publications, 1970), p. 277
  2. Taddesse Tamrat, Church and State in Ethiopia (Oxford: Clarendon Press, 1972), p. 61 n.3.
  3. Francisco Alvarez, The Prester John of the Indies vertaal deur C.F. Beckingham en G.W.B. Huntingford (Cambridge: Hakluyt Society, 1961), hoofstuk 59.

Skakels[wysig | wysig bron]