Kaag en Braassem

in Wikipedia, die vrye ensiklopedie
Question book-4.svg Hierdie artikel bevat nie ’n bronnelys nie, wat beteken dat die inhoud nie geverifieer kan word nie.
Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg.

Kaag en Braassem is 'n munisipaliteit in die noorde van die Nederlandse provinsie Zuid-Holland. Dit is op 1 Januarie 2009 gestig uit die ou munisipaliteite Jacobswoude en Alkemade. Dit het sowat 28 000 inwoners (2022) en 'n oppervlakte van sowat 72 km². Die munisipaliteit is landelik en die landskap bestaan grotendeels uit polders. Soos Teylingen is die munisipaliteit bekend om watersport en dit bevat die Braassemermeer en die Kaag saam met 'n oostelike deel van die Kagerplassen. Dit het ook die riviere die Rijpwetering, die Woudwetering, die Does en die Kromme Does, die Wetering en die Drecht en grens aan die Ringvaart. Ook die hoofpad A4 en die hoëspoedspoorlyn Hogesnelheidslijn loop daardeur. Dit grens aan die munisipaliteite Teylingen, Leiderdorp, Alphen aan den Rijn en Nieuwkoop, en Haarlemmermeer in Noord-Holland. Dit lê in die noordweste van Leiden.

Die grootste dorp is Roelofarendsveen, wat aan Oude Wetering grens en dig by Nieuwe Wetering lê. Baie inwoners werk buite die munisipaliteit, maar watertoerisme, ligte industrie, veeteelt en kweekhuistuinbou (veral rondom Roelofarendsveen) is ekonomies belangrike besighede. Die polders word as waardevolle erfgoed beskou. Die munisipaliteit het ook dertien windmeule.

Geskiedenis[wysig | wysig bron]

Die munisipaliteit het moerassige grond en die gebied het voor die einde van de vroeë Middeleeue nie veel inwoners gehad nie. Sedert die tiende eeu word die gebied bewoon, met ontginninge vir meer land in die dorpe Leimuiden en Rijnsaterwoude. Hierdie dorpe en Woubrugge het al kerke in 1063 gehad. Middeleeuse bronne noem vervolgens eers Hoogmade in 1252, Kaag op Kaageiland in 1308 en Oude Wetering, Nieuwe Wetering en Rijpwetering in 1342. Roelofarendsveen ontstaan daarna in die Middeleeue. Ook was daar 'n verdwene dorp Jacobswoude in die teenswoordige Vierambachtspolder gewees, wat deur grondherwinning 'n eiland geword het, wat toe verlaat is. Dis bekend dat die burggraaf van Leiden die "heerlijkheid van Alkemade", 'n gebied grotendeels in die huidige munisipaliteit, in 1290 aan Dirk van Alkemade verkoop het. Die latere munisipaliteit verwys na hom. Belangrike ekonomiese besighede was toe grondwinning, landbou, veeteelt en, veral vir Oude Wetering, Leimuiden, Rijpwetering, Nieuwe Wetering en Woubrugge, skeepsvaart.

Die gebied bly oorwegend Katoliek in die sestiende eeu, maar die kerke in Leimuiden, Rijnsaterwoude en Woubrugge word Hervormd. In Oude Wetering bou eers die Remonstrante rond 1645 'n schuilkerk en dan in 1691 voltooi die Hervormers hul eie kerk. Die dorpie Oud Ade bestaan in 1731 uit slegs drie plase. Dit brei verder uit toe dit in 1845 'n kerk bykry. Die argitek was Theo Molkenboer.

Topografie[wysig | wysig bron]

Gem-KaagenBraassem-OpenTopo.jpg

Topografiese kaart van die Kaag en Braassem munisipaliteit, Junie 2015

Bekende boorlinge[wysig | wysig bron]

Plekke[wysig | wysig bron]

Dorpe[wysig | wysig bron]

  • Roelofarendsveen
  • Leimuiden
  • Oude Wetering
  • Woubrugge
  • Hoogmade
  • Rijpwetering
  • Rijnsaterwoude
  • Oud Ade
  • Nieuwe Wetering
  • Kaag

Gehuggies[wysig | wysig bron]

  • Bilderdam (grootste deel lê in Kaag en Braassem en val onder Leimuiden)
  • Ofwegen (val onder Woubrugge)
  • Vriezekoop (val onder Leimuiden)
  • Zevenhuizen (val onder Oud Ade)

Galery[wysig | wysig bron]