Marlene Dumas

in Wikipedia, die vrye ensiklopedie
Marlene Dumas
Gebore 3 Augustus 1953 (1953-08-03) (70 jaar oud)
Kaapstad, Suid-Afrika
Sterf
Nasionaliteit Vlag van Suid-Afrika Suid-Afrika
Vlag van Nederland Nederland
Veld Skilder
Opleiding Michaelis se skool van Beeldende Kunste, de Ateliers
Webwerf www.marlenedumas.nl

Marlene Dumas (gebore 3 Augustus 1953 in Kaapstad, Suid-Afrika) is 'n Suid-Afrikaansgebore kunstenaar wat sedert 1976 in Amsterdam, Nederland woon en werk.[1] Sy kombineer elemente van ekspressionisme met konsepsuele kuns in ink-en-waterverfwerke en olie-op-doekskilderye.

Marlene Dumas het in Kuilsrivier grootgeword en by die Hoër Meisieskool Bloemhof in Stellenbosch skoolgegaan. Sy het daarna by die Universiteit van Kaapstad studeer van 1972 tot 1975 waar sy 'n BA-graad in beeldende kuns verwerf het. Sy het daarna in 1976 na Nederland geïmmigreer waar sy by die Ateliers '63 in Haarlem gewerk het.[2]

Narutowicz die President, 1922 deur Marlene Dumas 2012

Dumas het spoedig internasionale sukses behaal. In 1982 het sy op 29-jarige ouderdom aan Documenta VII in Kassel deelgeneem. Sy het solotentoonstellings in van die wêreld se voorste galerye en museums gehou soos die Tate in Londen (1996), die Pompidou-sentrum in Parys (2001) en die Museum vir Eietydse Kuns in New York (2002). In 1995 het sy Nederland op die Venesiese Biënnale verteenwoordig.

Op 8 November 2007 is haar eerste solouitstalling in Suid-Afrika, getiteld Intimate Relations, by die Suid-Afrikaanse Nasionale Kunsmuseum in Kaapstad geopen. Die uitstalling skuif later na Johannesburg waar dit van 6 Februarie tot 29 Maart 2008 in die Standard Bank-galery vertoon is. In 2008 word ’n solotentoonstelling van haar werk in die Museum vir Moderne Kuns in New York gehou.[3][4]

Die doel van haar werk is om die verhouding tussen kuns, vroulike modelle en selfs pornografie uit te beeld. Die beginpunt van baie van haar werk is Polaroidfoto's van haar vriende en minnaars. Sy gebruik ook tydskrifte en pornografiese materiaal. Dumas skilder ook portrette van kinders en erotiese tonele.[5]

In Februarie 2005 is haar skildery "Die Onderwyser" wat sy in 1987 geskilder het vir 'n rekordprys van $3,34 miljoen deur die afslaers Christie's in Londen verkoop. Die skildery vertoon 'n uitbeelding van 'n geposeerde klasfoto.[6]

Verwysings[wysig | wysig bron]

  1. "Marlene Dumas wen gesogte prys". Channel24 (in Engels). 3 November 2011. Geargiveer vanaf die oorspronklike op 10 Desember 2019. Besoek op 10 Desember 2019.
  2. MARLENE DUMAS \ INTIMATE RELATIONS, Jacana Media, Roma Publications,
  3. Rapport, Menswees deur die oë van Dumas Geargiveer 21 November 2007 op Wayback Machine deur Cobus van Bosch, besoek op 15 Desember 2007
  4. iziko, current exhibitions Geargiveer 13 Januarie 2008 op Wayback Machine, besoek op 15 Desember 2007
  5. Frith Street Gallery, MARLENE DUMAS Geargiveer 14 Desember 2007 op Wayback Machine, besoek op 15 Desember 2007
  6. The New York Times, Marlene Dumas's Number Comes Up, besoek op 15 Desember 2007

Eksterne skakels[wysig | wysig bron]