Kaukasiese tale
| Kaukasiese tale Ibero-Kaukasiese tale
| |
|---|---|
| Geografiese verspreiding: |
Kaukasus |
| Genetiese klassifikasie: |
Voorgestelde taalfamilie Kaukasiese tale |
| Onderafdelings: | |
Taalfamilies in die Kaukasusstreek | |
Die term Kaukasiese tale verwys na tale wat in die Kaukasusgebied gepraat word. Die Kaukasus staan ook bekend as die "berg van tale". In die Kaukasus word sowat 40 tale deur altesaam nege miljoen mense gebesig.
Die term "Kaukasiese tale" word veral in 'n geografiese samehang gebruik en is nie 'n taalkundige term nie. Die Georgiese taalkundige Arnold Chikobawa het wel 'n Ibero-Kaukasiese taalfamilie voorgestel, alhoewel dit algemeen verwerp is. Die inheemse Kaukasiese tale behoort aan drie aparte taalfamilies wat geen onderlinge genetiese verwantskap toon nie:
- Kartweliese of Suid-Kaukasiese tale (waaronder Georgies),
- Noordwes-Kaukasiese of Abchaz-Adigiese tale (waaronder Awaars, Ingoesjeties en Tsjetsjnies),
- Noordoos-Kaukasiese of Nacho-Dagestanse tale (waaronder Abazyns, Abchasies, Adigies en Kabardies).
Die laasgenoemde twee taalfamilies behoort dalk aan 'n gemeensame taalfamilie, die Noord-Kaukasiese tale. Die Kaukasiese tale behels dalk ook drie uitgestorwe tale: Hatties, Hurrities en Urarteïes.
In die Kaukasus word ook ander tale gebesig wat aan ander taalfamilies behoort soos die Indo-Europese Osseties en die Turkse Karatsjai-Balkaries. Na hierdie tale word oor die algemeen nie as "Kaukasies" verwys nie.
Bronne
[wysig | wysig bron]- (en) George Hewitt: Introduction to the study of the languages of the Caucasus. LINCOM EUROPA, München 2004. ISBN 3-89586-734-9
Eksterne skakels
[wysig | wysig bron]
Wikimedia Commons het meer media in die kategorie Kaukasiese tale.- (en) "Caucasian languages". Encyclopædia Britannica. Besoek op 22 Augustus 2020.
