Lucas Cranach die Ouere

Lucas Cranach die Ouere

Duitse skilder

Kunsstroming
Duitse Renaissance

Beduidende werke

Portrette van Martin Luther

Die Goue Tydperk

Handtekening

Lucas Cranach die Ouere (* omstreeks 1472 in Kronach, Oberfranken as Lucas Müller of Lucas Sunder - Cranach as van verwys na sy geboortestad wat destyds as Kranach of Cranach gespel is; † 16 Oktober 1553 in Weimar) was een van die beduidendste Duitse skilders en grafiese kunstenaars van die Renaissance wat hom ook as boekdrukker, politikus (raadslid en burgemeester) en sakeman bekwaam het - onder meer deur sy eie kunswerke suksesvol te bemark.^[1]^[2] Hiervoor het sy eie handelsmerk ontwerp wat aan die onderkant van al sy sowat 500 werke verskyn - 'n klein slang met twee vlermuisvleuels, 'n robynring in sy mond en 'n kroon op sy kop. Vanaf 1505 het hy as hofskilder aan die keurvorstelike Saksiese hof onder Frederik III, Johan van Sakse en Johan Frederik I gedien.

Ter geleentheid van Lucas Cranach die Ouere se 500ste verjaardag het die Duitse Demokratiese Republiek 'n 20 Mark-muntstuk uitgereik wat die kunstenaar se befaamde slang-handelsmerk wys

Naas 'n groot verskeidenheid altaarkunswerke en allegoriese skilderye het Cranach en sy medekunstenaars in sy ateljee ook talle portrette van sy werkgewers asook van die hervormers Martin Luther en Philipp Melanchthon. Die Cranach-ateljee, waar na ramings sowat 5 000 skilderye ontstaan het, is later deur sy gelyknamige seun Lucas Cranach die Jongere oorgeneem.

Verwysings[wysig | wysig bron]

Eksterne skakels[wysig | wysig bron]

Algemene inligting

(de) Cranach Digital Archive
(en) Cranach Digital Archive

[1] Cranach Digital Archive: Lucas Cranach der Ältere. Besoek op 22 Augustus 2020

[2] Deutsche Welle (dw.com), 8 April 2017: Lucas Cranach der Ältere: Der Maler als Marke. Besoek op 22 Augustus 2020

[1]

[2]