Meton van Athene

in Wikipedia, die vrye ensiklopedie
Jump to navigation Jump to search
Meton van Athene
Gebore ca. 460 v.C.
Athene, Antieke Griekeland
Oorlede onbekend
Antieke Athene
Vakgebied Sterrekunde, Wiskunde

Meton van Athene (Grieks: Μέτων ὁ Ἀθηναῖος) was 'n Oud-Griekse astronoom, wiskundige en ingenieur. Hy was die seun van Pausanias en leef in die tweede helfte van die 5de eeu voor Christus. Hy bestudeer geometrie en astronomie onder Paeinus, wie in 'n observatorium op die Lycabettos heuwel sterrenkundige waarnemings doen. Hy ontdek saam met Euctemon die ongelyke lengte van die jaargetye.

Lewensloop[wysig | wysig bron]

Meton was geïnteresseerd in die fases van die maan en bevestig in die verband die waarde van die periode van 19 jaar wat in Babilonië al sedert 747 voor Christus gebruik word. In 19 jaar gaan 235 maanmaande verby en bevind sowel die son as die maan hul weer in dieselfde posisie. Hierdie periode word die siklus van Meton genoem; naamlik na 19 jaar val die maanfases weer op dieselfde dae van die maan.

Hy gebruik dit om 'n kalender saam te stel van 110 "leë" maande van 29 dae en 125 "volle" maande van 30 dae. Dit het 'n gemiddelde jaarlengte van 365+ 5/19 dag geimpliseer. Hoewel dit maar 30 minute en 11 sekondes te lank is, was daar in 492 voor Christus deur Nabu-rimanni 'n berekening wat maar 6 minute en 2 sekondes te lank was.

Meton kry egter in Athene geen belangstelling in sy kalender nie en dit word dan ook nie ingestel nie. Aristophanes dryf met hom die spot in Die Wolke en Die Voëls. Meton word voorgestel as 'n lafaard wat geestelike versteurdheid voorhou as verskoning om nie te hoef veg in die oorlog in Sisilië nie.

Die impakkrater Meton op die maan is na hom genoem. Die krater het 'n deursnee van 130 km en die koördinate is 7'6'N 18'8'O.

Bronne[wysig | wysig bron]

  • Hierdie artikel is vertaal van die Nederlandse Wikipedia.