Leopold III van België

in Wikipedia, die vrye ensiklopedie
Leopold III van België
Koning van België
Leopold III van België in 1934
Leopold III van België in 1934
Vorstehuis Huis van Sakse-Koburg en Gotha
Titels Koning van België
Regeer 23 Februarie 193416 Julie 1951
Voorganger Leopold II
Opvolger Boudewyn
Volle naam Nederlands: Leopold Filips Karel Albert Meinrad Hubertus Maria Miguel
Frans: Léopold Philippe Charles Albert Meinrad Hubert Marie Miguel
Gebore 3 November 1901; Brussel, België
Oorlede 25 September 1983; Sint-Lambrechts-Woluwe, België
Eggenoot Astrid van Swede
Lilian Baels
Kinders Josephine-Charlotte, Groothertogin van Luxemburg
Boudewyn
Albert II
Prins Alexander
Prinses Marie-Christine
Prinses Maria-Esmeralda
Vader Albert I
Moeder Elisabeth van Beiere

Leopold III van België (3 November 190125 September 1983) was koning van België en die seun van Albert I van België. Hy is in Brussel gebore en het sy vader in 1934 as koning opgevolg. Hy was met prinses Astrid van Swede getroud en hulle het drie kinders gehad. Sy sterf in 'n motorongeluk in Switserland in 1935.

Die groei van die Fascistiese Party in België en die Duitse herbesetting van die Rynland in 1936 veroorsaak dat hy 'n politieke beleid van neutraliteit volg. Hy verbreek sy verdedigingsooreenkoms met Frankryk in 1936 en versterk Belgiese verdedigingslyne op sy grense. Die stappe blyk in elk geval vrugteloos te wees, want agt maande na die uitbraak van die Tweede Wêreldoorlog val die Duitse Magte sy land in en op 28 Mei 1940 beveel hy sy weermag om oor te gee. Hy word gevange gehou deur die Duitsers van 1940 tot 1944.

Terwyl Leopold gevangene gehou is het die Belgiese regering sy broer, prins Charles, as regent aangestel. Gedurende Maart 1950 word 'n referendum gehou oor die koning se heraanstelling as koning, waar 57.68% van die inwoners daarvoor te vinde is. Hy aanvaar dit as goedkeuring om weer te regeer, maar na aanvaarding van die verantwoordelikheid kom Leopold agter dat die Belgiese burgers grootliks verdeeld is oor sy aanstelling en hy besluit om te abdikeer. Hy word opgevolg deur sy seun Boudewyn op 16 Julie 1951. Gedurende 1957 help hy die Belgiese regering in 'n ondersoek om wetenskaplike vordering te gebruik om die Belgiese ekonomie en sosiale lewenstyl te verbeter.

Bron[wysig | wysig bron]

  • Collier's Encyclopedia, Crowell-Collier Educational Corporation, Volume 14, Bladsy 513.