Murat I

in Wikipedia, die vrye ensiklopedie
Murat I
Sultan van die Ottomaanse Ryk

Volle naam Sultan Murat I Hüdavendigâr
Ottomaanse naam خداوندگار
Tydperk 1362–1389
Stadium Opgang van die Ottomaanse Ryk
Huis Osman
Voorganger Orhan
Opvolger Bajezid I
Toegra

Murat I (Ottomaanse Turks: خداوندگار, moderne Turks: I.Murat Hüdavendigâr; 29 Maart/Junie 1326 – 15 Junie 1389), ook genoem die Goddelike Een, was van 1362 tot 1389 die sultan van die Ottomaanse Ryk. Hy was die seun van Orhan en het sy pa ná sy dood in 1362 opgevolg.

Murat het die Ottomaanse Ryk uit die Osmanli-prinsdom gestig deur ’n gemeenskap en regering op te bou in die nuut oorwonne stad Adrianople (Edirne in Turks) en deur die ryk in Europa uit te brei. Hy het die meeste inwoners van die Balkan-skiereiland onder sy beheer gebring en die Bisantynse keiser gedwing om belasting aan hom te betaal. Hy het die titel sultan in 1383 ingestel, asook baie van die ryk se ampte.

Murat het verskeie gebiede verower en in 1389 ’n Serwiese weermag onder die leierskap van Lazar verslaan by die Slag van Kosowo. Murat en Lazar is albei in die geveg dood. Hy is opgevolg deur sy seun Bajezid I.

Hierdie artikel is vertaal vanuit die Engelse Wikipedia