Dordrecht, Nederland

in Wikipedia, die vrye ensiklopedie
Spring na: navigasie, soek
Dordrecht
Dordtse gevels in die Hoofstraat
Dordtse gevels in die Hoofstraat
Official Vlag van Dordrecht
Vlag
Ligging van Dordrecht-munisipaliteit in Suid-Holland
Ligging van Dordrecht-munisipaliteit in Suid-Holland
Koördinate: 51°48′00″N 4°40′00″O / 51.80000°N 4.66667°O / 51.80000; 4.66667
Land Vlag van Nederland Nederland
Provinsie Flag Zuid-Holland.svg Suid-Holland
Regering
 - Burgemeester Arno Brok (VVD)
Oppervlak
 - Munisipaliteit 99,45 km²  (38,4 vk m)
 - Land 79,12 km² (30,5 vk m)
 - Water 20,33 km² (7,8 vk m)
Bevolking (1 Februarie 2012)
 - Munisipaliteit 118 902
 - Digtheid 1 503/km² (3 892,8/myl2)
Poskode 3300-3329
Skakelkode(s) 078
Webwerf: www.dordrecht.nl

Dordrecht is 'n stad in Nederland met 'n oppervlakte van 99,45 km² en 119 009 inwoners (31 Maart 2015, bron: CBS). Die stad is geleë in die provinsie Suid-Holland en is die oudste stad van Holland. Die stad is met sy inwoners die vyfde grootste munisipaliteit van die Nederlandse provinsie Suid-Holland. Die metropolitaanse agglomerasie Drechtsteden, waarvan Dordrecht deel is, is met ongeveer 280 000 inwoners die 9de grootste in Nederland. Die stad lê op die plek waar die Merwede-rivier in die Noord en die Oude Maas verdeel. Die munisipaliteit Dordrecht sluit die hele Eiland van Dordrecht in. Die inwoners van Dordrecht noem hul stad meestal Dordt. Dordrecht beskik oor 4 polisiestasies, 2 brandweerkasernes, 2 hospitale en 'n gevangenis (Gevangenis Dordrecht).

Dordrecht is vir die eerste keer in 'n teks uit die twaalfde eeu vermeld, toe die stad nog as Thuredrech aangewys is, en het in 1220 stadsregte gekry. In die Middeleeue ontwikkel die stad as belangrike handelstad en bergplek en was dit een van die ses grootste stede van Holland. Later het die belang van die stad afgeneem, maar die middestad herinner nog altyd aan hierdie ryk verlede.

Arno Brok (VVD) is sedert Februarie 2010 burgemeester van Dordrecht. Hy volg Ronald Bandell (PvdA) op, wat sedert 2000 burgemeester was.

Dordrecht beskik oor 'n professionele sokkerspan: FC Dordrecht, wat in die Eerste divisie meeding.

Dordrecht is sedert 23 Maart 2006 'n susterstad van die Oos-Kaapse dorp Dordrecht.