Monterey County

in Wikipedia, die vrye ensiklopedie
Jump to navigation Jump to search
Monterey County
County
Uitsig oor die Big Sur-kuslyn
Uitsig oor die Big Sur-kuslyn
Ligging van Monterey County in Kalifornië
Ligging van Monterey County in Kalifornië
Koördinate: 36°24′N 121°31′W / 36.400°N 121.517°W / 36.400; -121.517Koördinate: 36°24′N 121°31′W / 36.400°N 121.517°W / 36.400; -121.517
LandVlag van Verenigde State van Amerika Verenigde State
DeelstaatKalifornië
StreekCalifornia Central Coast
Inkorporasie1850
Oppervlak
 • Totaal9 767 km2 (3 771 vk. myl)
 • Land8 604 km2 (3 122 vk. myl)
 • Water1 163 km2 (449 vk. myl)  11,9%
Bevolking
 • Totaal415 057
 • Digtheid47/km2 (122/vk. m.)
TydsoneUTC-8 (PST)
 • SomertydUTC-7 (PDT)
CommonsMonterey County
Webwerfco.monterey.ca.us

Monterey County is 'n county langs die Stille Oseaankus van die Amerikaanse deelstaat Kalifornië. Sy noordwestelike deel vorm die suidelike helfte van Montereybaai, terwyl die noordelike helfte in die aangrensende Santa Cruz County geleë is. Die plaaslike ekonomie steun swaar op toerisme in die kusgebiede en landbou in die Salinas-riviervallei.

Die bevolking het in 2010 415 057 beloop.[1] Salinas is die grootste nedersetting in Monterey County en dien ook as die administratiewe setel. Die bevolking is veral langs die noordelike kuslyn en in die Salinas-vallei gekonsentreer wat die suidkus en die binnelandse berggebiede byna onbewoon laat.

Tydens die Spaanse en Mexikaanse bewind het die stad Monterey as hoofstad van Kalifornië gefungeer. Monterey County is vandag oor die wêreld bekend vir die natuurskoon van sy kuslyn, waaronder Big Sur, die State Route 1 en die 17 Mile Drive op die Monterey-skiereiland.

Vervoer[wysig | wysig bron]

Openbare vervoer in Monterey County is onder beheer van Monterey-Salinas Transit wat met sy vloot van 128 busse 61 roetes in die distrik bedryf.[2] Passasierspoordienste word deur Amtrak op Salinas se treinstasie verskaf. Vanuit die streekslughawe in Monterey (Monterey Regional Airport) onderneem lugrederye regstreekse vlugte na Dallas, Denver, Las Vegas, Los Angeles, Phoenix, San Diego en San Francisco.

Verwysings[wysig | wysig bron]