Peter Paul Rubens

in Wikipedia, die vrye ensiklopedie
Spring na: navigasie, soek
Peter Paul Rubens
Anoniem. Portret van Peter Paul Rubens. Sonder jaar.
Anoniem. Portret van Peter Paul Rubens. Sonder jaar.
Beskrywing Suid-Nederlandse skilder, tekenaar en diplomaat
Geboorte 28 Junie 1577; Siegen
Afsterwe 30 Mei 1640; Antwerpen
Styl Barok
Commons-logo.svg
Wikimedia Commons het meer media verwant aan:
Peter Paul Rubens (kategorie)

Peter Paul Rubens, gebore op 28 Junie 1577 in Siegen, oorlede op 30 Mei 1640 in Antwerpen, ook Pieter Paul, Pieter Pauwel of Petrus Paulus Rubens genoem, was 'n Suid-Nederlandse skilder, tekenaar en diplomaat, werksaam in Antwerpen. Hy word gesien as een van die belangrikste en invloedrykste barokskilders van die Suid-Nederlandse skool.

Lewensloop[wysig]

Rubens is gebore as seun van Jan Rubens en sy eggenote Maria Pypelinckx. Jan Rubens was 'n geleerde en wereldwyse man, maar sy seun het hom skaars geken, omdat die Duitsers hom vir 'n lang tyd gevange gehou het, vir egbreuk met Anna van Sakse.

Rubens het 'n humanistiese opvoeding in Keulen en later in Antwerpen ontvang. Na 'n artistieke opleiding by Tobias Verhaecht, Adam Van Noort en Otto van Veen, word hy as meester in die Antwerpse skildersgilde opgeneem. Op 9 Mei 1600 reis hy na Italië, waar hy kennisgemaak het met die kuns van die oudheid. Benewens sy studie werk hy as diplomaat in diens van die hertog van Mantua, Vincenzo I Gonzaga. Tussen 1603 en 1604 het hy vir 'n diplomatieke missie vir die hertog van Mantua in Spanje gebly, waar hy as skilder gewerk het in opdrag van die Spaanse hof en die hertog van Lerma.

Vanaf Oktober 1608 het hy weer in die Nederlande gebly en in 1609 is hy benoem tot hofskilder aan die hof in Brussel. Hy was woonagtig Antwerpen, waar hy op 3 Oktober van dieselfde jaar met Isabella Brant getrou het.

As gevolg van die Twaalfjarig Bestand in die jare 1609-1621, het die rykdom van Antwerpen gestyg. Hierdeur het Rubens binne 'n kort periode verskillende opdragte gekry. In 1610 het hy 'n groter huis gekoop aan die Wapper, wat teenswoordig die Rubenshuis genoem word, waar hy 'n ateljee met 'n groot aantal assistente en leerlinge ingerig het. Hierdeur het hy nog meer opdragte aangeneem. Rubens het selektief geskilder, met die gesig en hande vir porretopdragte deur hom gedoen, en die res voltooi deur sy assistente. Frans Snyders het vir hom afbeeldings van diere geskilder.

In 1626 is sy vrou, Isabella Brant oorlede en in 1630 het hy getrou met die 16-jarige Hélène Fourment. Sy sukses as skilder het hom in staat gestel om die landgoed Het Steen in Elewijt te koop. Rubens, wat aan jig gely het, is oorlede in sy huis aan die Wapper in Antwerpen op 30 Mei 1640. Hy is begrawe in die Sint-Jacobskerk aldaar.