Museo del Prado
![]() | |
Die Museo del Prado
| |
Plek | Madrid |
---|---|
Land | Spanje |
Openingsjaar | 19 November 1819 |
Tipe museum | Kunsmuseum, historiese museum |
Webtuiste | www.museodelprado.es |
Die Prado Museum (Spaans: Museo del Prado; Spaanse fonetiese spelling: muˈseo ðel ˈpɾaðo), amptelik bekend as die Museo Nacional del Prado, is Spanje se belangrikste nasionale kunsmuseum. Dit is geleë in sentraal-Madrid. Dit beskik oor die gesogste versamelings Europese kuns, wat dateer uit die 12de eeu tot die vroeë 20ste eeu. Dit is gebaseer op die voormalige Spaanse Koninklike Versameling. As sulks is dit die enkele beste versameling van Spaanse kuns. Dit is aanvanklik in 1819 gestig as 'n skilder- en beeldhoumuseum, maar huisves ook belangrike versamelings van ander soort werke. Die Museo Nacional de Prado is een van die mees besoekte museums in die wêreld. Verskeie werke deur Goya, die mees verteenwoordigde kunstenaar in die museum, sowel as werke deur Bosch, El Greco, Rubens, Titiaan, en Velázquez, is slegs sommige van die hoogtepunte uit dié versameling. Velázquez, met sy skerp oog en aanvoeling vir kuns, was ook verantwoordelik daarvoor dat groot dele van die museum se versameling Italiaanse meesterwerke vanuit Italië na Spanje oorgebring is, wat dit tans die grootste versameling Italiaanse meesterwerke buite Italië maak.
Die versameling bestaan tans uit ongeveer 8,200 tekeninge, 7,600 skilderye, 4,800 gedrukte werke, en 1,000 beeldhouwerke, bykomend tot verskeie ander kunswerke en historiese dokumente. Met ingang 2012 het die museum nagenoeg 1,300 werke in die hoofgebou tentoongestel, terwyl omtrent 3,100 werke tydelik geleen is aan verskillende museums en amptelike instellings. Die restant van die werke word gestoor.[1]
Die Prado, met die nabygeleë Thyssen-Bornemisza Museum en die Museo Reina Sofía, vorm deel van Madrid se "Goue Driehoek van Kuns", wat in 2021 ingesluit is in UNESCO se lys van Wêrelderfenisgebiede.
Hoogtepunte van die versameling[wysig | wysig bron]








'n Keur uit die versameling[wysig | wysig bron]
Andrea Mantegna, Die Dood en die Maagd, ongeveer 1461
Dürer Adam en Eva, 1507
Raphael, Portret van 'n Kardinaal, ongeveer 1510–11
Tintoretto, Christus Was die Dissipels se Voete, ongeveer 1518
Correggio, Noli me tangere, ongeveer 1525
Titiaan, Die Bacchanal van die Andrians, ongeveer 1523–1526
Titiaan, Die Ruiterkunssport van Karel V, ongeveer 1548
Titiaan, Man se Ondergang, ongeveer 1570
El Greco, Die Heilige Drie-eenheid, 1577–1579
El Greco, Die Edelman met sy Hand op sy Bors, ongeveer 1580
Paolo Veronese, Venus en Adonis, omstreeks 1580
Caravaggio, Dawid en Goliat, 1600
Rembrandt, Judith by die banket van Holofernes, omstreeks 1634
Antoon van Dyck, Selfportet met Sir Endymion Porter, omstreeks 1635
Diego Velázquez, Die Oorgawe van Breda, 1634–35
Diego Velázquez, Mars Rus, 1639–1641
Rubens, Die Oordeel oor Parys, 1638–39
Goya, Die Derde Mei 1808, 1814
Goya, Die Hond, 1819–1823
Goya, Saturnus Verslind Sy Seun, 1819–1823
Verwysings[wysig | wysig bron]
- ↑ "The Collection: origins". Museo Nacional del Prado. Besoek op 15 November 2012.Sien ook Museo del Prado, Catálogo de las pinturas, 1996, Ministerio de Educación y Cultura, Madrid, Geen ISBN, wat omtrent 7,800 skilderye lys. Baie werke is deur die jare aan die Museo Reina Sofia en aan ander museums geskenk; ander werke word weer geleen of gestoor. Met betrekking tot die nuwe tentoonstellings, sien El Prado se reordena y agranda. europapress.es here (in Spaans)
Verdere leesmateriaal[wysig | wysig bron]
- Araujo Sánchez, Ceferino. Los museos de España. Madrid 1875.
- Blanco, Antonio. Museo del Prado. Catálago de la Escultura. I Esculturas clásicas. II. Escultura, copia e imitaciones de las antiguas) (siglos XVI–XVIII). Madrid 1957.
- Luca de Tena, Consuelo and Mena, Manuela. Guía actualizada del Prado. Madrid: Alfiz 1985.
- Rumeu de Armas, Antonio. Origen y fundación del Museo del Prado. Madrid: Instituto de España 1980.