Lisjt

in Wikipedia, die vrye ensiklopedie
Lisjt
Die ruïne van Amenemhet I se piramide by Lisjt.
Die ruïne van Amenemhet I se piramide by Lisjt.
Koördinate 29°34′13″N 31°13′52″O / 29.57028°N 31.23111°O / 29.57028; 31.23111Koördinate: 29°34′13″N 31°13′52″O / 29.57028°N 31.23111°O / 29.57028; 31.23111
Plaaslike naam  اللشت
Land Vlag van Egipte Egipte
Soort Dodeakker
Geskiedenis
Tydperk 12de en 13de Dinastie (Middelryk)
Uitgrawings Sedert 1882

Lisjt (Arabies: اللشت), ook Lisht of el-Lisht, is ’n Egiptiese dorp suid van Kaïro en ’n dodeakker van farao's uit die Middelryk van Egipte. Dit sluit twee konings se piramides in: Amenemhat I en Senoesret I. Hulle is omring deur kleiner piramides vir lede van die koninklike familie en baie mastabas van amptenare en hul familielede. Die grafkelders is tydens die 12de en die 13de Dinastie opgerig.

Die terrein is ook bekend vir die grafkelder van Senebtisi, wat ongeskonde ontdek is en ’n stel juweliersware bevat het. Die piramide van Senoesret I is die bes bewaarde een uit dié tydperk.

Itjtawy[wysig | wysig bron]

Die terrein, sowat halfpad tussen Dahsjoer en Meidoem en sowat 100 km suid van Kaïro, is dalk in die omgewing van die antieke stad Itjtawy (waarvan die presiese ligging nie bekend is nie), wat die hoofstad van Egipte was tydens die 12de Dinastie.

Amenemhet I het die hoofstad in 2000 v.C. van Thebe na die geheimsinnige stad Itjtawy geskuif omdat dit naby die oase Fajoem was. Kort hierna het hy sy piramide begin bou. Dit is in die noordelike deel van die dodeakker.

Uitgrawings[wysig | wysig bron]

Die eerste uitgrawings by Lisjt het in 1882 plaasgevind onder leiding van die Franse Egiptoloog Gaston Maspero. Ná nog uitgrawings tussen 1884 en 1885, is die werk in 1906 oorgeneem deur die Metropolitan-kunsmuseum in New York. Die museum is steeds op die terrein aktief.

Eksterne skakels[wysig | wysig bron]