Kaliumdichromaat

Eienskappe

Algemeen
Naam	Kaliumdichromaat
Struktuurformule van
Chemiese formule	K2Cr2O7
Molêre massa	294,18 g/mol
CAS-nommer	7778-50-9
Voorkoms	Oranje vastestof
Reuk	geen
Fasegedrag
Selkonstantes	a=1336.7 pm; b=737,6pm; 744,5 pm; α=90,75°; β=96,21°; γ=97,96°
Ruimtegroep	P1
Nommer	2
Smeltpunt	398 °C
Kookpunt	>500 °C (ontbind)
Digtheid	2,680 [g/cm3] @20 °C
Oplosbaarheid	ong. 29,4 [g/L] @20 °C
Suur-basis eienskappe
pKa
Veiligheid
Flitspunt	onbrandbaar
LD50	90,5 [mg/kg] (Rot; oraal)
Tensy anders vermeld is alle data vir standaardtemperatuur en -druk toestande.
Portaal Chemie

Kaliumchromaat is 'n sout van kalium en dichroomsuur met formule K₂Cr₂O₇. Chroom is hier in sy hoogste oksidasietoestand Cr(VI). Die stof is 'n sterk oksideermiddel en dit is baie korrosief, toksies en kankerverwekkend.

Kristalstruktuur

Teen kamertemperatuur het die sout 'n trikliniese struktuur met kaliumione omring deur 8-9 suurstofatome wat behoort aan haltervormige dichromaatione Cr₂O2−7 wat bestaan uit twee CrO₄-tetraëders wat een suurstof atoom deel. Die twee tetraëders is amper in 'n eklipskonformasie. Haltervormige M₂O₇-eenhede is ook bekend van sorosilikate en pirofosfate soos β-Ca₂P₂O₇ en Na₄P₂O₇.10H₂O.

Chemiese eienskappe

Kaliumdichromaat is 'n sterk oksiedasiemiddel. Met 'n reduktor soos swael gee dit chroom(III)oksied:

$K_{2}Cr_{2}O_{7}(s)+S(s)\rightarrow K_{2}SO_{4}+Cr_{2}O_{3}(s)$

Reduksie met SO₂ van 'n oplossing van kaliumdichromaat en swawelsuur gee chroomaluin:

$K_{2}Cr_{2}O_{7}(aq)+H_{2}SO_{4}(aq)+SO_{2}(g,aq)\rightarrow 2KCr(SO_{4})_{2}+H_{2}O$

Kaliumdichromaat kan verkry word deur swawelsuur by 'n oplossing van kaliumchromaat te voeg:

$2K_{2}CrO_{4}+H_{2}SO_{4}\rightarrow K_{2}SO_{4}+K_{2}Cr_{2}O_{7}$

Die reaksie kan opgekeer word deur loog by te voeg:

$K_{2}Cr_{2}O_{7}+2KOH\rightarrow 2K_{2}CrO_{4}+H_{2}O$

Aanwendings

Kaliumdichromaat word saam met wolfram en yster in vuurwerk gebruik. Dit word as preserveermiddel vir hout aangewend en vir die sintese van kleurstowwe gebruik.