Marin Mersenne

in Wikipedia, die vrye ensiklopedie
Spring na: navigasie, soek
Marin Mersenne
Marin mersenne.jpg
Gebore (1588-09-08)8 September 1588
Oizé, Maine, Frankryk
Oorlede 1 September 1648 (op 59)
Parys, Frankryk
Nasionaliteit Vlag van Frankryk Frankryk
Vakgebied Filosofie, wiskunde
Bekend vir Akoestiek, Mersenne-priemgetalle

Marin Mersenne (Oizé, 8 September 1588Parys, 1 September 1648) was 'n Franse priester, wiskundige, teoloog, filosoof en wetenskaplike. Hy speel 'n belangrike rol in die verspreiding van wiskundige en wetenskaplike kennis. Sy eie wiskundige bydrae is die Mersenne-priemgetalle.

Lewensloop[wysig | wysig bron]

Marin Mersenne word gebore naby Oizé, Le Mans (vandag Sarthe, Frankryk). Mersenne studeer aan die Kollege van Le Mans en die Jesuïete-kollege in La Flèche, waar 'n lewenslange vriendskap met Descartes, sy mede-student, ontstaan. Van 1609 tot 1611 studeer hy teologie aan die Sorbonne. Hy word lid van die Orde van die Miniemen, en leef volgens 'n streng gelofte van armoede. Binne hiedie orde sit hy sy studie voort in Nigeon en Meaux. In 1612 keer hy terug na Parys waar hy priester word aan die koninklike paleis.

Sy monnikkamer in Parys, waar hy die grootste deel van sy lewe bly, word 'n ontmoetingsplek vir Fermat, Blaise Pascal, Gassendi, Roberval, Beaugrand en andere wiskundiges en wetenskaplikes. Ook via korrespondensie het hy baie kontak met wetenskaplikes in die hele Europa. Op die wyse kry hy informasie oor die nuutste wetenskaplike ontdekkings, wat hy weer deel met sy wetenskaplike vriende. Hy speel daarmee 'n belangrike rol in die verspreiding van wiskundige kennis in 'n periode waarin daar nog geen wetenskaplike en wiskundige tydskrifte in omloop was nie. Op hierdie wyse word nuwe wetenskaplike kennis baie vinniger versprei as in die voorafgaande eeue die geval was.

Mersenne ondersoek die priemgetalle en probeer 'n formule te vind wat alle priemgetalle sou voortbring of bevat. In die besonder ondersoek hy getalle van die soort 2p - 1 met p priem; die priemgetalle van hierdie soort staan bekend as Mersenne-priemgetalle.

Mersenne verdedig Descartes en Galileo Galilei teen teologiese kritiek en poog om die pseudowetensaplike karakter van die alchemie en die astrologie aan te toon.

Hy lewer verskillende wetenskaplike bydraes tot die akoestiek en die meganika. Hy doen byvoorbeeld die eerste meeting van die spoed van klank, en stel die wet van Mersenne op, waarvolgens die frekwesie van 'n trillende snaar ewenredig is met die wortel van die spankrag en omgekeerd eweredig is met die lengte van die snaar en die wortel van die massa per lengte-eenheid.

Bron[wysig | wysig bron]