Monotremata

in Wikipedia, die vrye ensiklopedie
Jump to navigation Jump to search

Monotremata
Prototheria collage.png
Wetenskaplike klassifikasie
Domein:
Koninkryk:
Filum:
Subfilum:
Klas:
Orde:
Monotremata
Families

Monotremata (ook genoem monotrama) is 'n orde wat tot die klas soogdiere hoort. Alhoewel die monotremata soogdiere is, lê hulle eiers, en word hul kleintjies nie lewend gebore nie.

Hulle het ook strukturele verskille van ander soogdiere, soos hul breine, kakebene, verteringstelsels, voorplantingsorgane en ander dele van hul liggame, as hulle met gewone soogdiere vergelyk word. Die monotramas se temperatuur is gewoonlik ook effens laer as ander soogdiere. Die vroulike monotrama se kleintjies soog aan die wyfie.

Voorbeelde van die groep is die eendbekdier en die mierystervarke.

Die mierystervark[wysig | wysig bron]

Dit toon ooreenkomste met sowel die miervreter as die ystervark. Die dier is sowat 40 tot 80 em lank, met 'n ronde snawel en lang hare op sy liggaam. Net soos die ystervark het die diertjie kenmerkende penne op sy rug. Die dier se lang tong kan ver uitgesteek word en is uiters geskik vir die oplek van miere en termiete. As die mierystervark skielik aangeval word, rol hy hom net soos 'n krimpvark in 'n ronde balletjie op en word dan deur sy rugpenne beskerm.

Eendbekdiere[wysig | wysig bron]

Met sy stroombelynde liggaam is die eenbekbekdier uitstekend aangepas om klein diertjies onder water te vang. Die dier se liggaam is 50 tot 60 cm lank met kort pote, ʼn plat, beweragtige stert en ʼn plat breë snawel. Die dier ʼn het glansende bruin pels, en daar is 5 sterk kloutjies aan die pote, wat ook met swemvliese toegerus is. Aan die binnekant van die dier se agterpoot is daar ʼn skerp “spoor” wat aan ʼn gifklier verbind is. Die eendbekdier gebruik hierdie wapen wanneer hy bedreig word. Die dier se enorme eetlus (ʼn wyfie wat 1,5 kg weeg, kan maklik daagliks sowat 540 erdwurms, 20 tot 30 krefies, 200 meelwurms, 2 klein paddatjies en 2 eiers verorber) was aanvanklik ʼn groot probleem vir dieretuine wat die diere aangehou het. Aan die oewers van klein stroompies bou die eendbekdier ʼn tonnel met gange van 5 tot 15 m lank. In hierdie tonnel bring hy die grootste deel van die dag deur.

Verwysings[wysig | wysig bron]