Mesonychia

in Wikipedia, die vrye ensiklopedie
Jump to navigation Jump to search
Mesonychia
Tydperk: 63–34 m. jaar gelede
Wetenskaplike klassifikasie
Koninkryk: Animalia
Filum: Chordata
Klas: Mammalia
Infraklas: Eutheria
Superorde: Laurasiatheria
(klade): Ferae
Orde: †Mesonychia
Familia
  • †Hapalodectidae
  • †Mesonychidae
  • (†Triisodontidae, sien teks)

Mesonychia is 'n orde van uitgestorwe soogdiere. Die meeste het soos wolwe gelyk, maar van hulle was kleiner soos vosse or groter soos 'n beer. Hulle het in die midde-Paleoseen verskyn op die noordelike kontinente en hulle het in Noord-Amerika ongeveer 37 miljoen jaar gelede uitgesterf, in Asië effens later (~34 mj).

Hulle liggame het baie soos die wolwe s'n gelyk. Hulle het ook soos wolwe op hule tone geloop, maar hierdie het hoewe. Hulle het 'n swaar stewige skedel en skerp hoektande. Die kiestande was enorm en het 'n ronde top. Dit was dalk om beendere te verbrysel. [1]

Die bekendste lede is die Hapalodectidae soos Hapalodectes, wat moontlik 'n akwatiese lewenswyse gehad het en die Mesonychidae (19 genusse) soos Sinonyx, Mesonyx en Dissacus . 'n Derde familie word soms tot die Mesonychia gereken, die Triisodontidae.

Andrewsarchus word dikwels ook as lid van die Mesonychia beskou, maar was waarskynlik nie verwant nie.

Galery[wysig | wysig bron]

Taksonomie[wysig | wysig bron]

Hulle taksonomiese posisie is lank onduidelik gewees, maar onlangse navorsing lyk meer duidelikheid te bring. In teenstelling tot die Carnivoramorpha, 'n groep wat die huidige Carnivora (katte, honde, bere) vereen met die uitgestorwe Viverravidae en Miacidae, besit die Mesonychia geen skeurtande nie. [2] Hulle is dikwels buite die Ferae geplaats wat die Carnavorimorpha en die Pholidota (Ietermagoë) vereen.

Daar is dikwels is 'n verwantskap met die ewehoewiges voorgestel en hulle is selfs lank as die voorouers van die walvisse (Cetacea) gesien, omdat hulle tande vergelykbaar is.[1] Sowel molekulêre as later ook fossiele gegewens het dit nogtans as onjuis getoon. Die genetiese navorsing het die Walvisse binne die ewehoewiges geplaas saam met die seekoeie en die enkelbeendere van fossiele walvisse het dit bevestig. Die verwantskap met die Mesonychia is daarmee opgegee.

'n Onlangse groot ontleding van fossiele en onlangse skelette (Halliday 2015)[3] het getoon dat die Mesonychia taamlik nou aan die Carnivoramorpha verwant is, selfs nouer as die Pholidota of die Creodonta wat ook binne dieselfde kroongroep val. Die Triisodontidae lyk 'n apart ouer sytak van die Carnivoramorpha te wees. Volgens Halliday se ontleding behoort die eintlike Mesonychia en die Triisodontidae binne die Ferae geplaas te word en nie by die ander groot groep binne die Laurasiatheria, die Euungulata wat die ewehoewiges bevat.

'n Vereenvoudigde kladogram sien so uit:

Ferae


Triisodontida



Carnivoramorpha

Viverravidae



Carnivora




Mesonychia






Creodonta en heelparty ander groepe.



Pholidota




Verwysings[wysig | wysig bron]

  1. 1,0 1,1 Mesonychids Donald ProtheroEcyclopedia of Paleontology 1999.
  2. Dispersals of placental carnivorous mammals (Carnivormorpha, Oxyaenodonta & Hyaenodontida) near the Paleocene-Eocene boundary: a climatic and almost worldwide story Floréal Solé, Thierry Smith Geologica Belgica (2013) 16/4: 254-261
  3. Resolving the relationship of Paleocene Placental mammals, Thomas J. D. Halliday, Paul Upchurch, Anjali Goswami Biological Reviews 92(1) 2015, 521-550