Karetseeskilpad
| Karetseeskilpad | |
|---|---|
 | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Superfamilie: | |
| Familie: | |
| Genus: | Caretta Rafinesque, 1814 |
| Spesie: | C. caretta |
| Binomiale naam | |
| Caretta caretta (Linnaeus, 1758 | |
 | |
| Verspreiding | |
Die karetseeskilpad (Caretta caretta) is 'n seeskilpad wat oor die hele wêreld versprei voorkom. Dit is 'n mariene reptiel wat tot die familie Cheloniidae behoort. Hulle leef in vlak kuswater en subtropiese strande.
Die gemiddelde karetskilpad meet ongeveer 900 mm in karapakslengte wanneer dit volgroeid is. Die volwasse karetskilpad weeg ongeveer 135 kg, met die grootstes wat ongeveer 200 kg weeg. Die vel wissel van geel tot bruin van kleur, en die dop is tipies rooibruin. Geen eksterne verskille in geslag word gesien totdat die skilpad 'n volwassene word nie, die mees voor die hand liggende verskil is dat die volwasse mannetjies dikker sterte en korter onderste doppe as die wyfies het.
Verspreiding en voortplanting
[wysig | wysig bron]
Die karetskilpad word in die Atlantiese, Stille en Indiese Oseane, sowel as die Middellandse See, aangetref. Dit bring die grootste deel van sy lewe in soutwater- en riviermondinghabitatte deur, met die wyfie wat vir kort periodes aan wal kom om haar eiers te lê. Die karetskilpad het 'n lae voortplantingstempo; wyfies lê gemiddeld vier eierbroeisels en gaan dan in rus, en produseer geen eiers vir twee tot drie jaar nie. Die karetskilpad bereik seksuele volwassenheid binne 17-33 jaar en het 'n lewensduur van 47-67 jaar.
Voeding
[wysig | wysig bron]Die karetskilpad is 'n omnivoor en voed hoofsaaklik op bodemlewende ongewerweldes. Sy groot en kragtige kake dien as 'n effektiewe instrument om sy prooi te ontmantel. Jong karetskilpaaie word deur talle roofdiere uitgebuit; die eiers is veral kwesbaar teen landorganismes. Sodra die skilpaaie volwassenheid bereik, beperk hul formidabele grootte predasie teen groot seediere, soos groot haaie.
Dit is 'n groot skilpad met 'n skerp papegaaiagtige bek. Die volwassenes het 'n gladde dop maar die onvolwassenes het gekielde skubbe. Die onvolwassenes dryf die eerste jaar van hulle lewe op die see rond en vreet meestal bloublasies. Die volwassene vreet krappe, seekastaiings en weekdiere.
Bron
[wysig | wysig bron]- Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0
- ↑ Marine Turtle Specialist Group (1996) Caretta caretta In: IUBN 2009. IUBN Rooi Lys van Bedreigde Spesies. Weergawe 2009.2. www.iucnredlist.org Verkry op 18 Mei 18, 2010.
- ↑ Seaturtles: Cheloniidae – Loggerhead Turtle (Caretta caretta): Species Accounts animals.jrank.org
Eksterne skakels
[wysig | wysig bron]
Wikispecies het meer inligting verwant aan Karetseeskilpad
Wikimedia Commons het meer media in die kategorie Karetseeskilpad.
