Langvin-kurper

in Wikipedia, die vrye ensiklopedie
Jump to navigation Jump to search
Langvinkurper
Bewaringstatus

Status iucn3.1 LC af.svg
Veilig (IUBN 3.1)

Wetenskaplike klassifikasie
Domein: Eukaryota
Koninkryk: Animalia
Filum: Chordata
Subfilum: Vertebrata
(Cuvier, 1812)
Infrafilum: Gnathostomata
Superklas: Osteichthyes
(Huxley, 1880)
Klas: Actinopterygii
Subklas: Neopterygii
Infraklas: Teleostei
Superorde: Acanthopterygii
Orde: Perciformes
Familie: Cichlidae
Subfamilie: Pseudocrenilabrinae
Genus: Serranochromis
(Regan, 1920)[1]
Spesie: S. longimanus
Binomiale naam
Serranochromis longimanus
(Boulenger, 1911)[2]

Die Langvinkurper (Serranochromis longimanus) is 'n varswatervis wat voorkom in die Okavangodelta en boonste gedeelte van die Zambezirivier. In Engels staan die vis bekend as die Longfin largemouth of die Longfin largemouth bream.

Voorkoms[wysig | wysig bron]

Die Langvinkurper se kop is gepunt met groot en bek. Daar is twee rye tande in die bokaak en die tandplaat is lank en dun met skerp tande.

Die vis het 'n ovaal vorm en kenmerkende kleur. Die agtergrond is silwerig-wit en daar is groot swart vlekke op die kop, 5-6 vertikale strepe oor die lyf en die vinne is dof met ligter kolle op.

Die rugvin is lank en besonder hoog. Die stertvin is rond. Die anale vin van die mannetjie het donker rooi oogvlekke op. Die buikvinne is lank en raak die anale vin. Die borsvinne is baie lank en raak die anale vin maklik en is 33-40% van die liggaamslengte (van die snoet tot voor die stert).

Die skubbe is grof en daar is 35 op die systreep.

Langvinkurpers word tot 30 cm lank.

Habitat[wysig | wysig bron]

Langvinkurpers is uiters skaars en leef in permanente vloedvlakte mere en stiller waters met goeie waterplantbedekking.

Hulle is veral gedurende die nag aktief en vreet klein vissies en insekte. Hulle kan aangekeer word met erdwurms of kunsaas soos klein swaailemme.

Identifikasie[wysig | wysig bron]

Die langvinkurper word maklik met die perskop-kurper verwar. Die groot verskil waaraan hy dan uitgeken word is sy lang vinne, veral die borsvinne wat maklik by die begin van die anale vin verby moet steek.

Sien ook[wysig | wysig bron]

Eksterne skakel[wysig | wysig bron]

Bron[wysig | wysig bron]

Verwysings[wysig | wysig bron]

  1. Regan, C. T. 1920. The classification of the fishes of the family Cichlidae.--I. The Tanganyika genera. Ann. Mag. Nat. Hist. (Ser. 9) v. 5 (núm. 25): 33-53.
  2. BioLib (en)