Kaliumheksasianoferraat(II)

Eienskappe

Algemeen
Naam	Kaliumheksasianoferraat(II)
Struktuurformule van
Chemiese formule	K4Fe(CN)6.3H2O
Molêre massa	422,4 g/mol (trihidraat)
CAS-nommer	13943-58-3 (watervry) of 14459-95-1 (trihidraat)
Voorkoms	Geel vastestof
Reuk	Reukloos
Fasegedrag
Smeltpunt	70 °C
Kookpunt	ontbind ~600 °C
Digtheid	1,850
Oplosbaarheid	oplosbaar
Suur-basis eienskappe
pKa
Veiligheid
Flitspunt	geen
LD50	3 613[mg/kg] (rot; oraal)
Tensy anders vermeld is alle data vir standaardtemperatuur en -druk toestande.
Portaal Chemie

Kaliumheksasianoferraat(II) (ook: kaliumferrosianied of geelbloedsout) is 'n stof van kalium en die komplekse ioon Fe(CN)4−6 wat yster in sy oksidasietoestand +2 bevat. Die sout het die chemiese formule K₄Fe(CN)₆.

Dit word verhandel as sy trihidraat en is ook bekend onder sy goedgekeurde Europese voedseladditiefnommer: E536.

Die stof is vroeër verkry deur dierlike afval soos bloed, vel, horings ens te verhit. Die verkoolde massa word gegloei met potas en ysterpoeier. Hierby bind die swael in die proteïene aan yster en word KCN gevorm, wat met nog yster die sianoferraat vorm wat dan uitgeloog word. Hierdie sout word ook geelbloedsout genoem.

Termogravimetrie

Die stof is stabiel tot ~600 °C waarna dit ontbind.

Gebruike

'n Belangrike aanwending wat reeds in die 18de eeu op industriële skaal gekommersialiseer is, is die vorming van die kleurstof Pruisiese blou. Dit berus op die vorming van 'n gemengdevalensieverbinding indien 'n oplossing van die Fe²⁺(CN)₆-ioon bygevoeg word aan 'n oplossing wat die Fe³⁺-ioon bevat:

$Fe^{3+}(aq)+Fe(CN)_{6}^{-4}\rightarrow Fe^{III}Fe^{II}(CN)_{6}\downarrow$

Hierdie gemengdevalensieverbinding het 'n intense blou kleur.

Hierdie reaksie word ook in die oenologie aangewend om die helderheid van wyne te verbeter en yster en koper uit die wyn te verwyder. In die Verenigde State is dit teen die wet, omdat gevrees word dat dit aanleiding tot toksisiteit van sianied kan gee. Die ferrosianied self is nie baie toksies nie. In Frankryk het hieroor baie debat gewees, maar hulle staan dit vir wit en rosé wyne toe.